MI VS GT; ഹർദിക് കാത്തിരിക്കുന്ന റെക്കോഡ് മഴയിൽ മുങ്ങുമോ; മുംബൈ ഇന്ത്യൻസ് - ഗുജറാത്ത് ടൈറ്റൻസ് മത്സരത്തിൽ മഴ വില്ലനായേക്കും

Edited byഅനുഷ ഗംഗാധരൻ | Samayam Malayalam | Updated: 6 May 2025, 8:52 am

ഐപിഎൽ 2025 സീസണിൽ ഇന്ന് മുംബൈ ഇന്ത്യൻസും (എംഐ) ഗുജറാത്ത് ടൈറ്റൻസും(ജിടി) തമ്മിൽ ഏറ്റുമുട്ടും. ഐപിഎൽ 2025 പോയിന്റ് പട്ടികയിൽ യഥാക്രമം 3, 4 സ്ഥാനങ്ങളിൽ തുടരുന്ന മുംബൈ ഇന്ത്യൻസിനും ഗുജറാത്ത് ടൈറ്റൻസിനും ആദ്യ നാലിൽ തുടരാൻ ജയം അനിവാര്യമാണ്.
രോഹിത് ശർമ ഇമ്പാക്ട് പ്ലേയറായി കളിക്കുന്നതിന് കാരണം ഇതാണ്; അവസാനം വെളിപ്പെടുത്തി മുംബൈ ഇന്ത്യൻസ് പരിശീലക‌ൻമുംബൈ ഇന്ത്യൻസിന് നെറ്റ് റൺ റേറ്റ് ഉയർന്നു നിൽക്കുന്നുണ്ടെങ്കിലും 14 പോയിന്റ് വീതമാണ് മുംബൈക്കും ഗുജറാത്തിനും ഉള്ളത്. ഇതിൽ ഇന്ന് നടക്കുന്ന മത്സരത്തിൽ ഉയർന്ന റൺ റേറ്റ് നേടി ജയിക്കുന്ന ടീം ടേബിൾ ടോപ്പിൽ എത്തുകയും തോൽക്കുന്ന ടീം നാലാം സ്ഥാനത്ത് എത്തുകയും ചെയ്യും. അതുകൊണ്ട് ഇരു ടീമുകൾക്കും പ്ലേ ഓഫ് പ്രതീക്ഷ നഷ്ടമാകുന്നില്ല.
എന്നാൽ ഇപ്പോൾ ഇരുടീമുകളെയും അലട്ടുന്ന പ്രശ്നം കാലാവസ്ഥ റിപ്പോർട്ട് ആണ്. കഴിഞ്ഞ ദിവസം സൺറൈസേഴ്‌സ് ഹൈദരാബാദും ഡൽഹി ക്യാപിറ്റൽസും തമ്മിൽ നടന്ന മത്സരം മഴ കാരണം പകുതിക്ക് വെച്ച് നിർത്തേണ്ടി വന്നു. ഇതോടെ ഇരു ടീമുകൾക്കും ഓരോ പോയിന്റ് ലഭിക്കുകയും സൺറൈസേഴ്‌സ് ഹൈദരാബാദ് പ്ലേ ഓഫ് കാണാതെ ഈ സീസണിൽ നിന്ന് പുറത്താവുകയും ചെയ്‌തു.ഇന്ന് മുംബൈ ഇന്ത്യൻസ് - ഗുജറാത്ത് ടൈറ്റൻസ് മത്സരം നടക്കുന്ന വാങ്കഡെ സ്റ്റേഡിയത്തിലും മഴ വില്ലനാകാനുള്ള സാധ്യത കൂടുതലാണ് എന്നാണ് ലഭിക്കുന്ന വിവരം. ഇതേ തുടർന്ന് മത്സരം റദ്ദ് ചെയ്യേണ്ട സാഹചര്യം ഉണ്ടായാൽ ഇരു ടീമുകൾക്കും ഓരോ പോയിന്റ് വെച്ച് നൽകും. അങ്ങനെ വന്നാൽ മുംബൈക്കും ഗുജറാത്തിനും 15 പോയിന്റ് വീതം ലഭിക്കും. ഇത് രണ്ട് ടീമുകളുടെയും ടേബിൾ ടോപ് പ്രതീക്ഷയ്ക്ക് മങ്ങലേൽപ്പിക്കുകയും ചെയ്യും.

മെയ് 6 മുതൽ ബുധനാഴ്ച വരെ മുംബൈയിൽ ഇന്ത്യാ മെറ്റീരിയോളജിക്കൽ ഡിപ്പാർട്ട്‌മെന്റ് (IMD) മഞ്ഞ അലേർട്ട് നൽകിയിട്ടുണ്ട്. മാക്സിമം സിറ്റിയിൽ മൺസൂൺ സീസണിന് ഒരു മാസം മുമ്പ് പെയ്ത ഓഫ് സീസൺ മഴയ്ക്ക് കാരണം 'വളരെ ശക്തമായ വെസ്റ്റേൺ ഡിസ്റ്റൻസ്' ആണെന്നാണ് റിപ്പോർട്ട്. Weather.com പ്രകാരം ചൊവ്വാഴ്ച നഗരത്തിൽ മഴ പെയ്യാൻ 41% സാധ്യത ഉണ്ട്. മത്സരം നടക്കുന്ന സമയത്ത് (7:30 PM IST), ഏകദേശം 31-32% മഴ പെയ്യാൻ സാധ്യതയുണ്ട് എന്നാണ് റിപ്പോർട്ട്.

അതേസമയം മുംബൈ ഇന്ത്യൻസിന് ഈ മത്സരം വിജയിക്കാനായാൽ ഐപിഎല്ലിൽ പുതു ചരിത്രം കുറിക്കാൻ നായകൻ ഹർദിക് പാണ്ഡ്യയ്ക്ക് സാധിക്കും. മുംബൈ ഇന്ത്യൻസിന് തുടർച്ചയായി ആറ് മത്സരങ്ങളിൽ ജയം നേടിക്കൊടുത്ത ക്യാപ്റ്റൻ ആണ് ഹർദിക് പാണ്ഡ്യ.

ഇതിനു മുൻപും മുംബൈ ഇന്ത്യൻസ് തുടർച്ചയായ 6 മത്സരങ്ങൾ ജയിച്ചിട്ടുണ്ടെങ്കിലും അതിൽ ആദ്യ മൂന്ന് മത്സരങ്ങളിലെ നായകൻ സച്ചിൻ ടെണ്ടുൽക്കറും അവസാന മൂന്ന് മത്സരങ്ങളിലെ നായകൻ ഷോൺ പൊള്ളോക്കുമായിരുന്നു. എന്നാൽ ഇന്ന് നടക്കുന്ന മത്സരത്തിൽ ജയിക്കാൻ സാധിച്ചാൽ മുംബൈ ഇന്ത്യൻസിന് തുടർച്ചയായി 7 ജയം നേടിക്കൊടുത്ത ഒരേ ഒരു ക്യാപ്റ്റൻ എന്ന റെക്കോഡ് ഹർദിക് പാണ്ഡ്യയ്ക്ക് സ്വന്തമാകും.