അച്ഛനാകുന്ന സന്തോഷം പങ്കുവച്ച് പിറ്റി ഡേവിഡ്‌സൺ; കാത്തിരിപ്പിലാണ്, ഈ സന്തോഷം പറഞ്ഞറിയിക്കാൻ കഴിയില്ല

Authored by: അശ്വിനി പി|Samayam Malayalam•24 Jul 2025, 3:38 pm

അമേരിക്കൻ ഹാസ്യ നടനും എഴുത്തുകാരനുമായ പിറ്റി ഡേവിഡ്‌സൺ താൻ അച്ഛനാകാൻ പോകുന്നതിലെ സന്തോഷം പങ്കുവച്ചു. താൻ ഗർഭിണിയാണ് എന്ന് പ്രണയിനി എൽസി ഹ്യൂവിറ്റ് സോഷ്യൽ മീഡിയയിലൂടെ അറിയിച്ചതിന് ശേഷം ആദ്യമായാണ് പിറ്റി ഡേവിഡ്സൺ വിഷയത്തിൽ ഒരു പ്രതികരണവുമായി എത്തുന്നത്.

ഒരു അഭിമുഖത്തിൽ സംസാരിക്കുകയായിരുന്നു നടൻ. അച്ഛനാകാൻ പോകുന്നു എന്ന എന്റെ സന്തോഷം വാക്കുകൾ കൊണ്ട് പറഞ്ഞറിയിക്കാനും പ്രകടിപ്പിക്കാനും കഴിയാത്തതാണ്. വളരെ ആകാംക്ഷയോടെയുള്ള കാത്തിരിപ്പാണിത്. ഞങ്ങൾ രണ്ടു പേരും മാത്രമല്ല, ഞങ്ങൾക്ക് ചുറ്റുമുള്ളവരെല്ലാം കുഞ്ഞിന്റെ വരവിനായി കാത്തിരിയ്ക്കുകയാണ്.

Also Read: 5 വർഷങ്ങളായി ഞാനും നസ്റിയയും ഒരു വീട് പണിതുകൊണ്ടിരിക്കുകയാണ്, ഇതുവരെ പൂർത്തിയായിട്ടില്ല! കാരണം?

ഈ സന്തോഷം അറിഞ്ഞതുമുതൽ ഞാൻ ഭയങ്കര സന്തോഷത്തിലാണ്, അതിനപ്പുറം ഭാഗ്യവാനാണെന്ന് തോന്നുന്നു. ഒരു കുഞ്ഞിനെ പരിപാലിക്കാനും, എനിക്ക് ലഭിക്കാത്ത പോലെ ബാല്യം ആ കുഞ്ഞിന് നൽകാനുമാണ് ഞാൻ അഗ്രഹിക്കുന്നത് എന്ന് പിറ്റി ഡേവിഡ്സൺ പറഞ്ഞു.

ഒരു ആക്രമണത്തിൽ അച്ഛൻ മരണപ്പെട്ടതിന് ശേഷം ദുരന്തമായിരുന്നു പിറ്റിയുടെ ജീവിതം. ആദം സാന്റ്ലർ ഉൾപ്പടെയുള്ള സുഹൃത്തുക്കളുടെയും ചില കുടുംബക്കാരുടെ സഹായത്തോടെയുമണ് ജീവിച്ചതൊക്കെ. അങ്ങനെ ഒരു ബാല്യമാകരുത് തന്റെ കുഞ്ഞിന് എന്ന് 31 കാരനായ പിറ്റിയ്ക്ക് നിർബന്ധമുണ്ട്.

മോഡലും നടിയുമാണ് പിറ്റി ഡേവിഡ്സണിന്റെ പ്രണയിനി എൽസി ഹ്യൂവിറ്റ്. ഇക്കഴിഞ്ഞ മാർച്ച് മാസത്തിലാണ് ഇരുവരും തങ്ങളുടെ റിലേഷൻഷിപ് പരസ്യപ്പെടുത്തിയത്. ബ്ലോസം ബോളിൻ റെഡ് കാർപെറ്റിൽ ഒന്നിച്ച് പങ്കെടുത്തതിന് ശേഷം ഇരുവരും ഒന്നിച്ച് ജീവിക്കാൻ തുടങ്ങി.


ജൂലൈ 16 നാണ് തങ്ങൾ ആദ്യത്തെ കുഞ്ഞിനെ ഗർഭം ധരിച്ചിരിയ്ക്കുകയാണ് എന്ന സന്തോഷ വാർത്ത എൽസി ഹ്യൂവിറ്റ് സോഷ്യൽ മീഡിയയിലൂടെ അറിയിച്ചത്. അൾട്രൈ സൗണ്ട് എടുക്കുന്നതിന്റെ ചിത്രങ്ങളും വീഡിയോകളും സഹിതമായിരുന്നു പോസ്റ്റ്. ഇനി ഞങ്ങൾ സെക്സ് ചെയ്തോ എന്ന കാര്യത്തിൽ ആർക്കും സംശയമില്ലല്ലോ എന്ന ക്യാപ്ഷനോടെയുള്ള പോസ്റ്റ് വളരെ പെട്ടന്നാണ് വൈറലായത്.