KKR vs PBKS: മത്സരം മഴ കാരണം ഉപേക്ഷിച്ചു; ഡിഎൽഎസ് ഉപയോഗിക്കാത്തത് എന്തുകൊണ്ട്? ഇരുടീമിനും ഓരോ പോയിൻ്റ്

Authored byലിജിൻ കടുക്കാരം | Samayam Malayalam | Updated: 26 Apr 2025, 11:16 pm

കൊൽക്കത്ത: കൊൽക്കത്തയിലെ ഈഡൻ ഗാർഡൻസിൽ പഞ്ചാബ് കിങ്സും (PBKS) കൊൽക്കത്ത നൈറ്റ് റൈഡേഴ്സും (KKR) തമ്മിൽ നടന്ന മത്സരം മഴ കാരണം ഉപേക്ഷിച്ചു. പഞ്ചാബ് കിങ്സ് ഉയർത്തിയ 202 റൺസ് പിന്തുടർന്ന് ബാറ്റിങ്ങിനിറങ്ങിയ കൊൽക്കത്ത ആദ്യ ഓവർ പിന്നിട്ടപ്പോൾ തന്നെ മഴ വില്ലനായി എത്തുകയായിരുന്നു. മത്സരം ഉപേക്ഷിച്ചതോടെ ഇരു ടീമിനും ഓരോ പോയിൻ്റ് വീതം ലഭിച്ചു. എട്ട് മത്സരങ്ങളിൽ മൂന്നെണ്ണം മാത്രം ജയിച്ച കെകെആറിന് ഈ മത്സരം ജയിക്കേണ്ടത് അത്യാവശ്യമായിരുന്നു. മറുവശത്ത്, പ്ലേ ഓഫ് സാധ്യതകൾ സജീവമാക്കാൻ പഞ്ചാബും കാത്തിരുന്നെങ്കിലും കാലാവസ്ഥ വില്ലനായി. മത്സരം ഉപേക്ഷിച്ചതോടെ മഴ നിയമം (ഡക്ക്‌വർത്ത്-ലൂയിസ് - ഡിഎൽഎസ്) ഉപയോഗിക്കാതിരുന്നതെന്തേ എന്ന ചോദ്യം ആരാധകർ ഉയർത്തുകയാണ്.

ഓപ്പണർമാർ തകർത്തടിച്ചു, വീണ്ടും തോൽവിയായി ​മാക്സ്‍വെൽ; കൊൽക്കത്തയിൽ റൺമല കയറി പഞ്ചാബ് കിങ്സ്
എന്നാൽ കൊൽക്കത്ത - പഞ്ചാബ് മത്സരത്തിൽ ഡിഎൽഎസ് രീതി ഉപയോഗിക്കാൻ കഴിയുമായിരുന്നില്ല. കുറഞ്ഞത് അഞ്ച് ഓവറെങ്കിലും എറിഞ്ഞാൽ മാത്രമേ ഡിഎൽഎസ് ഉപയോഗിച്ച് ഫലം നിശ്ചയിക്കാനാകൂ. നിലവിൽ കൊൽക്കത്ത ഒരു ഓവർ മാത്രമാണ് ബാറ്റ് ചെയ്തത്. ഈ സാഹചര്യത്തിൽ മഴ കാരണം മത്സരം ഉപേക്ഷിച്ചതോടെ ഇരു ടീമുകൾക്കും ഓരോ പോയിൻ്റ് വീതം നൽകുകയായിരുന്നു. മത്സരത്തിൽ കൊൽക്കത്തയുടെ ഇന്നിങ്സ് ആരംഭിച്ചതിന് പിന്നാലെ ശക്തമായ കാറ്റോടുകൂടി മഴ ആരംഭിക്കുകയായിരുന്നു

കൊൽക്കത്ത നൈറ്റ് റൈഡേഴ്സിനെതിരെ 202 റൺസ് വിജയലക്ഷ്യമാണ് പഞ്ചാബ് കുറിച്ചത്. ടോസ് നേടി ആദ്യം ബാറ്റ് ചെയ്ത പഞ്ചാബിനായി ഓപ്പണർമാരായ പ്രിയാൻഷ് ആര്യയും പ്രഭ്സിമ്രാൻ സിങ്ങും മികച്ച തുടക്കമാണ് നൽകിയത്. 120 റൺസാണ് ഓപ്പണർമാർ ആദ്യ വിക്കറ്റിൽ അടിച്ചെടുത്തത്. പ്രിയാൻഷ് ആര്യ 35 പന്തിൽ 8 ഫോറും 4 സിക്സറും പറത്തി 39 റൺസാണ് എടുത്തത്. പ്രഭ്സിമ്രാൻ സിങ് 49 പന്തിൽ 83 റൺസ് നേടി.

തകര്‍പ്പൻ തുടക്കമാണ് ഓപ്പണർമാർ പഞ്ചാബിന് നൽകിയത്. പവര്‍ പ്ലേയിൽ വിക്കറ്റ് നഷ്ടമില്ലാതെ 56 റൺസാണ് ഇരുവരും ചേര്‍ന്ന് കൂട്ടിച്ചേര്‍ത്തത്. പതിയെ തുടങ്ങിയ പ്രഭ്സിമ്രാൻ പിന്നീട് കത്തിക്കയറുകയായിരുന്നു. 27 പന്തുകളിൽ നിന്ന് അര്‍ദ്ധ സെഞ്ച്വറി പൂര്‍ത്തിയാക്കിയ പ്രിയാൻഷ് ആര്യയായിരുന്നു കൂടുതൽ അപകടകാരി.
'ധോണി അക്കാര്യത്തെക്കുറിച്ച് ചിന്തിച്ച് തുടങ്ങിയെന്ന് ഉറപ്പുണ്ട്'; ആരാധകർക്കിടയിൽ ചർച്ചയായി ചെന്നൈ മുൻ താരത്തിൻ്റെ വാക്കുകൾ
പ്രിയാൻഷ് പുറത്തായതിന് പിന്നാലെ പ്രഭ്സിമ്രാൻ സിങ് ആക്രമണം ഏറ്റെടുത്തു. ചേതൻ സക്കറിയയെ ബൗണ്ടറി കടത്തി 38 പന്തിൽ പ്രഭ്സിമ്രാൻ അര്‍ദ്ധ സെഞ്ച്വറി തികച്ചു. കൊൽക്കത്തയ്ക്കായി വൈഭവ് അറോറ രണ്ട് വിക്കറ്റ് വീഴ്ത്തി. വരുൺ ചക്രവർത്തിയും ആന്ദ്രെ റസ്സലും ഓരോ വിക്കറ്റ് നേടി.