IPL 2026: പ്രതിഫലം ലക്ഷങ്ങൾ മാത്രം, എന്നാൽ ഇവർ മാച്ച് വിന്നർമാരായേക്കും; ഐപിഎല്ലിൽ ഈ താരങ്ങളെ നോക്കിവെച്ചോ

ഇന്ത്യൻ പ്രീമിയർ ലീഗിന്റെ 2026 സീസൺ ആരംഭിക്കാൻ പോവുകയാണ്. 28നാണ് സൂപ്പർ പോരാട്ടം ആരംഭിക്കുന്നത്. അവസാന സീസണുകളിലെ പിഴവുകൾ നികത്തി ഇത്തവണ ശക്തമായ തിരിച്ചുവരവാണ് എല്ലാ ടീമും ലക്ഷ്യമിടുന്നത്. അവസാന മിനി താരലേലത്തിൽ പല യുവതാരങ്ങൾക്കും അപ്രതീക്ഷിത പ്രതിഫലമാണ് ലഭിച്ചത്. സിഎസ്കെയടക്കം സീനിയർ താരങ്ങൾക്ക് വലിയ പ്രാധാന്യം നൽകാതെയാണ് ഇത്തവണത്തെ മിനി താരലേലത്തിൽ നീക്കം നടത്തിയത്.വലിയ പ്രതിഫലം വാങ്ങിയ പല താരങ്ങളും ഇത്തവണ എങ്ങനെ തിളങ്ങുമെന്നാണ് എല്ലാ ആരാധകരും ഉറ്റുനോക്കുന്നത്. ഇത്തവണ യുവ താരങ്ങളെ ഉപയോഗിച്ചുള്ള സർപ്രെെസ് പദ്ധതികളാണ് ടീമുകളെല്ലാം മെനയുന്നതെന്ന് പറയാം. ഇത്തവണ കുറഞ്ഞ പ്രതിഫലം വാങ്ങിക്കുന്ന താരങ്ങളിൽ ചിലർ മാച്ച് വിന്നർമാരായി മാറാൻ സാധ്യതയുണ്ട്. ഇത്തരത്തിൽ കുറഞ്ഞ തുകയ്ക്ക് ടീമിലെത്തിച്ചവരിൽ മിന്നിക്കാൻ സാധ്യതയുള്ള താരങ്ങൾ ആരൊക്കെയാണെന്ന് നോക്കാം.

ഒന്നാമത്തെ താരം സിഎസ്കെയുടെ ഉർവിൽ പട്ടേലാണ്. പല യുവതാരങ്ങളും കോടികൾ വാരിയപ്പോൾ വെറും 30 ലക്ഷം രൂപക്കാണ് സിഎസ്കെയിൽ ഉർവിൽ കളിക്കുന്നത്. വിക്കറ്റ് കീപ്പർ ബാറ്റ്സ്മാനായ ഉർവിൽ പട്ടേൽ ഇത്തവണത്തെ ഐപിഎല്ലിൽ വലിയ ഇംപാക്ട് സൃഷ്ടിക്കാൻ സാധ്യതയുള്ള താരങ്ങളിലൊരാളാണ്.

സയ്യിദ് മുഷ്താഖ് അലി ട്രോഫിയിൽ 28 പന്തിൽ അർധ സെഞ്ചുറി നേടിയിട്ടുള്ള താരമാണ് ഉർവിൽ പട്ടേൽ. വലിയ ഷോട്ടുകൾ അനായാസമായി കളിക്കാൻ താരത്തിന് സാധിക്കും. സിഎസ്കെ ഉർവിലിനെ ഏത് റോളിലാവും ഉപയോഗിക്കുക എന്നതാണ് കണ്ടറിയേണ്ടത്. എന്തായാലും ഇത്തവണ എല്ലാവരുടേയും കെെയടി നേടിയെടുക്കാൻ ശേഷിയുള്ളവനാണ് ഉർവിലെന്ന് നിസംശയം പറയാം.
IPL 2026: ഐപിഎല്ലിലെ വമ്പന്മാർ, പക്ഷെ ഇത്തവണ സ്പിൻ കരുത്ത് ദുർബലം; ഈ ദൗർബല്യം മൂന്ന് ടീമുകൾക്ക് തിരിച്ചടിയായേക്കും
രണ്ടാമത്തെ താരം പൃഥ്വി ഷാ യാണ്. ഇന്ത്യയുടെ യുവ വെടിക്കെട്ട് ബാറ്റ്സ്മാനായ പൃഥ്വി ഷാ ഏറെ നാളുകളായി അന്താരാഷ്ട്ര ക്രിക്കറ്റിന് പുറത്താണ്. ഐപിഎല്ലിലും കാര്യമായ റോൾ സൃഷ്ടിക്കാൻ പൃഥ്വിക്ക് സാധിച്ചിരുന്നില്ല. എന്നാൽ ഇത്തവണ 75 ലക്ഷത്തിന് ഡൽഹി ക്യാപിറ്റൽസിനൊപ്പമാണ് പൃഥ്വി ഷായുള്ളത്. ഇത്തവണ സർപ്രെെസായി എല്ലാവരേയും ഞെട്ടിക്കുന്ന പ്രകടനം പൃഥ്വി ഷാ കാഴ്ചവെച്ചാലും അത്ഭുതപ്പെടാനാവില്ല.

കൊൽക്കത്ത നെെറ്റ് റെെഡേഴ്സ് പകരക്കാരന്റെ റോളിൽ ടീമിലേക്കെത്തിയ പേസ് ബൗളറാണ് സിംബാബ് വെയുടെ ബ്ലെസിങ് മുസറാബാനി. 75 ലക്ഷമാണ് താരത്തിന്റെ പ്രതിഫലം. തന്റെ ഉയരക്കൂടുതലിനെ മുതലാക്കി പന്തെറിയുന്ന ബൗളറാണ് മുസറാബാനി. നന്നായി സ്ലോ ബോളും ഷോർട്ട് ബോളും എറിയാൻ ശേഷിയുള്ള മുസറാബാനിയിൽ നിന്ന് തകർപ്പൻ പ്രകടനം ഇത്തവണ പ്രതീക്ഷിക്കാം. അപ്രതീക്ഷിത ഇംപാക്ട് സൃഷ്ടിക്കാൻ മുസറാബാനിക്ക് സാധിക്കുമെന്ന് തന്നെയാണ് കരുതപ്പെടുന്നത്.

IPL 2026: ഇംപാക്ട് പ്ലയറോ ഫിനിഷറോ? ധോണിയിൽ നിന്ന് സിഎസ്കെ അത്ഭുത പ്രകടനം പ്രതീക്ഷിക്കണോ? മുഹമ്മദ് കെെഫ് പറയുന്നത് ഇങ്ങനെ

പഞ്ചാബ് കിങ്സിന്റെ മലയാളി താരം വിഷ്ണു വിനോദാണ് മറ്റൊരു താരം. വേണ്ടത്ര പരിഗണന ലഭിക്കാതെ പോകുന്ന താരങ്ങളിലൊരാളാണ് വിഷ്ണു. ഇത്തവണ പഞ്ചാബ് കിങ്സിന്റെ വിക്കറ്റ് കീപ്പർ റോളിൽ വിഷ്ണു കളിക്കുമെന്ന കാര്യം ഉറപ്പാണ്. 95 ലക്ഷം പ്രതിഫലം വാങ്ങുന്ന വിഷ്ണു ഏറ്റവും മികച്ച പ്രകടനത്തോടെ ഇത്തവണ കസറുമെന്ന് തന്നെ കരുതാം. നേരത്തെ മുംബെെ ഇന്ത്യൻസിനായി അടക്കം കളിച്ച് മികവ് തെളിയിക്കാൻ വിഷ്ണുവിന് സാധിച്ചിട്ടുണ്ട്.

ആയുഷ് മാത്രെയാണ് മറ്റൊരു താരം. 30 ലക്ഷം രൂപക്കാണ് സിഎസ്കെ മാത്രെയെ നിലനിർത്തിയിരിക്കുന്നത്. ഇന്ത്യയുടെ അണ്ടർ 19 ടീം ക്യാപ്റ്റനെ ഓപ്പണർ റോളിൽത്തന്നെ സിഎസ്കെ കളിപ്പിച്ചേക്കും. ഇത്തവണ ഏറ്റവും മികച്ച പ്രകടനം പുറത്തെടുക്കാൻ മാത്രെക്ക് സാധിച്ചേക്കും. വലിയ പ്രതീക്ഷ നൽകുന്ന താരമായി മാത്രെ മാറിയിട്ടുണ്ട്. വലിയ പ്രകടനം നടത്താൻ മാത്രെക്ക് കഴിവുണ്ട്.