9 വർഷങ്ങൾ കാത്തു, പിന്നെയാണോ രണ്ട് മാസങ്ങൾ, എന്തുകൊണ്ട് കല്യാണം വൈകി എന്ന് വെളിപ്പെടുത്തി വിശാൽ

Authored by: അശ്വിനി പി|Samayam Malayalam•1 Sept 2025, 9:19 pm

തമിഴകത്ത് ഏറ്റവും അധികം ചർച്ച നടന്ന വിഷയങ്ങളിൽ ഒന്നാണ് എന്തുകൊണ്ട് വിശാൽ വിവാഹം ചെയ്യുന്നില്ല എന്നത്. ഒരു ഗംഭീര പ്രണയവും, മറ്റൊരു വിവാഹ നിശ്ചയവും പാതിയിൽ വച്ച് മുടങ്ങിപ്പോയിരുന്നു, അതിനിടയിൽ കീർത്തി സുരേഷ് അടക്കമുള്ള നടിമാരെ വിശാൽ വിവാഹം ആലോചിച്ചു എന്ന വാർത്തകളും വന്നിരുന്നു. അവസാനം നടന്റെ ശരിക്കുള്ള വിവാഹ നിശ്ചയം കഴിഞ്ഞ ദിവസം നടന്നു.

നടി സായി ധൻഷികയുമായുള്ള വിവാഹ നിശ്ചയം ഇക്കഴിഞ്ഞ ആഗസ്റ്റ് 29 നാണ് കഴിഞ്ഞത്. അന്നത്തെ ദിവസം വിശാലിന്റെ ബർത്ത് ഡേ ആയിരുന്നു. തന്റെ പിറന്നാൾ ദിവസം ഒരു സർപ്രൈസ് ഉണ്ട് എന്ന് നേരത്തെ വിശാൽ പറഞ്ഞിരുന്നു. ഒന്നുകിൽ നടികർ സംഘത്തിന്റെ കെട്ടിട ഉദ്ഘാടനമോ വിവാഹ നിശ്ചയമോ തന്നെയാവും എന്ന് ആരാധകർ ഊഹിക്കുകയും ചെയ്തിരുന്നു. എന്നാൽ അന്നത്തെ ദിവസം വിവാഹം നടത്താൻ തന്നെയായിരുന്നു തീരുമാനിച്ചിരുന്നത് എന്ന് വിശാൽ പറയുന്നു.

Also Read: തനി മലയാളിയായി അക്ഷയ് കുമാർ ഗുരുവായൂർ ക്ഷേത്രത്തിൽ; കഴിഞ്ഞ ദിവസം പനമ്പിള്ളി നഗറിലെ ചായക്കടയിൽ വന്നത് എന്തിനായിരുന്നു?

തമിഴ് സിനിമ താരങ്ങളുടെ സംഘടനയ്ക്കായുള്ള നടികർ സംഘത്തിന്റെ കെട്ടിടം പണി പൂർത്തിയായതിന് ശേഷം മാത്രമേ വിവാഹം വിവാഹം ഉണ്ടാവൂ എന്ന് വർഷങ്ങൾക്ക് മുൻപെ പറഞ്ഞിട്ടുള്ളതാണ്. ഒൻപത് വർഷങ്ങളായി കെട്ടിടം പണി നടന്നുകൊണ്ടിരിയ്ക്കുകയാണ്. കല്യാണം എങ്ങനെയായാലും പണി പൂർത്തിയായിട്ടേ ഉണ്ടാവൂ എന്നാണ് ഇപ്പോഴും വിശാൽ പറയുന്നത്.

Also Read: ആരാണ് അതിന് വിധവ ആയത്? ഇന്റർവ്യൂസിൽ പറഞ്ഞതൊക്കെ നുണയാണ് നീ കൊണ്ട് കേസ് കൊടുക്ക്; മസ്താനിയോട് രേണു

എങ്ങനെയായാലും ഒൻപത് വർഷങ്ങൾ കാത്തു, ഇനി കെട്ടിടം പണി പൂർത്തിയാവാൻ രണ്ട് മാസങ്ങൾ കൂടയേയുള്ളൂ. അത് ആഗസ്റ്റ് 29, തന്റെ പിറന്നാളിന് മുൻപ് പൂർത്തിയാവും എന്ന് കരുതിയാണ്, ആ ദിവസം വിവാഹം നടത്താം എന്നാലോചിച്ചച്. അത് നടക്കാത്തതിനാലാണ് അന്നത്തെ ദിവസം നിശ്ചയം തീരുമാനിച്ചത്. ഇനി രണ്ട് മാസങ്ങൾക്കകം കെട്ടിടം പണി പൂർത്തിയാവുന്നതോടെ വിശാലിന്റെയും ധൻഷികയുടെയും വിവാഹവും ഉണ്ടാവും.

വിവാഹത്തിന്റെ ഡേറ്റ് എന്നാണ് എന്ന് ചോദിച്ചപ്പോൾ, ഞാൻ ഓൾറെഡി വിവാഹത്തിന് വേണ്ടിയുള്ള ഓഡിറ്റോറിയം ബുക്ക് ചെയ്തു കഴിഞ്ഞു. കെട്ടിടത്തിന്റെ ഉദ്ഘാടനം കഴിഞ്ഞാൽ ഡേറ്റ് അറിയിക്കുന്നതായിരിക്കും എന്നാണ് വിശാൽ പറഞ്ഞ്.