Mammootty: ലുക്കിനോ സ്‌റ്റൈലിനോ ആ തേജസ്സിനോ ഒരു മാറ്റവും സംഭവിച്ചിട്ടില്ല; പൂര്‍ണ ആരോഗ്യവാനായി മമ്മൂട്ടി തിരിച്ചെത്തി!

Authored byഅശ്വിനി പി | Samayam Malayalam | Updated: 16 Apr 2025, 3:37 pm

Samayam Malayalamമമ്മൂട്ടി

കേരളക്കരയെ ഒന്നടങ്കം ബാധിച്ച ഒരു വാര്‍ത്തയായിരുന്നു മമ്മൂട്ടിയുടെ ആരോഗ്യ സ്ഥിതി. ചെന്നൈയില്‍ ചികിത്സയിലാണ് എന്നുള്ള വിവരം പുറത്ത് വന്നതോടെ പ്രാര്‍ത്ഥിക്കാത്തവരില്ല. മോഹന്‍ലല്‍ ശബരിമലയില്‍ നടത്തിയ വഴിപാട് അടക്കം, മമ്മൂട്ടി ആരോഗ്യവാനായി തിരിച്ചെത്താന്‍ ഇഷ്ടപ്പെടുന്നവര്‍ എല്ലാം പ്രാര്‍ത്ഥിച്ചു. ആ പ്രാര്‍ത്ഥനകള്‍ക്കെല്ലാം ഫലം കണ്ടു. പൂര്‍ണ ആരോഗ്യവാനായി മമ്മൂട്ടി തിരിച്ചെത്തിയിരിക്കുന്നു.ആ ലുക്കിനോ, സ്‌റ്റൈലിനോ, മുഖത്തെ തേജസ്സിനോ ഒന്നും ഒരു മാറ്റവും സംഭവിച്ചിട്ടില്ല. ലൊക്കേഷനില്‍ വന്നിറങ്ങിയ മമ്മൂട്ടിയുടെ ഫോട്ടോയ്‌ക്കൊപ്പമാണ്, ഇക്ക തിരിച്ചുവരവ് ആരാധകര്‍ ആഘോഷിക്കുന്നത്. തൂവെള്ള നിറത്തിലുള്ള ഷര്‍ട്ട് ധരിച്ച് മമ്മൂട്ടി കാറില്‍ നിന്ന് ഇറങ്ങുന്നതാണ് ചിത്രം. മിനിട്ടുകള്‍ക്ക് മുന്‍പ് പുറത്തുവന്ന ചിത്രം ഇപ്പോള്‍ സോഷ്യല്‍ മീഡിയയില്‍ വൈറലാവുകയാണ്.

Also Read: കോടികള്‍ പ്രതിഫലം വരുന്ന 15ല്‍ അധികം ബ്രാന്റ് ഡീലുകള്‍ ഒഴിവാക്കി; എന്തുകൊണ്ടാണെന്ന് വെളിപ്പെടുത്തി സമാന്ത, പൈസയ്ക്ക് വിലയില്ലേ?

ചെന്നൈയിലെ ചികിത്സയ്ക്ക് ശേഷം തിരിച്ചെത്തിയ മമ്മൂട്ടി ഇത്രയും നാള്‍ വീട്ടില്‍ വിശ്രമത്തിലായിരുന്നു. ഒരു ഫോട്ടോ പോലും പുറത്തുവിട്ടിരുന്നില്ല. പെരുന്നാളിനൊക്കെ പള്ളിയില്‍ പോകുന്നതായ ചിത്രങ്ങള്‍ വരുമായിരുന്നുവെങ്കിലും, ഇത്തവണ അതും ഉണ്ടായില്ല. അപ്പോഴും മമ്മൂക്കയുടെ ആരോഗ്യത്തിന് വേണ്ടി പ്രാര്‍ത്ഥിക്കുകയായിരുന്നു ആരാധകര്‍.

Also Read: വന്നവഴി മറന്നവള്‍, നന്ദികേട് കാണിച്ചു! ആദ്യ സിനിമ മുതല്‍ കുത്തുവാക്കുകളും വിമര്‍ശനങ്ങളും മാത്രം കേട്ട പ്രിയയുടെ വളര്‍ച്ച, ഇന്ന് ട്രെന്റിങ് താരം!

കലൂര്‍ ഡെന്നീസിന്റെ മകന്‍ ഡീനോ ഡെന്നീസ് ആദ്യമായി സംവിധാനം ചെയ്ത ബസൂക്ക എന്ന ചിത്രമാണ് ഏറ്റവുമൊടുവില്‍ മമ്മൂട്ടിയുടേതായി റിലീസായത്. എല്ലാ സിനിമകള്‍ക്കും സജീവമായി പ്രമോഷന് പങ്കെടുക്കുന്ന മമ്മൂട്ടി ബസൂക്കയ്ക്ക് വേണ്ടി യാതൊരു പ്രമോഷന്‍ പരിപാടികളിലും പങ്കെടുത്തിരുന്നില്ല. എന്നാല്‍ പേസ്ബുക്കില്‍ പങ്കുവച്ച ഒരു പോസ്റ്റ് ആരാധകര്‍ ഏറ്റെടുത്തു. അത് തന്നെയായിരുന്നു സിനിമയ്ക്കുള്ള ഏറ്റവും വലിയ പ്രമോഷന്‍. ചിത്രത്തിലെ മമ്മൂട്ടിയുടെ സ്‌റ്റൈല്‍ വൈറലാണ്. സിനിമയും ജനം ഏറ്റെടുത്തു.

മനീഷ് നാരായണന്റെ സിനിമയുടെ ഷൂട്ടിങ് പുരോഗമിച്ചുകൊണ്ടിരിയ്‌ക്കെയാണ് മമ്മൂട്ടിയ്ക്ക് ആരോഗ്യ പ്രശ്‌നങ്ങളുണ്ടായത്. മമ്മൂട്ടിയും മോഹന്‍ലാലും നയന്‍താരയും കുഞ്ചാക്കോ ബോബനും ഫഹദ് ഫാസിലും അടക്കം അതി സമ്പന്നമാണ് സിനിമയുടെ കാസ്റ്റിങ്. ഈ ചിത്രത്തിന്റെ ലൊക്കേഷനിലേക്കാണ് മമ്മൂട്ടി ഇപ്പോള്‍ തിരിച്ചെത്തിയത് എന്നാണ് വിവരം.