Sindhu Krishna Vs Mother: സംഭവിക്കാന്‍ പാടില്ലാത്തത് സംഭവിച്ചു, എന്നെ ഒരുപാട് വേദനിപ്പിച്ചു; പെട്ടന്ന് ഒന്നും മറക്കാന്‍ എനിക്ക് കഴിയില്ല എന്ന് സിന്ധു

കഴിഞ്ഞ കുറച്ച് ആഴ്ചകള്‍ ഒന്നും അത്ര കംഫര്‍ട്ട് അല്ലായിരുന്നു എന്ന് സിന്ധു കൃഷ്ണ . ഒരിക്കലും അങ്ങനെയൊന്നും സംഭവിക്കാന്‍ പാടില്ലായിരുന്നു. പക്ഷേ ഒന്നും നമ്മുടെ കൈയ്യില്‍ അല്ലല്ലോ. ഈ വിഷയത്തില്‍ ഒരുപാട് വിശദീകരണമോ വ്യക്തതയോ നല്‍കാനൊന്നും ഞാനിപ്പോള്‍ ആഗ്രഹിക്കുന്നില്ല. എനിക്ക് നേരെ വന്ന എല്ലാ കാര്യങ്ങളും തെളിയിക്കാനുള്ള തെളിവുകള്‍ എന്റെ മൊബൈയിലിലുണ്ട്. പക്ഷേ അതൊന്നും ഒരിക്കലും സോഷ്യല്‍ മീഡിയയില്‍ കാണിക്കില്ല. പക്ഷേ ഞങ്ങളുമായി ഒരുപാട് അടുത്ത ബന്ധമുള്ളവര്‍ക്ക് ഇതെല്ലാം അറിയാം. കാരണം ഒറ്റ ദിവസം കൊണ്ട് സംഭവിച്ചതല്ല ഇതൊന്നും, കുറേ വര്‍ഷങ്ങളായി സംഭവിച്ചുകൊണ്ടിരിയ്ക്കുന്നതാണ്. അതുകൊണ്ട് തന്നെ നമുക്ക് ചുറ്റുമുള്ളവര്‍ക്ക് അതെല്ലാം അറിയാം. അല്ലാതെ സോഷ്യല്‍ മീഡിയയിലുള്ളവരുടെ ഊഹാപോഹങ്ങളൊന്നും ഞങ്ങളെ ബാധിക്കുന്നില്ല. എന്തൊക്കെ പറഞ്ഞാലും എല്ലാത്തിന്റെയും അവസാനം ഞങ്ങളുടെ സമാധാനം തന്നെയാണ് ഞങ്ങള്‍ക്ക് ഏറ്റവും വലിയ കാര്യം.

എന്റെ പാരന്റ്‌സിന് വേണ്ടി ഞാന്‍ എന്തൊക്കെ ചെയ്തു എന്ന് ഒരു ലിസ്റ്റിട്ട് കാണിക്കാനൊന്നും എനിക്ക് കഴിയില്ല, ആരെയും കാണിക്കാന്‍ വേണ്ടിയല്ല ഒന്നും ചെയ്തത്. എന്റെ വീഡിയോയില്‍ ഞാന്‍ കാണിക്കുന്നതൊക്കെ വളരെ കുറച്ച് മാത്രമാണ്. അവസാനത്തെ വീഡിയോയില്‍ ഡാഡി ഉണ്ടായത്, എന്തോ സംഭവിക്കും എന്ന ഉള്‍ഭയം എനിക്കുണ്ടായിരുന്നത് കൊണ്ടാണ്. പക്ഷേ അവസാനത്തെ ചെക്കപ് കഴിഞ്ഞപ്പോള്‍ ഇനിയും ഒരുപാട് കാലം ഡാഡി കൂടെ ഉണ്ടാവും എന്ന പ്രതീക്ഷ ഉണ്ടായിരുന്നു. അപ്പോഴൊക്കെ ഞാന്‍ എന്റെ ദിവസങ്ങള്‍ പ്ലാന്‍ ചെയ്തിരുന്നത് പോലും എന്റെ പാരന്റ്‌സിന്റെ ഓരോ കാര്യങ്ങളുടെ അടിസ്ഥാനത്തിലായിരുന്നു.

Aishwarya Lakshmi Emotional: ഇതുവരെ തോന്നാത്ത വികാരം എനിക്ക് സാറ കാരണം തോന്നി; വേദിയില്‍ പൊട്ടിക്കരഞ്ഞുകൊണ്ട് ഐശ്വര്യ ലക്ഷ്മിഎല്ലാവരും യൂട്യൂബ് ചാനല്‍ ആരംഭിക്കുമ്പോഴൊന്നും ഞാന്‍ അതിനെ കുറിച്ച് ചിന്തിച്ചിരുന്നില്ല. 2020 ന് ശേഷം എല്ലാവര്‍ക്കും യൂട്യൂബ് ചാനലായി ഏറ്റവും ഒടുവിലാണ് ഞാന്‍ തുടങ്ങിയത്. അതില്‍ നിന്ന് വരുമാനം കിട്ടും എന്നറിഞ്ഞപ്പോള്‍ എനിക്ക് എന്റെ പാരന്റ്‌സിന് വേണ്ടി അതില്‍ നിന്ന് കുറച്ച് തുക മാറ്റിവയ്ക്കണം എന്നാണ് ഞാന്‍ ആദ്യം ചിന്തിച്ചത് പോലും. അതുവരെ മക്കളും കിച്ചുവും തരുന്ന കാശോ, അന്ന് ഞങ്ങള്‍ക്കുണ്ടായികുന്ന അഡ്വര്‍ടൈസിങ് കമ്പനിയില്‍ നിന്ന് വരുന്ന വരുമാനമോ എടുത്താണ് ഞാന്‍ അവരെ നോക്കിയിരുന്നത്. ഞങ്ങള്‍ ഇത്രയും പേരുള്ള വീട്ടില്‍ ഒരുപാട് ചെലവുകള്‍ വരുമ്പോള്‍ എന്റെ പാരന്റ്‌സിന് വേണ്ടിയും വലിയ തുകകള്‍ ചെലവാകുമ്പോള്‍ എനിക്കൊരു കുറ്റബോധമുണ്ടായിരുന്നു. കിച്ചുവോ മക്കളോ ഒരിക്കല്‍ പോലും അതിനെ കുറിച്ച് ചോദിച്ചില്ലെങ്കിലും എനിക്ക് തന്നെ സ്വയം തോന്നി. പക്ഷേ യൂട്യൂബ് വരുമാനം വന്നപ്പോള്‍ ആരോടും ചോദിക്കാതെയും പറയാതെയും അവരെ നോക്കാലോ എന്ന സന്തോഷവും സ്വാതന്ത്ര്യവുമായിരുന്നു എനിക്ക്.

അതൊക്കെ കഴിഞ്ഞു, ഇപ്പോള്‍ നടക്കുന്ന പ്രശ്‌നങ്ങള്‍ക്ക് യാതൊരു തര വിശദീകരണവും നല്‍കാന്‍ ഞാന്‍ ആഗ്രഹിക്കുന്നില്ല. ആര് എന്ത് ചെയ്താലും അതിലൊരു അജണ്ട ഉണ്ടാവും. തീര്‍ച്ചയായും അത് എന്നെ വളരെ അധികം വേദനിപ്പിച്ചിട്ടുണ്ട്. കുറച്ചു കാലം കഴിയുമ്പോള്‍ ഇതെല്ലാം മാറുമായിരിക്കും. പക്ഷേ ഇപ്പോള്‍ അത് എനിക്ക് സാധിക്കില്ല. എന്റെ അമ്മയായാലും അനിയത്തിയുടെ മകളാണെങ്കിലും സന്തോഷത്തോടെ ഇരിക്കട്ടെ എന്നേ ഞാന്‍ ആഗ്രഹിക്കുന്നുള്ളൂ. ഏത് സമയത്തും എന്നെ കൊണ്ട് ഒരു ആവശ്യം അവര്‍ക്ക് വരികയാണെങ്കില്‍ എന്നെ വിളിക്കാം, പറ്റുന്നതാണെങ്കില്‍ ഞാന്‍ ചെയ്തു കൊടുക്കും.

എനിക്കെപ്പോഴും സമാധാനം വേണം. അത്രയേ ഞാന്‍ ആഗ്രഹിക്കുന്നുള്ളൂ. കിച്ചു എപ്പോും പറയും, എനിക്കിപ്പോള്‍ 54 വയസ്സായി, ഇനി കൂടിപ്പോയാല്‍ 70 വയസ്സ് വരെയൊക്കെ ആയുസുണ്ടാവാം. ഇനിയുള്ള ഒരു പതിനാല്, പതിനഞ്ച് വര്‍ഷം, അതിലൊരു കാല്‍ ഭാഗം നമ്മള്‍ ഉറക്കിലായിരിക്കും. മിച്ചം വരുന്ന പതിനഞ്ച് - പതിനൊന്ന് വര്‍ഷം എനിക്ക് സന്തോഷത്തോടെ ജീവിക്കണം. പോസിറ്റീവായി ജീവിക്കണം- സിന്ധു പറഞ്ഞു.