അങ്ങനെ കാത്തിരിപ്പ് അവസാനിച്ചു, പൂർവ്വാധികം ശക്തനായി, ആ ചെറിയ ഇടവേള ഒരു റീചാർജ് ഘട്ടം; മമ്മൂട്ടി വരുന്നുവെന്ന് ആന്റോ

Authored by: ഋതു നായർ|Samayam Malayalam•29 Sept 2025, 11:56 am

ഇടവേള അവസാനിപ്പിച്ചുകൊണ്ട് മമ്മൂക്ക വരുന്നുവെന്ന് അടുത്ത സുഹൃത്തും നിർമ്മാതാവും ആയ ആന്റോ ജോസഫ് .

ആന്റോയുടെ വാക്കുകൾ

പ്രിയപ്പെട്ട മമ്മൂക്ക വരുന്നു...

മഹേഷ് നാരായണൻ സംവിധാനം ചെയ്യുന്ന ചിത്രത്തിൽ തുടർന്ന് അഭിനയിക്കുവാൻ ഒക്ടോബർ ഒന്നുമുതൽ.
ചെറിയൊരു ഇടവേളയായിരുന്നു ഇത്രയും കാലം എന്നുമാത്രമേ കരുതുന്നുള്ളൂ. അപ്രതീക്ഷിതമായി വന്ന ആ ഇടവേള ലോകമെങ്ങുമുള്ളവരുടെ പ്രാർത്ഥനകളുടെയും മനസ്സാന്നിധ്യത്തിന്റെയും ബലത്തിൽ അതിജീവിച്ചു.

മമ്മുക്ക ഹൈദ്രാബാദ് ഷെഡ്യൂളിൽ ജോയിൻ ചെയ്യും. പ്രാർത്ഥനകളിൽ കൂട്ടുവന്നവർക്കും, ഉലഞ്ഞപ്പോൾ തുണയായവർക്കും ഹൃദയം നിറഞ്ഞ നന്ദിയും സ്നേഹവും- ആന്റോ കുറിച്ചു. അതേസമയംതന്റെ ഇച്ചാക്കയുടെ വരവിനായി താനും കാത്തിരിക്കുന്നു എന്ന് അടുത്തിടെ ലാലേട്ടനും പറഞ്ഞിരുന്നു.

പതിനെട്ടുവര്ഷങ്ങള്ക്ക് ശേഷം ലാലേട്ടനും മമ്മുക്കയും ഒരുമിക്കുന്ന ചിത്രം എന്ന പ്രത്യേകതയും ഇതിനുണ്ട്. വമ്പൻ താരനിര അണിനിരക്കുന്ന ഈ ചിത്രം മലയാളത്തിലെ ഏറ്റവും ചെലവേറിയ സിനിമ കൂടിയാണ്. നയൻതാര രേവതി ഫഹദ് ഫാസിൽ, കുഞ്ചാക്കോ ബോബൻ തുടങ്ങിയവരുമുണ്ട്. സിനിമയുടെ രണ്ട് ഷെഡ്യൂൾ ശ്രീലങ്കയിലും, ഒരു ഷെഡ്യൂൾ യൂ എ യിലും, ഒരു ഷെഡ്യൂൾ അസർബൈജാനും പൂർത്തീകരിച്ചിട്ട് അഞ്ചാം ഷെഡ്യൂൾ കൊച്ചിയിലും ആയിരുന്നു. കൊച്ചിയിലെ ഷൂട്ടിങ്ങിനു പിന്നാലെയാണ് ഹൈദരാബാദിലേക്ക് മമ്മുക്ക എത്തുക. ആന്റോ ജോസഫ് ആണ് ചിത്രത്തിന്റെ നിർമ്മാണം.

ALSO READ: അത്രയും വിലയേ ഉറ്റ സുഹൃത്തിന് നൽകുന്നുള്ളോ? ടെയിലർ സ്വിഫ്റ്റിന്റെ വിവാഹ നിശ്ചയ വാർത്ത അറിഞ്ഞത് സോഷ്യൽ മീഡിയയിലൂടെ!

കോ പ്രൊഡ്യൂസർമാർ സി.ആർ.സലിമും,സുഭാഷ് ജോർജ് മാനുവലും ആണ്. രാജേഷ് കൃഷ്ണയും സി.വി.സാരഥയുമാണ് എക്‌സിക്യൂട്ടീവ് പ്രൊഡ്യൂസർമാർ. കഥയും തിരക്കഥയും മഹേഷ് നാരായണന്റേതാണ്. രൺജി പണിക്കർ, രാജീവ് മേനോൻ, ഡാനിഷ് ഹുസൈൻ, ഷഹീൻ സിദ്ദിഖ്, സനൽ അമൻ, രേവതി, ദർശന രാജേന്ദ്രൻ, സെറീൻ ഷിഹാബ് തുടങ്ങിയവർക്കൊപ്പം മദ്രാസ് കഫേ, പത്താൻ തുടങ്ങിയവയിലൂടെ ശ്രദ്ധേയനായ തീയറ്റർ ആർട്ടിസ്റ്റും സംവിധായകനുമായ പ്രകാശ് ബെലവാടിയും ഭാഗമാണ്. ബോളിവുഡിലെ പ്രശസ്ത സിനിമാറ്റൊഗ്രാഫർ മനുഷ് നന്ദനാണ് ചിത്രത്തിന്റെ സിനിമാറ്റോഗ്രാഫി

പ്രൊഡക്ഷൻ ഡിസൈനർ:ജോസഫ് നെല്ലിക്കൽ, മേക്കപ്പ്:രഞ്ജിത് അമ്പാടി, കോസ്റ്റിയൂം:ധന്യ ബാലകൃഷ്ണൻ, പ്രൊഡക്ഷൻ കൺട്രോളർ:ഡിക്‌സൺ പൊടുത്താസ്, ചീഫ് അസോസിയേറ്റ് ഡയറക്ടർ:ലിനു ആന്റണി, അസോസിയേറ്റ് ഡയറക്ടർ: ഫാന്റം പ്രവീൺ, പി ആർ : വൈശാഖ്