അച്ഛനും അമ്മയ്ക്കും മുകളില്‍ വേറൊരാള്‍ക്കും എന്റെ ജീവിതത്തില്‍ സ്ഥാനമില്ല, അഡ്ജസ്റ്റ് ചെയ്യുന്ന മകനും നന്ദി; നവ്യ നായര്‍

നവ്യ നായര്‍ ഇപ്പോള്‍ ഒരു അഭിനേത്രി എന്നതിനപ്പുറം ഒരു നര്‍ത്തകി എന്ന നിലയിലാണ് തന്റെ ജീവിതം മുന്നോട്ടി കൊണ്ടു പോകുന്നത്. ഭരതനാട്യം തന്റെ എല്ലാമാണ്, അത് ചെയ്യുമ്പോള്‍ അനുഭവിക്കുന്ന സന്തോഷത്തെക്കാള്‍ വലുതല്ല തനിക്ക് മറ്റൊന്നും എന്ന് നടി പലപ്പോഴും പറഞ്ഞിട്ടുണ്ട്. കഴിഞ്ഞ ദിവസം നവ്യയുടെ മാതങ്കി എന്ന ഡാന്‍സ് സ്‌കൂളിന്റെ മൂന്നാം വാര്‍ഷികം ആയിരുന്നു. വളരെ ഭംഗിയായി ആ ചടങ്ങ് നടന്നു.

തന്റെ കുട്ടികളുടെ നൃത്തത്തിന് ശേഷം നവ്യ നായര്‍ വളരെ മനോഹരമായ ഒരു പ്രസംഗവും നടത്തിയിരുന്നു. എത്രത്തോളം പ്രിയപ്പെട്ടതാണ് തനിക്ക് മാതങ്കിയും അവിടെയുള്ള ആളുകളും എന്ന് നവ്യയുടെ വാക്കുകളില്‍ വ്യക്തമാണ്. ഇത്രത്തോളം നല്ല രീതിയില്‍ മാതങ്കിയും തന്റെ തിരക്കുകളും മുന്നോട്ടു കൊണ്ടു പോകാന്‍ സാധിക്കുന്നത് അത്രയും നല്ല സപ്പോര്‍ട്ടീവായ ഒരു ടീം എന്റെ കൂടെയുള്ളതാണ് എന്ന് നവ്യ നായര്‍ പറഞ്ഞു. അതിനൊപ്പം കുടുംബത്തിന്റെ പിന്തുണയും.

Also Read: കെട്ടാൻ ആണെങ്കിൽ മതി എന്ന് ആദ്യമേ പറഞ്ഞിരുന്നു; പതിനേഴാം വയസിൽ തുടങ്ങിയ പ്രണയം വിവാഹത്തിലേക്ക് എത്തിയത്

എന്റെ എല്ലാ തിരക്കുകള്‍ക്കിടയിലും പലപ്പോഴും, ഒരു അമ്മയുടെ കെയര്‍ നഷ്ട്‌പ്പെട്ടു പോകുന്ന ഒരു മകനുണ്ട് എനിക്ക്. അവനാണ് എന്റെ എല്ലാ നന്ദിയും. ഞാന്‍ ശ്രദ്ധിക്കാതിരിക്കുന്നത്, ഒരുപക്ഷേ ഈ പ്രായത്തില്‍ അവനതൊരു സന്തോഷമായിരിക്കും. എന്നാലും, പറ്റുന്നത് പോലെ എന്നെ അഡ്ജസ്റ്റ് ചെയ്ത്, എപ്പോഴും സ്‌നേഹത്തോടുകൂടെയാണ്, എന്‍കറേജിങ് ആയിട്ടാണ് അവന്‍ മാതങ്കിയുടെ ഓരോ കാര്യങ്ങളും പറയുന്നത്. തങ്ക്യു സോമച്ച് സായി.

Also Read: രശ്മികയെ പ്രസവിക്കുമ്പോള്‍ അമ്മയ്ക്ക് 16 വയസ്സ്? എനിക്ക് 29 ഉം, അമ്മയ്ക്ക് 45 ഉം ആണ് പ്രായം എന്ന് നടി

മാതങ്കിയിലെ ടീച്ചേഴ്‌സ് എന്റെ ഈ നൃത്ത വിദ്യാലയത്തിന് എത്രത്തോളം വലിയ സപ്പോര്‍ട്ടീവാണോ, നെടുന്തൂണുകളായി നില്‍ക്കുന്നുവോ അതുപോലെ എന്റെ ജീവിതത്തില്‍ എന്റെ രണ്ട് നെടുംതൂണുകളാണ് അച്ഛനും അമ്മയും. മാതങ്കിയിലെ എല്ലാവര്‍ക്കും എന്റെ അമ്മയെ അത്രത്തോളം അടുത്തറിയാം. ഇതുപോലെ ഒരു മാതാപിതാക്കളെ കിട്ടിയതാണ് എന്റെ ഏറ്റവും വലിയ ഭാഗ്യം. ഇതുവരെയുള്ള എന്റെ ജീവിതത്തിലെ ഏറ്റവും വലിയ പുണ്യവും അവര്‍ രണ്ട് പേരും മാത്രമാണ്. വേറെ ആര്‍ക്കും അതിന് മുകളിലേക്ക് ഒരു സ്ഥാനമില്ല- നവ്യ നായര്‍ പറഞ്ഞു.