Love Island USA സീസൺ 7 അവസാനത്തോട് അടുക്കുന്നു; ​ഗ്രാന്റ് ഫിലാനെ എപ്പോഴാണ് എന്നറിയണ്ടേ? ആരായിരിക്കും ആ പ്രണയ ജോഡികൾ

Authored by: അശ്വിനി പി|Samayam Malayalam•10 Jul 2025, 1:41 pm

ലവ് ഐലൻഡ് എന്ന ബ്രിട്ടീഷ് ഡേറ്റിങ് റിയാലിറ്റി ഷോയ്ക്ക്, ഇങ്ങ് കേരളത്തിലും ആരാധകരുണ്ട്. ഇതുവരെ നടന്ന ആറ് സീസണും പോലെ തന്നെ ഒരുപാട് ട്വിസ്റ്റുകളും സർപ്രൈസുകളുമൊക്കെ നിറഞ്ഞതായിരുന്നു ഏഴാമത്തെ സീസണും. ഷോ ഇതാ ഫൈനലിലേക്ക് അടുക്കാൻ പോകുന്നു.

തുടങ്ങിയതല്ലേ ഉള്ളൂ എന്ന് തോന്നാമെങ്കിലും, ഷോ ഇതാ ജൂലൈ മൂന്നാ വാരത്തോടെ അവസാനിക്കാൻ പോകുകയാണ്. സീസൺ 7 അവസാനിക്കുന്നതോടെ ലവ് ഐലൻഡിന് ഒരു താത്കാലിക ബ്രേക്ക് വരും.

സീസൺ 7 നെ സംബന്ധിച്ച് ആദ്യ എപ്പിസോഡ് മുതൽ വില്ലയിൽ ട്വിസ്റ്റുകളും നാടകീയതയും നിറഞ്ഞിരുന്നു. കപ്പിളിംഗും റീകപ്പിളിംഗ് ചടങ്ങുകളും കാരണം ഇനി ആരാകും ഈ സീസണിൽ വിജയ് ആയി വരുന്നത് എന്ന് പ്രേക്ഷകർക്ക് പ്രവചിക്കാൻ കഴിയാത്ത രീതിയിലാണ് ഇപ്പോൾ മുന്നോട്ടു പോകുന്നത്.

Also Read: സഹോദരങ്ങളുമായി വേർപിരിഞ്ഞതിന് ശേഷം സാമ്പത്തികമായി തകർന്നു, എല്ലാം നഷ്ടപ്പെട്ട് പാപ്പരായി; കെവിൻ തോമസ് വെളിപ്പെടുത്തുന്നു

ഒരുപാട് പ്രണയബന്ധങ്ങൾ തകരുകയും വീണ്ടും ചേരുകയും ചെയ്ത Love Island USA-യുടെ ഫിനാലെ ജൂലൈ 13-ന് സംപ്രേക്ഷണം ചെയ്യും. അവതാരകയായ അരിയാന മാഡിക്സ് അവസാനമായി മത്സരങ്ങൾ പ്രഖ്യാപിക്കും, കടുത്ത മത്സരങ്ങളാവും നടക്കാൻ പോകുന്നത്.

Peacock, Bravo TV എന്നിവയിൽ രാത്രി 9 PM (ET) ന് ആണ് സ്ട്രീമിങ് ചെയ്യുന്നത്. ഇന്ത്യൻ പ്രേക്ഷകർക്കായി, ഫിനാലെ ജൂലൈ 14-ന് രാവിലെ 6:30 AM (IST) മുതൽ വിവിധ സ്ട്രീമിംങ് പ്ലാറ്റ്‌ഫോമുകളിൽ ലഭ്യമാകും. മുൻ സീസണുകളിലേത് പോലെ 36 എപ്പിസോഡ് ഫോർമാറ്റാണ് അണിയറപ്രവർത്തകർ പിന്തുടർന്നത്, കൂടാതെ Casa Amor ട്വിസ്റ്റും ഉൾപ്പെടുത്തിയിട്ടുണ്ട്.


അവസാന ഏതാനും എപ്പിസോഡുകളിൽ, സിയറ ഒർടേഗയുടെ അപ്രതീക്ഷിത പുറത്തുപോകലിന് ശേഷം നിക് വാൻസ്റ്റീൻബെർഗ്ഗും ഒലാൻഡ്രിയ കാർതൺ-നും തമ്മിലുള്ള ബന്ധം അടുത്ത ഘട്ടത്തിലേക്ക് കടന്നതോടെ വില്ലയിലെ നാടകം കൂടുതൽ ശക്തമാകുന്നത് ആരാധകർ കണ്ടു.

നിലവിൽ അഞ്ച് ജോഡികളാണ് മത്സരത്തിൽ സജീവമായിട്ടുള്ളത്, അവരിൽ ആരെയും വിജയിയായി പ്രഖ്യാപിക്കാം. ഗ്രാൻഡ് ഫിനാലെ എപ്പിസോഡിന് ശേഷം Love Island USA ഒരു പുതിയ സീസണുമായി വരുമോ എന്ന് ആരാധകർ സംശയമുണ്ടെങ്കിലും, ഇതുവരെ ഔദ്യോഗിക സ്ഥിരീകരണമൊന്നും ഉണ്ടായിട്ടില്ല.