CSK vs SRH: ഇരുവർക്കും നിർണായകം; ജയിച്ചെങ്കിൽ മാത്രം പ്ലേ ഓഫ് സാധ്യത

Edited byഅനുഷ ഗംഗാധരൻ | Samayam Malayalam | Updated: 24 Apr 2025, 4:16 pm

ഇന്ത്യൻ പ്രീമിയർ ലീഗ് 2025 ൽ പോയിന്റ് ടേബിളിൽ ഏറ്റവും അവസാനമുള്ള രണ്ട് ടീമുകളാണ് സൺറൈസേഴ്‌സ് ഹൈദരാബാതും ചെന്നൈ സൂപ്പർ കിങ്‌സും. സൺറൈസേഴ്‌സ് ഹൈദരാബാദ് എട്ട് മത്സരങ്ങളിൽ രണ്ട് ജയവും ആറ് തോൽവിയുമായി പോയിന്റ് പട്ടികയിൽ ഒമ്പതാം സ്ഥാനത്തും എട്ട് മത്സരങ്ങളിൽ രണ്ട് ജയവും ആറ് തോൽവിയുമായി ചെന്നൈ സൂപ്പർകിങ്‌സ്‌ പോയിന്റ് പട്ടികയിൽ പത്താം സ്ഥാനത്തുമാണ്. ഐപിഎല്ലിലെ ഈ സീസണിലെ 43 ആം മത്സരം ഇവർ തമ്മിലാണ്.
സഞ്ജു എന്ന് തിരിച്ചെത്തും? പരിക്കിനെക്കുറിച്ച് തുറന്ന് പറഞ്ഞ് രാഹുൽ ദ്രാവിഡ്ചെന്നൈയിലെ എംഎ ചിദംബരം സ്റ്റേഡിയത്തിലാണ് മത്സരം. ഇരു ടീമുകൾക്കും ഈ മത്സരം നിർണായകമാണ്. കാരണം ഈ രണ്ട് ടീമുകൾക്കും പ്ലേ ഓഫ് കളിക്കണം എങ്കിൽ ഇനിയങ്ങോട്ടുള്ള മത്സരങ്ങളിൽ ഒന്നിൽ പോലും തോൽക്കാൻ പാടില്ല. ഈ മത്സരത്തിൽ ടീമുകൾ നേരിടുന്ന പ്രധാന വെല്ലുവിളിയും ടീമുകളുടെ സാധ്യത പ്ലേയിങ് ഇലവൻ എങ്ങനെ എന്നും പരിശോധിക്കാം.

സൺറൈസേഴ്‌സ് ഹൈദരാബാദ് നേരിടുന്ന വെല്ലുവിളികൾ

പതിവുപോലെ ഹൈദരാബാദ് നേരിടുന്ന പ്രധാന വെല്ലുവിളി സ്വന്തം ടീമിലെ ബാറ്റർമാർ തന്നെയാണ്. കഴിഞ്ഞ ദിവസം മുംബൈയുടെ മുന്നിൽ ദയനീയ തോൽവി ഏറ്റുവാങ്ങിയതിന്റെ കാരണവും ബാറ്റർമാരുടെ സ്ഥിരതയില്ലാത്ത പ്രകടനം മൂലമാണ്. നിലവിൽ സിഎസ്കെ ഫോമിൽ അല്ലെങ്കിലും ഐപിഎൽ 2025 ൽ ഏറ്റവും കൂടുതൽ വിക്കറ്റ് നേടിയ താരങ്ങളുടെ ലിസ്റ്റ് എടുത്താൽ അതിൽ ആദ്യ പത്തിൽ മൂന്നാം സ്ഥാനത്താണ് സിഎസ്കെയുടെ ബൗളർ നൂർ അഹമ്മദ് സ്ഥാനം പിടിച്ചിരിക്കുന്നത്. ഈ താരത്തെ നേരിടാൻ സൺറൈസേഴ്‌സ് ഹൈദരാബാദ് സജ്ജമാകണം.

ചെന്നൈ സൂപ്പർ കിങ്‌സ്‌ നേരിടുന്ന വെല്ലുവിളികൾ

സിഎസ്കെ ടീമിലെ താരങ്ങൾ നേരിടുന്ന പ്രധാന വെല്ലുവിളി താരങ്ങൾക്ക് ഏൽക്കുന്ന പരിക്കാണ്. എം എസ് ധോണി നായക സ്ഥാനത്ത് തുടരുന്നതാണ് ആരാധകരുടെ ഏക പ്രതീക്ഷ. അതേസമയം ഹെൻറിച്ച് ക്ലാസനേയും അഭിഷേക് ശർമയേയും സിഎസ്കെ ഭയക്കേണ്ടതുണ്ട്. നിലവിൽ താരങ്ങൾ മികച്ച പ്രകടനം കാഴ്ചവെച്ചില്ലങ്കിലും സീസണിൽ ചില അപ്രതീക്ഷിത പ്രകടനങ്ങൾ പുറത്തെടുത്ത താരങ്ങളാണ് ഇരുവരും. അതുകൊണ്ട് ഇവരെ നേരിടാനുള്ള തന്ത്രം മെനെയേണ്ടത് അനിവാര്യമാണ്.

ചെന്നൈ സൂപ്പർ കിംഗ്സ് സാദ്യത പ്ലേയിങ് ഇലവൻ

എംഎസ് ധോണി (സി), എസ് ദുബെ, ഷെയ്ക് റഷീദ്, ജെ ഓവർട്ടൺ, രച്ചിൻ രവീന്ദ്ര, ആർ എ ജഡേജ, മതീഷ പതിരണ, മുകേഷ് ചൗധരി, നൂർ അഹമ്മദ്, കെ കെ അഹമ്മദ്, ആയുഷ് മാത്രെ

സൺറൈസേഴ്സ് ഹൈദരാബാദ് സാദ്യത പ്ലേയിങ് ഇലവൻ

എച്ച് ക്ലാസൻ (WK), ഇഷാൻ കിഷൻ, ടിഎം ഹെഡ്, എ ടൈഡ്, എ വർമ, അഭിഷേക് ശർമ്മ, കെ നിതീഷ് കുമാർ റെഡ്ഡി, എ മനോഹർ, പാറ്റ് കമ്മിൻസ് (സി), എച്ച് വി പട്ടേൽ, ഇഷാൻ മലിംഗ