Rajasthan Royals; അടുത്ത മത്സരത്തിലും രാജസ്ഥാന്റെ വജ്രായുധം; മധ്യനിരയിലും മാറ്റം വന്നേക്കും; ആർസിബിയെ നേരിടുക മാറ്റങ്ങളോടെ

Edited byഅനുഷ ഗംഗാധരൻ | Samayam Malayalam | Updated: 21 Apr 2025, 1:40 pm

ജയ്പൂർ: ഇന്ത്യൻ പ്രീമിയർ ലീഗ് 2025 ൽ ആരാധകരെ നിരാശയിലാഴ്ത്തിയ ടീമുകളിൽ ഒന്നാണ് മലയാളി വിക്കറ്റ് കീപ്പർ ബാറ്റർ സഞ്ജു സാംസൺ നയിക്കുന്ന രാജസ്ഥാൻ റോയൽസ്. സഞ്ജു നായകനായതിന് ശേഷം ആദ്യമായ് ആണ് ടീം ഇത്തരത്തിൽ ഒരു അവസ്ഥയിലേക്ക് എത്തുന്നത്. പ്രധാനമായും മധ്യനിരയിലെ ബാറ്റർമാരുടെ ഫോം നഷ്ടമായതാണ് റോയൽസിന് തലവേദനയായത്. അതിനൊപ്പം സഞ്ജു കൂടി പരിക്കിന്റെ പിടിയിലായതോടെ റോയൽസ് വീണ്ടും ദുരിതത്തിലായി.
BCCI കരാറിലേക്ക് തിരിച്ചെത്തി ശ്രേയസ് അയ്യരും ഇഷാൻ കിഷനും; രോഹിതും കോഹ്ലിയും ജഡേജയും എ+ൽ തന്നെ; സഞ്ജുവിനേക്കാൾ ഉയർന്ന ഗ്രേഡിൽ പന്തുംഡെൽഹിയുമായുള്ള മത്സരം സൂപ്പർ ഓവേറിലേക്ക് കടക്കുകയും തുടർന്ന് പരാജയപ്പെടുകയും ചെയ്‌ത രാജസ്ഥാൻ റോയൽസ്, ലക്‌നൗവിനെ നേരിടുമ്പോളും സമാനമായ മത്സരം കാഴ്ചവെച്ചു. ഓപ്പണർ ബാറ്റർമാർ കലം നിറക്കുകയും എന്നാൽ മധ്യനിര ബാറ്റർമാർ കലം ഉണ്ടാക്കുകയും ചെയുന്ന അവസ്ഥയാണ് ഈ രണ്ട് മത്സരങ്ങളിലും കാണാൻ സാധിച്ചത്. പക്ഷെ ലക്‌നൗവിനെ നേരിടാൻ സഞ്ജു ഉണ്ടായിരുന്നില്ല മറിച്ച് ഇമ്പാക്ട് പ്ലേയർ ആയി മൈതാനത്ത് ഇറങ്ങിയത് പതിനാലുകാരൻ വൈഭവ് സൂര്യവൻശിയാണ്.
റോയൽസിന്റെ വജ്രായുധം. നേരിട്ട ആദ്യ പന്തിൽ തന്നെ സിക്സർ പറത്തിയ ഈ താരം റോയൽസിന്റെ ഇനിയുള്ള മത്സരങ്ങളിൽ പ്ലേയിങ് ഇലവനിൽ ഇടം പിടിക്കുമെന്ന് ഉറപ്പാണ്.ഒപ്പം ചില മാറ്റങ്ങൾ കൂടി രാജസ്ഥാൻ ടീമിൽ വരുത്തേണ്ടതുണ്ട്. കഴിഞ്ഞ ദിവസം ലക്‌നൗവിനെതിരെയുള്ള മത്സരത്തിന് മുന്നേ പ്ലേ ഓഫ് സാധ്യത അവസാനിച്ചിട്ടില്ല എന്ന് രാജസ്ഥാൻ റോയൽസ് കോച്ച് രാഹുൽ ദ്രാവിഡ് പറഞ്ഞിരുന്നു. സഞ്ജുവിന് പകരം ഇമ്പാക്ക്ട പ്ലേയർ ആയി ഇറങ്ങിയ വൈഭവ് തുടർന്നുള്ള മത്സരങ്ങളിലും ഇമ്പാക്ട് പ്ലേയർ ആയി ഇറങ്ങിയേക്കും. സഞ്ജു പരിക്കിൽ നിന്ന് മുക്തനായിട്ടില്ല എങ്കിൽ യശസ്വിയുടെ കൂടെ ഓപ്പണർ ആയി വൈഭാവിനെ ഇറക്കിയേക്കും. അതല്ല സഞ്ജു പരിക്കിൽ നിന്ന് മുക്തനായി അടുത്ത മത്സരത്തിൽ ഇറങ്ങുകയാണ് എങ്കിൽ മൂന്നാം നമ്പറിലോ നാലാം നമ്പറിലോ വൈഭാവിനെ പ്രതീക്ഷിക്കാം.

രാജസ്ഥാൻ നേരിടുന്ന മറ്റൊരു പ്രധാന വെല്ലുവിളി ഷിമ്രോൺ ഹെറ്റ്മെയർ ആണ്. ഡെൽഹിക്കെതിരെയും ലക്‌നൗവിനെതിരെയും ഉള്ള മത്സരത്തിൽ പടിക്കലിൽ ചെന്ന് കലമിട്ട് ഉടയ്ക്കുന്ന പ്രകടനമാണ് ഷിമ്രോൺ ഹെറ്റ്മെയർ പുറത്തെടുത്തത്. ഐപിഎൽ 2025 സീസണ് മുന്നോടിയായി നടന്ന താരലേലത്തിന് മുൻപ് രാജസ്ഥാൻ റോയൽസ് 11 കോടിയ്ക്ക് നിലനിർത്തിയ വിദേശ താരമാണ് ഷിമ്രോൺ ഹെറ്റ്മെയർ.

ജോസ് ബട്ലറെ ഒഴിവാക്കി ഹെറ്റ്മെയറിനെ ടീമിലെടുത്തതിന് ആരാധകർ അന്ന് മുതലേ നീരസം പ്രകടിപ്പിച്ചിരുന്നു. ഇപ്പോൾ താരത്തിൽ നിന്ന് ഇത്തരത്തിൽ നിരാശാജനകമായ പ്രകടനങ്ങൾ കാണുമ്പോൾ വീണ്ടും ആരാധകർ കലിപ്പിലാവുകയാണ്. എന്തുകൊണ്ട് പരിശീലകൻ രാഹുൽ ദ്രാവിഡ് മധ്യനിരയിൽ ഇനിയും മാറ്റം കൊണ്ടുവരുന്നില്ല എന്ന ചോദ്യവും ആരാധകർ ഉയർത്തുന്നുണ്ട്. അതുകൊണ്ട് തന്നെ അടുത്ത മത്സരത്തിൽ ടീമിൽ നിർണായക മാറ്റങ്ങൾ വന്നേക്കും എന്നാണ് പ്രതീക്ഷ.