DC vs RR: ഡൽഹിയെ നേരിടാൻ മാറ്റങ്ങളുമായി സഞ്ജുവിന്റെ റോയൽസ്; ബൗളിങ് നിരയിൽ പ്രധാന മാറ്റം വന്നേക്കും?

Edited byഅനുഷ ഗംഗാധരൻ | Samayam Malayalam | Updated: 15 Apr 2025, 2:58 pm

Samayam Malayalamരാജസ്ഥാൻ റോയൽസ്

ഡൽഹി: ഐപിഎൽ 2025 സീസസിലെ ആദ്യ മൂന്ന് മത്സരങ്ങളിൽ സഞ്ജു ആയിരുന്നില്ല ക്യാപ്റ്റൻ. മറിച്ച് റിയാൻ പരാഗയിരുന്നു ആ സ്ഥാനത്ത് ഉണ്ടായിരുന്നത്. വിക്കറ്റ് കീപ്പർ റോൾ ചെയ്യാനുള്ള ഫിറ്റ്നസ് സർട്ടിഫിക്കറ്റ് ലഭിച്ചതോടെ സഞ്ജു റോയൽസിന്റെ നായക സ്ഥാനത്തേക്ക് തിരിച്ചെത്തി. ഇതോടെ ടീം വീണ്ടും ശക്തരാകും എന്നായിരുന്നു ആരാധകരുടെ വിശ്വാസം. എന്നാൽ ക്യാപ്റ്റൻ ആയ ആദ്യ മത്സരത്തിൽ മാത്രമാണ് സഞ്ജുവിന് നായകനായി തിളങ്ങാൻ സാധിച്ചത്. മറ്റ് രണ്ട് മത്സരങ്ങളിലും ടീം തോൽവി രുചിച്ചു. ഏറ്റവും അവസാനം റോയൽ ചലഞ്ചേഴ്‌സ് ബാംഗ്ലൂരുവുമായി ആയിരുന്നു റോയൽസിന്റെ മത്സരം. ഈ മത്സരത്തിൽ റോയൽസിന്റെ ഹോം ഗ്രൗണ്ടിൽ വെച്ച് തന്നെ ബാംഗ്ലൂർ അനായാസം സഞ്ജുവിനെയും ടീമിനെയും പരാജയപ്പെടുത്തി.
വിക്കറ്റിന് പിന്നില്‍ ഡബിള്‍ സെഞ്ചുറി; ധോണി അപൂര്‍വ നേട്ടത്തിന്റെ നെറുകയില്‍
ഇനി ഡൽഹി ക്യാപിറ്റൽസിനെ നേരിടാനുള്ള ഒരുക്കത്തിലാണ് സഞ്ജുവും കൂട്ടരും. ഈ ടൂർണമെന്റിലെ ഏറ്റവും കൂടുതൽ ശക്തരായ ടീമുകളിൽ ഒന്ന് ഡൽഹി ക്യാപിറ്റൽസാണ്. അതുകൊണ്ടുതന്നെ ഇവരെ തന്ത്രപരമായി നേരിടാനുള്ള കരുക്കൾ മെനയുകയാണ് റോയൽസ് ടീം ഇപ്പോൾ. ഇവരെ നേരിടാൻ പ്ലെയിങ് ഇലവനിൽ മാറ്റം വരുത്താനുള്ള സാധ്യത ഉണ്ടോ ഇല്ലയോ എന്നാണ് ഇനി അറിയേണ്ടത്.

പതിവ് തെറ്റിക്കാതെ സഞ്ജു സാംസണും യശസ്വി ജയ്‌സ്വാളും തന്നെയാകും ഓപ്പണിങ് താരങ്ങൾ. കഴിഞ്ഞ മത്സരത്തിൽ സഞ്ജു നിരാശപെടുത്തിയെങ്കിലും ജയ്‌സ്വാൾ കിടിലൻ ഇന്നിങ്‌സ് കാഴ്ചവെച്ചു. 47 പന്തിൽ 10 ഫോറുകളും 2 സിക്സറുകളും പറത്തി 75 റൺസ് താരം നേടി. എന്നാൽ സഞ്ജു 19 പന്തിൽ 15 റൺസ് നേടി ഔട്ടാവുകയായിരുന്നു. റിയാൻ പരാഗ്, നിതീഷ് റാണ, ധ്രുവ് ജൂറൽ, ഷിംറോൺ ഹെറ്റ്‌മയർ, വനിന്ദു ഹസരങ്ക എന്നിവരാണ് രാജസ്ഥാൻ റോയൽസിന്റെ മധ്യനിര ബാറ്റർമാർ. എന്നാൽ ആർസിബിയ്ക്ക് എതിരെയുള്ള മത്സരത്തിൽ അത്ര മികച്ച പ്രകടനം കാഴ്ചവെക്കാൻ ഈ താരങ്ങൾക്ക് സാധിച്ചില്ല. ആദ്യ മൂന്ന് മത്സരങ്ങളിൽ ടീമിനെ നയിച്ച റിയാൻ പരാഗ് തുടക്കത്തിൽ മികച്ച പ്രകടനം കാഴ്ചവെച്ചെങ്കിലും, പിന്നീട് ഫോമില്ലാതെ കളിക്കളത്തിൽ ഇറങ്ങുന്ന പരാഗിനെയാണ് ആരാധകർ കണ്ടത്. പരാഗിന്റെ ഫീൽഡിങ് പിഴവുകളും രാജസ്ഥാന് തോൽവി സമ്മാനിക്കുന്നതിൽ ഒരു കാരണമായി മാറി. അതേസമയം ടൂർണമെന്റിന്റെ തുടക്കത്തിൽ എസ്ആർഎച്ചിനെതിരെ അർദ്ധസെഞ്ച്വറി നേടിയ ധ്രുവ് ജൂറൽ പിന്നീട് അത്ര മികച്ച പ്രകടനം കാഴ്ചവെച്ചിട്ടില്ല. രാജസ്ഥാൻ റോയൽസിന്റെ മധ്യനിരയിൽ പ്രധാന സ്ഥാനത്ത് ബാറ്റ് ചെയ്തിട്ടും വലിയ സംഭാവന നൽകാൻ അദ്ദേഹത്തിന് സാധിക്കാതെ പോയതും പരാജയമായി.

ബാറ്റിങ് നിരയിലെ പ്രധാന പ്രശ്നമായ സ്ഥിരതയില്ലായിമ റോയൽസിന്റെ ബൗളിങ് പടയിലും പ്രകടമാണ്. സന്ദീപ് ശർമ, ജോഫ്ര ആർച്ചർ, മഹീശ് തീക്ഷണ, യുധ്വീർ സിംഗ് ചരക്, കുമാർ കാർത്തികേയ എന്ന ബൗളിങ് പടയെ ആകും ഇത്തവണ രാജസ്ഥാൻ പ്ലേയിങ് ഇലവനിൽ ഉൾപെടുത്തുക. ഇതിൽ യുധ്വീർ സിംഗ് ചരക് എന്ന ബൗളറെ രാജസ്ഥാൻ വീണ്ടും പരീക്ഷിക്കാൻ സാധ്യത കൂടുതലാണ്. ആദ്യ മത്സരത്തിൽ റണ്ണുകൾ വിട്ടുകൊടുത്ത ശേഷം ശക്തമായി തിരിച്ചുവന്ന ജോഫ്ര ആർച്ചർ ഇപ്പോൾ മികച്ച പ്രകടനം കാഴ്ചവെക്കുന്നുണ്ട്. ആദ്യ ആറോവറിൽ നിർണായക വിക്കറ്റ് സ്വന്തമാക്കാനും ആർച്ചറിന് സാധിക്കുന്നുണ്ട്.
ഐപിഎല്‍ സൂപ്പര്‍ ത്രില്ലറില്‍ സിഎസ്‌കെയ്ക്ക് ജയം; 5 തുടര്‍ തോല്‍വിക്ക് ശേഷം 5 വിക്കറ്റ് ജയം
അതേസമയം ഡൽഹി ക്യാപിറ്റൽസ് തുടക്കത്തിൽ നാല് മത്സരങ്ങളിൽ വിജയിച്ചെങ്കിലും, അവസാന മത്സരത്തിൽ മുംബൈ ഇന്ത്യൻസിനോട് 12 റൺസിന് തോറ്റു. ഏപ്രിൽ 16-ന് ഡൽഹിയിലെ അരുണ്‍ ജെയ്റ്റ്‌ലി സ്റ്റേഡിയത്തിൽ രാത്രി 7.30ന് ആണ് മത്സരം.

രാജസ്ഥാൻ റോയൽസ് സാധ്യത പ്ലേയിങ് ഇലവൻ; സഞ്ജു സാംസൺ, യശസ്വി ജയ്‌സ്വാൾ , റിയാൻ പരാഗ്, നിതീഷ് റാണ, ധ്രുവ് ജുറേൽ, ഷിംറോൺ ഹെറ്റ്‌മയർ, വനിന്ദു ഹസരങ്ക, സന്ദീപ് ശർമ, ജോഫ്ര ആർച്ചർ, മഹീശ് തീക്ഷണ, യുധ്വീർ സിംഗ് ചരക്. ഇമ്പാക്ട് പ്ലെയർ - കുമാർ കാർത്തികേയ