1 week ago
2
ഞാന് ഒരിക്കലും എന്റെ ഭാര്യയെ വഞ്ചിക്കില്ല. എത്രതന്നെ സുന്ദരികളായ നായികമാരോടൊപ്പം ഞാന് അഭിനയിച്ചിട്ടുണ്ട എങ്കിലും, എന്റെ ഭാര്യയോട് കുറച്ച് കള്ളത്തരം കാണിക്കാം എന്ന ചിന്ത ഒരിക്കല് പോലും എന്റെ ചിന്തയില് വന്നിട്ടില്ല. ഞാനൊരു സാധാരണ ഇടത്തരം കുടുംബത്തില് ജനിച്ചു വളര്ന്ന ആളാണ്. അതുകൊണ്ട് തന്നെ ഭാര്യയെ വഞ്ചിച്ച് അത് കാരണം വരുന്ന പ്രശ്നങ്ങള് അഭിമുഖീകരിക്കാന് എനിക്കറിയില്ല, അതിന് ഞാന് തയ്യാറെടുത്തിട്ടുമില്ല. നല്ലൊരു ഭാര്യയെ എനിക്ക് ദൈവം തന്നു, അത് തന്നെ എനിക്ക് ധാരാളം മതി- എന്നാണ് മാധവന് പറഞ്ഞത്.
1999 ല് ആയിരുന്നു സരിതയുമായുള്ള മാധവന്റെ പ്രണയ വിവാഹം. മാധവന്റെ സ്റ്റുഡന്റ് ആയിരുന്നു സരിത. എന്നാല് അന്ന് ഞങ്ങള്ക്കിടയില് പ്രണയമോ റൊമാന്സോ ഒന്നും ഉണ്ടായിരുന്നില്ല എന്നാണ് മാധവന് പറഞ്ഞത്.
സിനിമയിലൊക്കെ വരുന്നതിന് മുന്പ് കോലാപൂരില് ഒരു ഇന്സ്സിറ്റിയൂട്ടില് പബ്ലിക് സ്പീക്കിങ് ആന്റ് കമ്യൂണിക്കേഷന് സ്കില്ലിന്റെ ടീച്ചിങ് അധ്യാപകനായിരുന്നു മാധവന്. അവിടെ സരിതയുടെ ഒരു കസിന് വരുന്നുണ്ടായിരുന്നു. അവള്ക്കൊപ്പം ഒരിക്കല് ഇന്സ്റ്റ്റ്റിയൂട്ടിലേക്ക് വരികയുണ്ടായി, പിന്നീട് അവിടെ ജോയിന് ചെയ്തു. പക്ഷേ അന്നൊന്നും ഞങ്ങള്ക്കിടയില് പ്രണയം ഉണ്ടായിരുന്നില്ല, ഞാനൊരിക്കലും എന്റെ സ്റ്റുഡന്റിനെ പ്രണയിച്ചിട്ടില്ല.
അവിടെയുള്ള കോഴ്സ് പൂര്ത്തിയാക്കിയടിന് ശേഷം ഞങ്ങള് വേര്പിരിയുകയും ചെയ്തു. പിന്നീട് സരിതയ്ക്ക് എയര് ഹോസ്റ്റസ് ആയി ജോലി ലഭിച്ചു, അതിന് എനിക്ക് നന്ദി പറഞ്ഞുകൊണ്ട് ഒരു ട്രീറ്റ് തന്നിരുന്നു. അവിടം മുതലാണ് സൗഹൃദം ആരംഭിക്കുന്നത്, അത് പ്രണയമായി മാറി. ആറ് വര്ഷത്തെ പ്രണയത്തിന് ശേഷമാണ് 1999 ല് വിവാഹം കഴിഞ്ഞത്. അഞ്ച് വര്ഷത്തിന് ശേഷം മകനും പിറന്നു. കരിയറിലും ജീവിതത്തിലും സരിത തന്നെയാണ് തനിക്കേറ്റവും വലിയ പിന്ബലം എന്നാണ് മാധവന് പറഞ്ഞിട്ടുള്ളത്.
English (US) ·