അച്ഛന്‍ പോയതിന് ശേഷം ജീവിതം പൊള്ളയായ ശൂന്യത, ഏറ്റവും സന്തോഷമുള്ള നിമിഷത്തില്‍ പോലും; സുപ്രിയ പറയുന്നു

Authored by: അശ്വിനി പി|Samayam Malayalam•14 Nov 2025, 10:44 am

ജേര്‍ണലിസ്റ്റ് എന്ന നിലയിലാണ് സുപ്രിയ മേനോന്‍ തന്റെ കരിയര്‍ ആരംഭിച്ചത് എങ്കിലും, പൃഥ്വിരാജുമായുള്ള വിവാഹത്തിന് ശേഷം അതുപേക്ഷിച്ചിരുന്നു. ഇന്ന് പൃഥ്വിരാജ് പ്രൊഡക്ഷന്‍സിന്റെ നെടുംതൂണാണ് സുപ്രിയ. കരിയര്‍ വളരെ അധികം തിരക്കിട്ട് മുന്നോട്ടു പോകുന്നു, അതിനൊപ്പം പൃഥ്വിരാജിന്റെ ഭാര്യ അലംകൃതയുടെ അമ്മ എന്ന ഉത്തരവാദിത്വവും. എന്നാല്‍ അപ്പോഴും എപ്പോഴും സുപ്രിയയെ വേദനിപ്പിച്ചുകൊണ്ടിരിയ്ക്കുന്നത് ഒരേ ഒരു കാര്യം മാത്രമാണ്, കൂടെ അച്ഛന്‍ ഇല്ല എന്ന യാഥാര്‍ത്ഥ്യം

തന്റെ ഓരോ ചെറിയ നേട്ടങ്ങളിലും അത്രയധികം സന്തോഷിക്കുകയും അഭിമാനിക്കുകയും ചെയ്തിരുന്ന അച്ഛന്‍ ഇന്ന് കൂടെയില്ല. അച്ഛന്‍ പോയതിന് ശേഷം ജീവിതം പൊള്ളയായ ശൂന്യതയാണെന്ന് സുപ്രിയ പറയുന്നു. ഇന്ന് ശിശുദിനത്തില്‍ സുപ്രിയയുടെ അച്ഛന്‍ മരണപ്പെട്ടിട്ട് നാല് വര്‍ഷം പൂര്‍ത്തിയാവുന്നു. ആ വേര്‍പാടിന്റെ വേദന താന്‍ ഇന്നും എത്രത്തോളം അനുഭവിക്കുന്നു എന്ന് സുപ്രിയയുടെ വാക്കുകളില്‍ വ്യക്തമാണ്.

Also Read: കേരള സാരിയില്‍ അതീവ സുന്ദരിയായി നില്‍ക്കുന്ന ചിത്രങ്ങളാണ് ഷംന ഏറ്റവുമൊടുവില്‍ പങ്കുവച്ചിരിയ്ക്കുന്നത്

അച്ഛാ, നിങ്ങള്‍ ഞങ്ങളെ വിട്ടുപോയിട്ട് ഇന്ന് നാല് വര്‍ഷം പൂര്‍ത്തിയാവുന്നു. അച്ഛന്‍ പോയതിനു ശേഷമുള്ള മിക്ക ദിവസങ്ങളിലും ജീവിതം ഒരു പൊള്ളയായ ശൂന്യത പോലെയായിരുന്നു. ഏറ്റവും സന്തോഷകരമായ നിമിഷങ്ങളില്‍ പോലും വേദനയുടെ മൂര്‍ച്ചയുടെ ഭാരം. അച്ഛനൊപ്പം എനിക്ക് കൂടുതല്‍ സമയം ഉണ്ടായിരുന്നെങ്കില്‍ എന്ന് ആഗ്രഹിച്ചുപോകുന്നു, അച്ഛനൊപ്പം ഒരുപാട് കാര്യങ്ങള്‍ ഇനിയും ചെയ്യാന്‍ ഞാന്‍ ആഗ്രഹിച്ചിരുന്നു. ശിശുദിനത്തില്‍ നീ എന്നെ വിട്ടുപോയതിന്റെ വിരോധാഭാസം എനിക്ക് ഇപ്പോഴും മനസ്സിലാവുന്നില്ല! അച്ഛാ, എല്ലാ ദിവസവും ഞാന്‍ നിങ്ങളെ മിസ്സ് ചെയ്യുന്നു- അച്ഛനൊപ്പമുള്ള ഫോട്ടോകള്‍ക്കൊപ്പം സുപ്രിയ കുറിച്ചു.


അച്ഛനും അമ്മയ്ക്കും ഒറ്റ മകളാണ് സുപ്രിയ. അമ്മയെക്കാള്‍ അച്ഛനൊപ്പമായിരുന്നു സുപ്രിയ കൂടുതലും അറ്റാച്ച്. അച്ഛന്‍ ഇല്ല എന്ന സത്യം ഇന്നും അംഗീകരിക്കാന്‍ സുപ്രിയയ്ക്ക് സാധിച്ചിട്ടില്ല. അച്ഛന്‍ വേര്‍പിരിഞ്ഞതിന് ശേഷമാണ് സുപ്രിയ ഇന്‍സ്റ്റഗ്രാം പ്രൊഫൈല്‍ പിക്ചര്‍ മാറ്റിയത്. അച്ഛന്‍ ഏറ്റവും അധികം സന്തോഷിച്ചിരുന്ന ഒരു സമയത്ത് എടുത്ത ഫോട്ടോ ആയിരുന്നു അത്. നാല് വര്‍ഷമായി ആ പ്രൊഫൈല്‍ പിക്ചര്‍ ഇന്നും സുപ്രിയ മാറ്റിയിട്ടില്ല.