1 month ago
2
Authored by: നിഷാദ് അമീന്|Samayam Malayalam•16 Dec 2025, 7:43 p.m. IST
IPL 2026 Auction: അടിസ്ഥാന വിലയേക്കാള് 47.3 മടങ്ങ് ഉയര്ന്ന തുകയ്ക്ക് പ്രശാന്ത് വീറിനെ (Prashant Veer) ലേലത്തില് പിടിച്ച് ചെന്നൈ സൂപ്പര് കിങ്സ് (Chennai Super Kings). 30 ലക്ഷം രൂപ വിലയുള്ള ഓള്റൗണ്ടര്ക്ക് 14.20 കോടി രൂപയാണ് സിഎസ്കെ പ്രതിഫലം നിശ്ചയിച്ചത്.
ഹൈലൈറ്റ്:
- യുപി സ്വദേശിയാണ് പ്രശാന്ത് വീര്
- 20കാരന് സിഎസ്കെ 14.2 കോടി നല്കും
- അണ്ക്യാപ്ഡ് താരങ്ങളില് ഒന്നാമന്
പ്രശാന്ത് വീറിനെ 14.20 കോടി രൂപയ്ക്ക് ലേലത്തില് പിടിച്ച് ചെന്നൈ സൂപ്പര് കിങ്സ്.(ഫോട്ടോസ്- Agencies)സഞ്ജുവിന് ആവശ്യത്തിന് അവസരം നല്കിയിട്ടുണ്ട്; പുതിയ പ്രസ്താവനയുമായി സൂര്യ കുമാര് യാദവ്
സയ്യിദ് മുഷ്താഖ് അലി ട്രോഫി 2025ലാണ് അവസാനമായി കളിച്ചത്. യുപി ടി20 ലീഗില് നോയിഡ സൂപ്പര് കിങ്സിനായി മികച്ച പ്രകടനം കാഴ്ചവെച്ചിരുന്നു. ആദ്യമായാണ് ഐപിഎല്ലില് എത്തുന്നത്. സിഎസ്കെയില് രവീന്ദ്ര ജഡേജ വഹിച്ചിരുന്ന റോളിലേക്ക് ദീര്ഘകാല ഓപ്ഷനായി വീറിനെ കാണുന്നു.
IPL 2026: വിഘ്നേഷ് പുത്തൂരിനെ ലേലത്തില് പിടിച്ച് രാജസ്ഥാന്; സഞ്ജുവിന് പിന്ഗാമിയായി മലയാളി താരംപ്രശാന്ത് വീറിനെ സ്വന്തമാക്കാന് രാജസ്ഥാന് റോയല്സും സണ്റൈസേഴ്സ് ഹൈദരാബാദും രംഗത്തെത്തിയതോടെ സിഎസ്കെക്ക് ഉയര്ന്ന തുക തന്നെ വിളിക്കേണ്ടി വന്നു. ഐപിഎല് ചരിത്രത്തില് ഏറ്റവും ഉയര്ന്ന തുകയ്ക്ക് ലേലം ചെയ്യപ്പെടുന്ന അണ് ക്യാപ്ഡ് താരമാണ് വീര്. നിമിഷങ്ങള്ക്കുള്ളില്, കാര്ത്തിക് ശര്മയേയും അതേ വിലയ്ക്ക് സിഎസ്കെ സ്വന്തമാക്കി.
IPL 2026 Auction: വെങ്കടേഷ് അയ്യര്ക്ക് വമ്പന് തിരിച്ചടി; 23.75 കോടിയില് നിന്ന് 7 കോടിയിലെത്തി, ഏറ്റെടുത്തത് ആര്സിബിവീര് അടുത്തിടെ സിഎസ്കെ, മുംബൈ ഇന്ത്യന്സ് ടീമുകളുടെ ട്രയല്സില് പങ്കെടുത്തിരുന്നു. 2005 നവംബര് 24 ന് ജനിച്ച അദ്ദേഹം 2023 ല് ഡെറാഡൂണില് തമിഴ്നാടിനെതിരെ ടി20 അരങ്ങേറ്റം കുറിച്ചു. യുപിക്ക് വേണ്ടി അണ്ടര് 23 ടൂര്ണമെന്റിലും കളിച്ചിട്ടുണ്ട്.
സിഎസ്കെ ലേലത്തില് വാങ്ങിയ താരങ്ങള്:
- അക്കീല് ഹുസൈന് (2 കോടി)
- പ്രശാന്ത് വീര് (14.20 കോടി)
- കാര്ത്തിക് ശര്മ (14.20 കോടി)
- മാത്യു ഷോര്ട്ട് (1.50 കോടി)
- അമന് ഖാന് (40 ലക്ഷം).
എംഎസ് ധോണി, റുതുരാജ് ഗെയ്ക്വാദ്, സഞ്ജു സാംസണ്, ആയുഷ് മാത്രെ, ഡെവാള്ഡ് ബ്രെവിസ്, ശിവം ദുബെ, ഉര്വില് പട്ടേല്, നൂര് അഹമ്മദ്, നഥാന് എല്ലിസ്, ശ്രേയസ് ഗോപാല്, ഖലീല് അഹമ്മദ്, രാമകൃഷ്ണ ഘോഷ്, മുകേഷ് ചൗധരി, ജാമി ഒവര്ട്ടണ്, ഗുര്ജപനീത് സിങ്, അന്ഷുല് കംബോജ്.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·