BTS നെ കടത്തിവെട്ടി റോസെയുടെ APT; ബിൽബോർഡ് ഹോട്ട് 100 ൽ ഇടം നേടിയ അഞ്ച് കൊറിയൻ പോപ് ​ഗാനങ്ങൾ?

Authored by: അശ്വിനി പി|Samayam Malayalam•17 Jun 2025, 2:21 pm

ബി ടി എസ് അംഗം ജിമിന്റെ Who എന്ന ഗാനത്തെ കടത്തിവെട്ടി റോസിയുടെയും ബ്രൂണോ മാർസിന്റെയും എപിടി . ബിൽബോർഡ് ഹോട്ട് 100 ചാർട്ടിൽ 34 ആഴ്ചകൾ പൂർത്തിയാക്കി പുതിയ റെക്കോർഡ് സൃഷ്ടിച്ചിരിയ്ക്കുകയാണ്. അപാറ്റെയു.. അപാറ്റെയു എന്ന് ഏറ്റുപാടാത്ത മലയാളികളും നമുക്കിടയിൽ ഇല്ല.

ബിലോ‍ബോർഡ് ഹോട്ട് 100 ൽ ഒന്നാം സ്ഥാനത്ത് എത്തിയതോടെ ഇന്റർനാഷണൽ തലത്തിൽ ഒന്നുകൂടെ സ്ഥാനമുറപ്പിയ്ക്കുകയാണ് റോസെ. ഓസ്കാർ ജേതാവായ ബ്രൂണോ മാർസുമായി ചേർന്നുള്ള ഈ ഗാനം പുറത്തിറങ്ങിയപ്പോൾ തന്നെ ഇന്റർനെറ്റിൽ തരംഗമായിരുന്നു. എട്ട് മാസങ്ങൾക്കിപ്പുറവും ' APT ' റെക്കോർഡുകൾ ഭേദിച്ച് മുന്നേറുകയാണ്.

Also Read: മലയാളം അവഹേളിച്ചുവിട്ട നായികമാർ എല്ലാം ഇന്ന് സൂപ്പർ താരങ്ങളാണ്! ആരൊക്കെയാണ് അനുപമ പരമേശ്വരൻ അല്ലാതെ ആ 4 നടിമാർ, സുരേഷ് ഗോപി വിട്ടുപോയ ഒരു പേര്?

അതിനിടയിലാണ് ബിൽബോർഡ് ഹോട്ട് 100 ൽ ഇടം നേടിയത്. ഇതോടെ ബിൽബോർഡ് ഹോട്ട് 100-ൽ ഏറ്റവും കൂടുതൽ കാലം ചാർട്ടിൽ ഇടം നേടിയ കെ-പോപ്പ് ഗാനത്തിന്റെ ആർട്ടിസ്റ്റ് എന്ന ബഹുമതിയും റോസിക്ക് സ്വന്തമായി. 2024 ഒക്ടോബർ 18 നാണ് റോസിയുടെയും ബ്രൂണോ മാർസിന്റെയും എപിടി പുറത്തിറങ്ങിയത്.

ഈ റെക്കോർഡ് ഇതിനുമുമ്പ് ബിടിഎസ് അംഗം ജിമിന്റെ "Who" എന്ന ഗാനത്തിനായിരുന്നു. ജിമിന്റെ രണ്ടാമത്തെ സോളോ ആൽബമായ "Muse"-ലെ പ്രധാന സിംഗിളായിരുന്നു ഇത്. ഇതുവരെ കണ്ടിട്ടില്ലാത്ത ഒരാളോടുള്ള അടങ്ങാത്ത ആഗ്രഹവും യഥാർത്ഥ പ്രണയത്തിനായുള്ള തീവ്രമായ അന്വേഷണവുമാണ് ഈ ഗാനത്തിന്റെ വരികളിലൂടെ അവതരിപ്പിക്കുന്നത്. ഈ റൊമാന്റിക് ഗാനം ബിൽബോർഡ് ഹോട്ട് 100 ചാർട്ടിൽ 33 ആഴ്ചകൾ ഉണ്ടായിരുന്നു.

റോസി ഈ റെക്കോർഡ് മറികടക്കുന്നതിന് മുമ്പ് ഈ നേട്ടം കൈവരിച്ച ആദ്യത്തെ കെ-പോപ്പ് ഗാനമായിരുന്നു ജിമിന്റെ Who. മറ്റ് ആർട്ടിസ്റ്റുകളുടെ ഗാനങ്ങളുടെ സ്ഥാനം നിലനിൽക്കുമ്പോൾ റോസിയുടെ ഗാനം ഇപ്പോഴും ചാർട്ടിൽ തുടരുന്നു എന്നത് ഈ നേട്ടത്തെ കൂടുതൽ ശ്രദ്ധേയമാക്കുന്നു. ഡൈയനാമിറ്റ് ( 32 ആഴ്ച), ഗന്നം സ്റ്റൈൽ (31 ആഴ്ച), ക്യുപ്പഡ് (25 ആഴ്ച) എന്നിവയാണ് ലിസ്റ്റിലുള്ള മറ്റ് കെ പോപ് ഗാനങ്ങൾ.


APT എന്ന ഗാനം റോസിക്ക് മുമ്പെങ്ങുമില്ലാത്ത ജനപ്രീതിയാണ് നേടിക്കൊടുത്തത്. Apple Music Top 100 Global Chart-ൽ ഒന്നാം സ്ഥാനത്തെത്തുന്ന ആദ്യത്തെ കെ-പോപ്പ് ഗായികയാക്കി മാറ്റുകയും, ഈ നേട്ടത്തിന് ഗിന്നസ് വേൾഡ് റെക്കോർഡും റോസിക്ക് ലഭിച്ചു. കൂടാതെ, യുഎസ് റേഡിയോയിലെ ഗാനങ്ങളുടെ ജനപ്രീതി ട്രാക്ക് ചെയ്യുന്ന ബിൽബോർഡിന്റെ പോപ്പ് എയർപ്ലേ ചാർട്ടിൽ ഏറ്റവും ഉയർന്ന റാങ്കിംഗ് നേടുന്ന കെ-പോപ്പ് ആർട്ടിസ്റ്റ് എന്ന പുതിയ റെക്കോർഡും റോസി കീഴടക്കി.