അങ്ങനെ കേട്ടെങ്കിലും 16കോടിയല്ലേ സാലറി! പ്രണയപരാജയം സംഭവിച്ച ആളുടെ മുഖമാണെന്ന്! ബോളിവുഡിൽ ധനുഷിൻ്റെ തേരോട്ടം!

Authored by: ഋതു നായർ|Samayam Malayalam•3 Dec 2025, 3:37 pm

ബോളിവുഡിൽ തന്റെ സ്ഥാനം ഉറപ്പിച്ച് ധനുഷ്. അദ്ദേഹത്തിന്റെ ഏറ്റവും പുത്തൻ ചിത്രമായ തേരേ ഇഷ്ക് മേയുടെ വിശേഷങ്ങൾ ആണ് നാഷണൽ മീഡിയാസ് നിറയെ. ധനുഷ് തന്റെ ഏറ്റവും പുതിയ ബോളിവുഡ് റിലീസായ തേരേ ഇഷ്ക് മേയിലൂടെ തന്റെ തേരോട്ടം തുടരുകയാണ് . ആദ്യ വാരാന്ത്യത്തിൽ തന്നെ 7.8 മില്യൺ ഡോളർ ആണ് ഈ റൊമാന്റിക് ഡ്രാമ നേടിയത്. ആദ്യ വീക്കെൻഡിൽ തന്നെ ഇത്രയും കളക്ഷൻ നേടിയതുകൊണ്ട് ലോകത്തിലെ ഏറ്റവും കൂടുതൽ കളക്ഷൻ നേടിയ നാലാമത്തെ ചിത്രമായി ഇത് മാറിയിട്ടുണ്ട്. ആനന്ദ് എൽ റായ് സംവിധാനം ചെയ്യുന്ന ഈ ചിത്രത്തിൽ തമിഴ് താരം ധനുഷിനൊപ്പം കൃതി സനോണും അഭിനയിക്കുന്നു.

ഇതിനിടയിൽ ആണ് ധനുഷിന്റെ സാലറിയെ കുറിച്ചും, രസകരമായ ഒരു സംഭാഷണവും എല്ലാം സോഷ്യൽ മീഡിയയിൽ നിറഞ്ഞത്. പതിനാറുകോടിയാണ് ധനുഷ് ചിത്രത്തിൽ അഭിനയിക്കതിൽ നിന്നും നേടിയത്. എന്നാൽ വൈറൽ ആയ ഒരു സംഭാഷണം ഉണ്ട്. ചിത്രത്തിന്റെ പ്രമോഷൻ പരിപാടിക്കിടെയാണ് ധനുഷ് ഇക്കാര്യം പങ്കിട്ടത്.

എന്തുകൊണ്ട് തന്നെ പ്രണയപരാജയം സംഭവിക്കുന്ന കഥാപാത്രങ്ങളിലേക്ക് കാസ്റ്റ് ചെയ്തത് എന്ന് ധനുഷ് ആനന്ദിനോട് ചോദിച്ചു, അതിനായി അദ്ദേഹം പറഞ്ഞ മറുപടിയാണ് രസകരം 'നിനക്കൊരു പ്രണയപരാജയം സംഭവിച്ച ആളുടെ മുഖം ആണ്' എന്നായിരുന്നു സംവിധായകന്റെ മറുപടി. അത് തമാശ ആയിരുന്നു എങ്കിലും എന്തോ ഒരു അർഥം അതിൽ ഉണ്ടെന്നും ധനുഷ് പറഞ്ഞിരുന്നു. അതേസമയം അങ്ങനെ കേട്ടെങ്കിലും കിട്ടിയ സാലറി സിനിമയുടെ വിജയം ഒക്കെ ആഘോഷിക്ക് ബ്രോ എന്നായിരുന്നു ആരാധകരുടെ എക്സ് കമന്റുകൾ.

നവംബർ 28 ന് ലോകമെമ്പാടുമായി 2.5 മില്യൺ ഡോളറിന്റെ മികച്ച ആദ്യ കളക്ഷൻ നേടി. , വാരാന്ത്യത്തിൽ ആഗോള ബോക്സ് ഓഫീസിൽ 7 മില്യൺ ഡോളർ മറികടന്ന് കൂടുതൽ കളക്ഷൻ റെക്കോർഡിലേക്ക് കുതിച്ചു. യുഎസ് വിപണിയിൽ മാത്രം ഇത് ഏകദേശം 225,100 ഡോളർ ആണ് നേടിയത്.

ALSO READ: വീണ്ടും സുന്ദരൻ ആയെന്നോ! 74 വയസ് അതിശയിക്കണ്ട; പപ്പായ എന്നും വേണം; മീൻ വറുത്തത് വേണ്ട കറി വേണം; പുട്ടും ദോശയുമൊക്കെ ഇഷ്ടവിഭവം

ഇന്ത്യയിൽ, ആദ്യ ദിവസം തന്നെ ചിത്രം 2.1 മില്യൺ ഡോളറും രണ്ടാം ദിവസം അവസാനിച്ചപ്പോൾ 4.2 മില്യൺ ഡോളറും നേടി. ഇന്ത്യയിൽ മാത്രം 5.5 മില്യൺ ഡോളറുമായി വീക്കെൻഡ് പ്രദർശനം അവസാനിപ്പിച്ചിരുന്നു.

ധനുഷിന്റെ തമിഴ് ചിത്രമായ ഇഡ്‌ലി കടൈ , തെലുങ്ക് ചിത്രമായ കുബേര , ഹിന്ദി ചിത്രമായ തേരേ ഇഷ്ക് മേം എന്നിവയെല്ലാം 2025 ൽ വേൾഡ് വൈഡ് ബോക്സ് ഓഫീസിൽ $1 മില്യണിനു മുകളിൽ ഓപ്പണിംഗ് കളക്ഷൻ നേടിയിരുന്നു.