IPL 2026: ​ഗ്രീൻ സെഞ്ചുറി അടിച്ചേനെ, എല്ലാം തകർത്തത് റിങ്കു സിങ്? ഡെത്തോവറിൽ അത് ചെയ്തില്ല, സംഭവിച്ചത് ഇതാണ്

ഇന്ത്യൻ സൂപ്പർ ലീഗിന്റെ 16ാം സീസണിലെ 25ാം മത്സരത്തിൽ ഗുജറാത്ത് ടെെറ്റൻസിന് മുന്നിൽ 181 റൺസ് വിജയലക്ഷ്യം വെച്ചിരിക്കുകയാണ് കൊൽക്കത്ത നെെറ്റ് റെെഡേഴ്സ്. ടോസ് നേടി ബാറ്റ് ചെയ്യാനെത്തിയ കെകെആറിന് 20 ഓവറിൽ 180 റൺസാണ് നേടാനായത്. ബാറ്റിങ് നിര പ്രതീക്ഷക്കൊത്ത് ഉയരാത്ത മത്സരത്തിൽ കെകെആറിനെ വലിയ നാണക്കേടിൽ നിന്ന് രക്ഷിച്ചത് കാമറൂൺ ഗ്രീനാണ്. 55 പന്തിൽ ഏഴ് ഫോറും നാല് സിക്സും ഉൾപ്പെടെ 79 റൺസെടുത്ത ഗ്രീൻ അവസാന പന്തിലാണ് പുറത്തായത്.റാഷിദ് ഖാനായിരുന്നു വിക്കറ്റ്. മോശം ഫോമിലായിരുന്ന ഗ്രീൻ ഗുജറാത്തിനെതിരേ പതിയെയാണ് തുടങ്ങിയത്. താളം കണ്ടെത്തിയ ശേഷം ആക്രമണത്തിലേക്ക് ഗിയർ മാറ്റിയ ഗ്രീൻ റാഷിദ് ഖാനെയടക്കം തല്ലിപ്പറത്തി. രണ്ട് തവണ ലെെഫും ലഭിച്ചതോടെ ഗ്രീൻ സെഞ്ചുറിയിലേക്ക് പോകുമെന്നും കെകെആർ സ്കോർബോർഡ് 200 കടക്കുമെന്നുമാണ് എല്ലാവരും പ്രതീക്ഷിച്ചത്.

എന്നാൽ ഗ്രീനിന്റെ സെഞ്ചുറി മോഹം തകർത്തത് റിങ്കു സിങ് ങിന്റെ നീക്കമാണെന്ന് പറയാം. അൻകുൽ റോയ് പുറത്തായതിന് പിന്നാലെ ക്രീസിലെത്തിയ റിങ്കു സിങ് കടന്നാക്രമിക്കാനാണ് ശ്രമിച്ചത്. ആദ്യ പന്തിൽ സിംഗിളെടുത്ത താരം രണ്ടാം പന്തിൽ പുറത്തായി. ഇത് കെകെആറിന്റെ ഡെത്തോവറിലെ കടന്നാക്രമണ പ്രതീക്ഷകൾ തകർത്തു. പിന്നാലെ ക്രീസിലെത്തിയ രമൺദീപ് സിങ്ങും അതിവേഗം റൺസുയർത്തിയപ്പോൾ ഏറെ നേരം നോൺസ്ട്രെെക്കിൽ ഗ്രീന് നിൽക്കേണ്ടി വന്നു.

രമൺദീപ് സിങ് 8 പന്തിൽ 17 റൺസെടുത്ത് പുറത്തായതിന് ശേഷം സുനിൽ നരെയ്നാണ് ക്രീസിലെത്തിയത്. വമ്പനടിക്കാരനായ നരെയ്ൻ അഞ്ച് പന്തുകൾ ഡോട്ടാക്കി റൺസൊന്നും നേടാതെ പുറത്തായി. ഇതോടെ ഗ്രീനിന്റെ മുകളിലേക്ക് സമ്മർദ്ദമെത്തി. കാർത്തിക് ത്യാഗിയുമായി കൃത്യമായി ആശയവിനിമയം നടത്താൻ ഗ്രീന് സാധിക്കാതെ പോയതോടെ ത്യാഗി റണ്ണൗട്ടായി.
IPL 2026: നരെയ്നെ മാറ്റി വീണ്ടും ഓപ്പണർ‌, ​ഗോൾഡൻ ഡക്കായി അജിൻക്യ രഹാനെ; കെകെആറിൽ നിന്ന് പുറത്താക്കണമെന്ന് ആരാധകർ
പ്രസിദ്ധ് കൃഷ്ണ എറിഞ്ഞ 19ാം ഓവറിലെ മൂന്നാം പന്തിൽ ഗ്രീൻ സ്ട്രെെക്കിലേക്കെത്തി. എന്നാൽ താളം നഷ്ടപ്പെട്ട ഗ്രീന് സമ്മർദ്ദത്തെ അതിജീവിച്ച് വലിയ സ്കോറിലേക്കുയരാൻ സാധിച്ചില്ല. തുടർച്ചയായി മൂന്ന് പന്ത് ഡോട്ടാക്കിയ ഗ്രീൻ അവസാന പന്തിൽ സിംഗിളെടുത്ത് സ്ട്രെെക്ക് നിലനിർത്തി. അവസാന ഓവർ എറിയാൻ റാഷിദ് ഖാൻ എത്തിയപ്പോൾ ഗ്രീൻ ഇത് മുതലാക്കുമെന്നാണ് കരുതിയത്.

എന്നാൽ ആദ്യത്തെ രണ്ട് പന്തിലും ഗ്രീന് റൺസ് നേടാൻ സാധിച്ചില്ല. മൂന്നാം പന്തിൽ ഒരു റൺസാണ് നേടിയത്. നാലാം പന്തിൽ വെെഭവ് അറോറ സിംഗിളെടുത്തപ്പോൾ‌ അവസാന രണ്ട് പന്തുകൾ ഗ്രീന് ലഭിച്ചു. അഞ്ചാം പന്തിൽ സ്റ്റംപിങ് അവസരം ബട്ലർ പാഴാക്കി. ഭാഗ്യത്തിന് ഇത് ബൗണ്ടറിയുമായി. അവസാന പന്തിൽ ഗ്രീൻ വിക്കറ്റ് കീപ്പർ ബട്ലർക്ക് ക്യാച്ചും നൽകി പുറത്തായി.

IPL 2026: ഇത് മുംബെെ ഇന്ത്യൻസാണ്, ഹാർദിക്കിനെക്കൊണ്ടാവില്ല; രോഹിത് ശർമയെ വീണ്ടും ക്യാപ്റ്റനാക്കണമെന്ന് മനോജ് തിവാരി

ഗ്രീൻ മികച്ച ഫോമിൽ നിൽക്കവെ താരത്തിന് കൂടുതൽ പന്തുകൾ നേരിടാനുള്ള അവസരം നൽകണമായിരുന്നു. എന്നാൽ സഹതാരങ്ങൾ ഇതിന് തയ്യാറാവാതെ ഇരുന്നത് ഗ്രീനിന്റെ ഫോമിനെ ബാധിക്കുകയും കെകെആറിന്റെ 200ന് മുകളിൽ സ്കോർ എന്ന മോഹം തകർക്കുകയും ചെയ്തു.