Meenakshi Anoop: മീനാക്ഷി ഒരു വിശ്വാസിയാണോ? കിടിലൻ മറുപടി നൽകി മലയാളികളുടെ സ്വന്തം മീനൂട്ടി

Authored by: അനുഷ ഗംഗാധരൻ|Samayam Malayalam•25 Nov 2025, 10:44 am

അമർ അക്ബർ അന്തോണി എന്ന സിനിമയിലൂടെ മലയാളി പ്രേക്ഷക മനസിൽ ഇടംപിടിച്ച താരമാണ് മീനാക്ഷി അനൂപ് . ഒപ്പം സിനിമയിൽ മോഹൻലാലിനൊപ്പം ഒപ്പത്തിനൊപ്പം അഭിനയിക്കുന്ന മീനാക്ഷിയെയും മലയാളികൾ കണ്ടു. ഇന്ന് മീനാക്ഷി ആ പഴയ ബാലതാരമല്ല. മറിച്ച് തെറ്റുകണ്ടാൽ ഒരുമടിയും കൂടാതെ ചോദ്യം ചെയുന്ന 20 കാരിയാണ്. കഴിഞ്ഞ ദിവസം മീനാക്ഷി തന്റെ ഫേസ്ബുക് പേജിൽ ദളിത് വിഭാഗത്തെക്കുറിച്ച് പാഠപുസ്തകങ്ങളിൽ നൽകിയ വിവരങ്ങളെ ചോദ്യം ചെയ്‌തുകൊണ്ട്‌ ഒരു പോസ്റ്റ് ഇട്ടിരുന്നു. നിമിഷനേരംകൊണ്ടാണ് പോസ്റ്റ് ഏവരും ഏറ്റെടുത്തത്. 'എന്താണ് ദളിത് എന്നോ, പണ്ട് അങ്ങനെ ഉണ്ടായിരുന്നു എന്നാൽ ഇന്ന് അങ്ങനെ ഇല്ല എന്ന് എവിടെയും അടയാളപ്പെടുത്തിയിട്ടില്ല എന്നും മീനാക്ഷി അനൂപ് പോസ്റ്റിൽ പറയുന്നുണ്ട്.

Also Readആ പ്രണയം പൂവണിയാൻ ദിലാവറും ഐഷയും ആയി! ആദ്യം കാഴ്ച്ചയിൽ എന്റെ പുരുഷനെന്ന് മനസ് പറഞ്ഞു! 45 വർഷത്തെ ദാമ്പത്യം

ഇപ്പോഴിതാ സമയം മലയാളത്തിനോട് മനസുതുറക്കുകയാണ് മീനാക്ഷി അനൂപ്. പാഠപുസ്തകങ്ങളിൽ ദളിത് വിഭാഗത്തെ അടയാളപ്പെടുത്തിയത് ശരിയായ രീതിയിൽ അല്ല എന്നും കുട്ടികളിൽ തെറ്റിദ്ധാരണ ഉണ്ടാക്കുമെന്നുമാണ് മീനാക്ഷി അനൂപ് പറഞ്ഞുവെക്കുന്നത്. വലിയ ചർച്ചയായ ഈ വിഷയം വിദ്യാഭ്യാസ മന്ത്രി വി ശിവൻകുട്ടി ഉൾപ്പെടെയുള്ളവർ ശ്രദ്ധിക്കുകയും മീനാക്ഷിയെ അഭിനന്ദിച്ച് രംഗത്തെത്തുകയും ചെയ്‌തിരുന്നു.

വിശ്വാസത്തെ കുറിച്ചും, എന്താണ് റാഷണലിസം എന്താണ് എത്തിസ്റ്റ് എന്നതിനെ കുറിച്ചും മീനാക്ഷി വാചാലയായി. എന്തിനാണ് നമ്മൾ എന്തിലെങ്കിലും ഒന്നിൽ വിശ്വസിക്കണം എന്ന് നിർബന്ധം പിടിക്കുന്നത് എന്നായിരുന്നു മീനാക്ഷിയുടെ വാദം. അതേസമയം വിശ്വാസമല്ല മറിച്ച് അറിവാണ് വലുത് ഒരു വിഷയത്തെ കുറിച്ച് അറിയുന്നതും ഒരു വിഷയത്തിൽ വിശ്വസിക്കുന്നതിലും തമ്മിൽ വ്യത്യാസമുണ്ട് എന്നും മീനാക്ഷി അനൂപ് വ്യക്തമാക്കി.

അതേസമയം ആദ്യ സിനിമ അനുഭവങ്ങളും മീനാക്ഷി പങ്കുവെച്ചു. അമർ അക്ബർ അന്തോണി സെറ്റിൽ തന്നെ എല്ലാവരും ഒരുപാട് കെയർ ചെയ്‌തു എന്നും പൃഥ്വിരാജ്, ജയസൂര്യ, ഇന്ദ്രജിത് എന്നിവരുമായി നല്ല ബന്ധം ഉണ്ടാക്കാനും ആ സെറ്റ് സഹായിച്ചു എന്നും മീനാക്ഷി പറഞ്ഞു. അടുത്തിടെ പൃഥ്വിരാജ് മീനാക്ഷിയെക്കുറിച്ച് പറയുന്ന ഒരു വീഡിയോ വൈറലായിരുന്നു. ഈ വീഡിയോയെ കുറിച്ചും മീനാക്ഷി സംസാരിച്ചു.

തനിക്ക് ഏറ്റവും ഇഷ്ടമുള്ള നടനാണ് പൃത്വിരാജ്, അതുകൊണ്ടുതന്നെ തന്നെ കുറിച്ച് പൃഥ്വിരാജ് പറഞ്ഞ കാര്യങ്ങൾ കേട്ടപ്പോൾ ഒരുപാട് സന്തോഷം തോന്നിയെന്നും, ആ വീഡിയോ താൻ ഒരുപാടുപേർക്ക് അയച്ചുകൊടുത്തു എന്നും മീനാക്ഷി പറഞ്ഞു.

അതേസമയം സിനിമയിൽ 8 മണിക്കൂർ ജോലി സമയം ആവശ്യമാണോ എന്നതിനെ കുറിച്ചുള്ള ചോദ്യത്തിനും മീനാക്ഷി വ്യക്തമായി മറുപടി നൽകി. സിനിമയിൽ അതൊരിക്കലും നടപ്പാക്കാൻ സാധിക്കില്ല എന്നാണ് മീനാക്ഷിയുടെ അഭിപ്രായം. രാത്രി ഒരുപാട് വൈകിയുള്ള ഷൂട്ടിന് ശേഷം പിറ്റേന്ന് പുലർച്ചെ വീണ്ടും ഷൂട്ടിങ് ആരംഭിക്കുന്ന സ്വഭാവം സിനിമയ്ക്കുണ്ട് എന്നും അത് സിനിമ ആവശ്യപ്പെടുന്നുണ്ട് എന്നും മീനാക്ഷി പ്രതികരിച്ചു.