IPL 2026: 60 വയസ്സ് വരെ ചെന്നൈ ടീമില്‍ കളിക്കൂ, ധോണിയുടെ മറുപടി ഇങ്ങനെ; ആരാധകര്‍ ആവേശത്തില്‍

മാര്‍ച്ച് 28-ന് ഇന്ത്യന്‍ പ്രീമിയര്‍ ലീഗിന്റെ പുതിയ സീസണ്‍ ആരംഭിക്കുന്നതിന്‍റെ ആവേശത്തിലാണ് ക്രിക്കറ്റ് ആരാധകര്‍. കഴിഞ്ഞ സീസണില്‍ അവസാന സ്ഥാനത്ത് ഫിനിഷ് ചെയ്ത ചെന്നൈ സൂപ്പര്‍ കിങ്സ് ഇക്കുറി വമ്പന്‍ തിരിച്ചുവരവിന് വേണ്ടി ഒരുങ്ങുകയാണ്. ഐപിഎല്ലിന് മുമ്പ്, ആരാധകര്‍ക്ക് വേണ്ടി മുന്‍കാല താരങ്ങള്‍ പങ്കെടുത്ത മെഗാ ഇവന്‍റ് ചെന്നൈ സംഘടിപ്പിച്ചിരുന്നു. ഈ പരിപാടിയില്‍ വെച്ച് നടന്‍ ശിവകാര്‍ത്തികേയന്‍ 60 വയസ്സ് വരെ കളിക്കൂ എന്ന് ധോണിയോട് ആവശ്യപ്പെട്ടതും അതിന് ധോണി മറുപടി നല്‍കിയതുമെല്ലാം ഇപ്പോള്‍ സമൂഹമാധ്യമങ്ങളില്‍ വൈറലാണ്. തന്‍റെ 44ാം വയസ്സിലും ചെന്നൈ ടീമിന്‍റെ താരമായി തുടരുന്ന ധോണിയോട് ശിവകാര്‍ത്തികേയന്‍ 60 വയസ്സ് വരെ കളിക്കാന്‍ ആവശ്യപ്പെടുകയായിരുന്നു. "ഇത് വളരെ ബുദ്ധിമുട്ടുള്ള കാര്യമാണ്, എങ്കിലും ഞാന്‍ ശ്രമിക്കാം" - എന്നായിരുന്നു എംഎസ് ധോണിയുടെ മറുപടി. ധോണിയുടെ മറുപടി കേട്ടപ്പോള്‍ ഇവന്‍റ് കാണാന്‍ എത്തിയ ചെന്നൈ ആരാധകരുടെ ആവേശം അണപൊട്ടിയൊഴുകി. വലിയ ആരവത്തോടെയാണ് ധോണിയുടെ മറുപടി ആരാധകര്‍ സ്വീകരിച്ചത്.
IPL 2026: മുംബൈയുടെ റണ്‍വേട്ടക്കാരന്‍ ആരായിരിക്കും? പ്ലേയിങ് ഇലവനില്‍ സര്‍പ്രൈസ് നീക്കങ്ങളുണ്ടാകുമോ? ആകാശ് ചോപ്രയുടെ പ്രവചനം ഇങ്ങനെ
അഞ്ച് തവണ ഐപിഎല്‍ ചാമ്പ്യന്‍മാരായ ചെന്നൈ സൂപ്പര്‍ കിങ്സ് ഈ ഇവന്‍റില്‍ വെച്ച് ഹാള്‍ ഓഫ് ഫെയിം ആരംഭിക്കുകയും ചെയ്തു. ചെന്നൈയുടെ ചരിത്രത്തിലെ ഏറ്റവും മികച്ച താരങ്ങളില്‍ ഉള്‍പ്പെട്ട സുരേഷ് റെയ്ന, മാത്യൂ ഹെയ്ഡന്‍ എന്നിവരെയാണ് ആദ്യമായി ഹാള്‍ ഓഫ് ഫെയിമിലേക്ക് ഉള്‍പ്പെടുത്തിയത്. മിസ്റ്റര്‍ ഐപിഎല്‍ എന്നറിയപ്പെടുന്ന സുരേഷ് റെയ്ന ഒരു കാലത്ത് ചെന്നൈ ബാറ്റിങ് നിരയുടെ നട്ടെല്ലായിരുന്നു. ഐപിഎള്‍ തുടക്കകാലത്ത് ചെന്നൈ ടോപ് ഓര്‍ഡറില്‍ വെടിക്കെട്ട് തീര്‍ത്ത താരമാണ് മാത്യൂ ഹെയ്ഡന്‍.
ആറിൽ അ‍ഞ്ച് തോൽവി, കറ്റാലയെ പുറത്താക്കി കേരള ബ്ലാസ്റ്റേഴ്സ്, പുതിയ പരിശീലകനായി ആഷ്ലി എത്തുന്നു; ഇനി കളി മാറും
സുരേഷ് റെയ്നയെയും മാത്യൂ ഹെയ്ഡനെയും ഹാള്‍ ഓഫ് ഫെയിമിലേക്ക് ഉള്‍പ്പെടുത്തിയ കാര്യം സമൂഹമാധ്യമങ്ങളിലൂടെ ചെന്നൈ സൂപ്പര്‍ കിങ്സ് പോസ്റ്റ് ചെയ്തിരുന്നു. ഇതേ ഇവന്‍റില്‍ വെച്ച് ടി20 ലോകകപ്പ് ജേതാക്കളായ സഞ്ജു സാംസണ്‍, ശവം ദുബെ എന്നിവരെയും അണ്ടര്‍ 19 ലോകകപ്പ് വിജയിച്ച ക്യാപ്റ്റന്‍ ആയുഷ് മാത്രേയെയും ചെന്നൈ ആദരിച്ചു. ടി20 ലോകകപ്പ്, അണ്ടര്‍ 19 ഏകദിന ലോകകപ്പ് ജേതാക്കളായ ഈ മൂന്ന് താരങ്ങള്‍ക്കും ധോണിയാണ് പ്രത്യേക ഉപഹാരം നല്‍കിയത്. ഐപിഎല്ലിന് മുമ്പ് നടത്തിയ പ്രീ സീസണ്‍ മെഗാ ഇവന്‍റില്‍ പങ്കെടുക്കുന്നതായി ആയിരക്കണക്കിന് ആരാധകരാണ് ചെപ്പോക്കിലെത്തിയത്.