Sameera Reddy Mother-In-Law: സിംഗിള്‍ ലൈഫ് ഈസിയല്ല, മുന്‍ഭര്‍ത്താവ് മറ്റൊരു വിവാഹം ചെയ്തപ്പോള്‍ അമ്മായിയമ്മ ഒരുപാട് കഷ്ടപ്പെട്ടു; സമീറ റെഡ്ഡി

സമീറ റെഡ്ഡിയുടെ ഭര്‍ത്താവിന്റെ അമ്മയെ ഇപ്പോള്‍ സോഷ്യല്‍ മീഡിയയ്ക്ക് പരിചിതമാണ്. സമീറയും അമ്മായിയമ്മയായ മഞ്ജരി വര്‍ദയും ചെയ്യുന്ന റീല്‍ വീഡിയോകള്‍ അത്രയേറെ പ്രേക്ഷകരെ എന്റര്‍ടൈന്‍ ചെയ്യിപ്പിച്ചിട്ടുണ്ട്, ഇപ്പോഴും ചെയ്യിപ്പിക്കുന്നു. എല്ലാത്തിനും കട്ടയ്ക്ക് കൂടെ നില്‍ക്കുന്ന ഇങ്ങനെ ഒരു അമ്മയെ വേണം കിട്ടാന്‍ എന്ന് പറയാത്തവരില്ല. എന്നാല്‍ അമ്മ ഇത്രയധികം സജീവമാവാനും ഒരു കാരണമുണ്ട്.

ഞാന്‍ ആദ്യമായി അമ്മയെ കാണുമ്പോള്‍ അവര്‍ വിവാഹം മോചനം കഴിഞ്ഞ് നില്‍ക്കുകയായിരുന്നു. മുന്‍ ഭര്‍ത്താവ്, അതായത് എന്റെ അമ്മായിയച്ഛന്‍ മറ്റൊരു വിവാഹ ജീവിതത്തിലേക്ക് മാറിയതും അമ്മയെ വല്ലാതെ അസ്വസ്ഥമാക്കിയിരുന്നു. എന്നോട് അതിനെ കുറിച്ച് ഒന്നും സംസാരിച്ചിരുന്നില്ല എങ്കിലും, അമ്മയെ അത് വല്ലാതെ ബാധിച്ചിരുന്നു എന്ന് എനിക്ക് മനസ്സിലായി.

Swati Reddy Marriage: സര്‍പ്രൈസ് ന്യൂസ്! സ്വാതി റെഡ്ഡി വിവാഹിതയായി, വരന്‍ സംവിധായകന്‍ ശ്രീകാന്ത് നഗോതിഎല്ലാവര്‍ക്കും അത് അങ്ങനെ തന്നെയാണ്, സിംഗിള്‍ ലൈഫ് ഒരിക്കലും എളുപ്പമല്ല. പക്ഷേ അതൊക്കെ മാറ്റിയെടുത്ത് അമ്മയില്‍ കോണ്‍ഫിഡന്‍സ് വളര്‍ത്തി എടുക്കണം എന്നതായിരുന്നു സമീറ റെഡ്ഡിയുടെ ലക്ഷ്യം. ഒന്നും അമ്മയെ പിന്നില്‍ നിന്ന് വലിക്കരുത്, ആര് എന്ത് പറയുന്നോ എന്ന ചിന്ത അലട്ടരുത്, അമ്മ അമ്മയുടെ ജീവിതം മനോഹരമായി ജീവിക്കണം എന്നതിലാണ് ഞാന്‍ ഫോക്കസ് ചെയ്തത്.

അമ്മ വളരെ ശക്തയായ സ്ത്രീയാണ്, കരുത്തോടെ മുന്നോട്ട് പോകും. പക്ഷേ സമൂഹത്തിന്റെ കാഴ്ചപ്പാടുകളെ ഭയന്നിരുന്നു. ഡിവോഴ്‌സ് ആയ എല്ലാവരും നേരിടുന്ന ഒന്നാണത്. ഒരിക്കലും സമൂഹത്തെ കുറിച്ച് ചിന്തിക്കേണ്ടതില്ല എന്നാണ് ഞാന്‍ പറയുന്നത്. ഒരൊറ്റ ജീവിതമേ നമുക്കുള്ളൂ, അത് ജീവിക്കേണ്ടത് നമ്മളാണ്. ജീവിതത്തില്‍ ഒറ്റപ്പെട്ട് നില്‍ക്കുന്ന ഒരവസ്ഥയില്‍ ആരും നമുക്കൊരു കൈ തന്ന് കൂടെ നില്‍ക്കില്ല, ഒരു മൂലയില്‍ ഇരുന്ന് കരയുമ്പോള്‍ ആശ്വസിപ്പിക്കാനും ആരും വരുന്നില്ല. നമുക്ക് എന്തെങ്കിലും ചെയ്യണമെങ്കില്‍ അത് നമ്മള്‍ തന്നെ ചെയ്യണം. ഇതൊക്കെയാണ് ഞാന്‍ അമ്മയോടും പറഞ്ഞത്.

ഒരിക്കലും എന്റെ അമ്മായി അച്ഛന്റെ ഭാഗം തെറ്റ് പറയുകയല്ല, അദ്ദേഹത്തെ മോശമായി ചിത്രീകരിക്കുകയുമല്ല. ഒരു ബന്ധം ഡിവോഴ്‌സ് ആയതിന് ശേഷം, അതില്‍ നിന്ന് മൂവ് ഓണ്‍ ആവുന്നതും നല്ല കാര്യമാണ്. പക്ഷേ അതുപോലെ തന്നെ ഓപ്പോസിറ്റ് നില്‍ക്കുന്ന ആള്‍ക്കും സാധിക്കണം എന്നാണ് ഞാന്‍ പറഞ്ഞത് എന്ന് സമീറ റെഡ്ഡി വ്യക്തമാക്കി.

2014 ല്‍ ആണ് സമീറ റെഡ്ഡിയും ബിസിനസ്സുകാരനായ അക്ഷയ് വര്‍ദയുമായുള്ള വിവാഹം നടന്നത്. വിവാഹത്തിന് ശേഷം സിനിമയില്‍ നിന്ന് ബ്രേക്ക് എടുത്ത് മാറി നില്‍ക്കുകയായിരുന്നു നടി. എന്നാല്‍ മഞ്ജരിയ്‌ക്കൊപ്പം സോഷ്യല്‍ മീഡിയയില്‍ സജീവമായിരുന്നു. തന്നെ ഒരുപാട് സപ്പോര്‍ട്ട് ചെയ്യുകയും, പ്രോത്സാഹിപ്പിക്കുകയും ചെയ്യുന്ന എനര്‍ജറ്റിക് ആയിട്ടുള്ള ആളാണ് അമ്മായിയമ്മ എന്നാണ് സമീറ റെഡ്ഡി പറഞ്ഞിട്ടുള്ളത്.