GT vs DC; രാജസ്ഥാൻ കൈവിട്ട ബട്ലറിന്റെ താണ്ഡവത്തിൽ ഡൽഹിയെ തോല്പിച്ച് ഗുജറാത്ത് ടൈറ്റൻസ്

Edited byഅനുഷ ഗംഗാധരൻ | Samayam Malayalam | Updated: 19 Apr 2025, 8:38 pm

അഹമ്മദാബാദ്: വാശിയേറിയ പോരാട്ടത്തിൽ ഡൽഹി ക്യാപിറ്റൽസിനെ 7 വിക്കറ്റിന് പരാജപ്പെടുത്തി ഐപിഎൽ 2025 പോയിന്റ് ടേബിളിൽ ഒന്നാം സ്ഥാനം സ്വന്തമാക്കിയിരിക്കുകയാണ് ഗുജറാത്ത് ടൈറ്റൻസ്. മത്സരത്തിൽ ടോസ് നേടിയ ഗുജറാത്ത് ടൈറ്റൻസ് ഡൽഹി ക്യാപിറ്റൽസിനെ ബാറ്റിങ്ങിന് അയച്ചു. കൃത്യമായ ഇടവേളയിൽ വിക്കറ്റ് നേടാൻ ഗുജറാത്ത് ടൈറ്റൻസിന് സാധിച്ചതും വിക്കറ്റ് നഷ്ടപ്പെടുത്താതെ കിടിലൻ സ്കോറിലേക്ക് അനായാസം എത്താൻ സാധിച്ചതും ഗുജറാത്തിനെ ജയത്തിലേക്ക് നയിച്ചു. 54 പന്തിൽ 11 ഫോറുകളും 4 സിക്സറുകളും പറത്തി 97 റൺസ് നേടിയ ജോസ് ബട്ലറാണ് ഗുജറാത്ത് ടൈറ്റൻസിന്റെ വിജയശില്പി. 4 വിക്കറ്റുകൾ സ്വന്തമാക്കിയ പ്രസീദ് കൃഷ്ണയും വിജയത്തിൽ നിർണായക പങ്കുവഹിച്ചു.
PBKS vs RCB; ബാക്കി മത്സരം പഞ്ചാബിന്റെ ഹോം ഗ്രൗണ്ടിൽ, കിടിലൻ പ്ലേയിങ് ഇലവനെ ഇറക്കാനൊരുങ്ങി ബാംഗ്ലൂരുവും പഞ്ചാബുംആദ്യം ബാറ്റ് ചെയ്ത ഡൽഹി ക്യാപിറ്റൽസ് നിശ്ചിത 20 ഓവറുകളിൽ 8 വിക്കറ്റ് നഷ്ടത്തിൽ 203 റൺസ് സ്വന്തമാക്കി. 39 റൺസ് നേടിയ അക്‌സർ പട്ടേൽ ആണ് ഡൽഹിയുടെ ടോപ് സ്കോറെർ. കരുൺ നായർ, ട്രിസ്റ്റൻ സ്റ്റബ്സ്, അശുതോഷ് ശർമ എന്നിവർ 30ന് മുകളിൽ റൺസുകൾ നേടി. എന്നാൽ ഈ മത്സരത്തിൽ ഡൽഹിയുടെ ബൗളിങ് പട നിരാശപ്പെടുത്തി. കുൽദീപ് യാദവും മുകേഷ് കുമാറും മാത്രമാണ് ഡൽഹിക്കായി ഓരോ വിക്കറ്റുകൾ വീതം സ്വന്തമാക്കിയത്. കഴിഞ്ഞ മത്സരങ്ങളിലെല്ലാം തിളങ്ങിയ ബൗളിങ് നിര ഈ മത്സരത്തിൽ നിരാശ ജനകമായ പ്രകടനം നടത്തിയതോടെ പത്തൊമ്പതാം ഓവർ അവസാനിക്കുന്നതിന് മുൻപേ ഗുജറാത്ത് ടൈറ്റൻസ് ലക്ഷ്യം മറികടന്നു.

ജോസ് ബട്ലറിന്റെ പ്രകടനമാണ് നിർണായകമായത്. രാജസ്ഥാൻ റോയൽസ് ഒഴിവാക്കിയ താരത്തെ ഗുജറാത്ത് ടൈറ്റൻസാണ് ഇക്കുറി സ്വന്തമാക്കിയത്. സീസണിൽ ഇതുവരെ മികച്ച ഫോമിലാണ് ബട്ലർ ബാറ്റ് വീശിയത്. ഇതുവരെ നേടിയതിൽ ഏറ്റവും ഉയർന്ന സ്കോർ ആണ് ഡൽഹിക്കെതിരെ താരം ഇപ്പോൾ അടിച്ചെടുത്തത്. ശുഭ്മാൻ ഗില്ലിന്റെ റൺ ഔട്ട് ഗുജറാത്ത് ടൈറ്റൻസിന് തുടക്കത്തിൽ നിരാശ നൽകിയെങ്കിലും സായി സുദർശൻ ജോസ് ബട്ലർ കൂട്ടുകെട്ട് ഗുജറാത്തിനെ വിജയ വഴിയിലേക്ക് എത്തിച്ചു. ഗുജറാത്ത് ടൈറ്റൻസിനായി 4 വിക്കറ്റുകൾ നേടി പ്രസീദ് കൃഷ്ണയും മത്സരത്തിൽ തിളങ്ങി. മുഹമ്മദ് സിറാജും അർഷദ് ഖാനും ഇഷാന്ത് ശർമയും സായി കിഷോറും ഒരു വിക്കറ്റ് വീതം നേടി. ഷെർഫാൻ റഥർഫോർഡ് 43 റൺസും സായി സുദർശൻ 36 റൺസും നേടി ഗുജറാത്തിന്റെ വിജയത്തിൽ നിർണായക പങ്കുവഹിച്ചു.