അച്ഛന്റെയും അമ്മയുടെയും കൈപിടിച്ചുവന്ന ആള്! 26 വയസ് ആയപ്പോഴേക്കും സ്റ്റാർ; എല്ലാം പോയില്ലേ അനിയാ,എല്ലാം ശരിയാകുമെന്നും ഫാൻസ്‌

മദ്യപിച്ചുവാഹനം ഓടിക്കുന്നത് ശിക്ഷാർഹം തന്നെയാണ്. അത് ഏതു പ്രമുഖൻ ആയാലും പിടിവീഴുക തന്നെ ചെയ്യും. ഇന്നലെ വൈകിയ രാത്രി മുതൽ സോഷ്യൽ മീഡിയിൽ ഏറെ വൈറൽ ആയ വീഡിയോ ആയിരുന്നു സിദ്ധാർഥ് പ്രഭുവിന്റെ വീഡിയോ. മദ്യലഹരിയിൽ പരസ്പരബന്ധമില്ലാത്ത സംസാരം നടത്തുന്ന സിദ്ദുവിന്റെ വീഡിയോ ഇപ്പോൾ സമൂഹ മാധ്യമങ്ങളിൽ നിറയുകയാണ്.

മദ്യലഹരിയിൽ വാഹനമോടിച്ച് എത്തിയ സിദ്ധാർഥ് ഇപ്പോൾ പോലീസ് പിടിയിലാണ്. കോട്ടയം ഭാഗത്തുനിന്ന് എത്തിയ സിദ്ധാർഥ് ഓടിച്ച കാർ നിയന്ത്രണംവിട്ട് ലോട്ടറി വിൽപനക്കാരനായ കാൽനടയാത്രക്കാരനെ ഇടിക്കുകയായിരുന്നു. ഇതേതുടർന്ന് സ്ഥലത്ത് വാക്കുതർക്കമുണ്ടായി. നാട്ടുകാരെ സിദ്ധാർഥ് അസഭ്യം പറഞ്ഞെന്നും അത് കയ്യാങ്കളിയിലേക്ക് എത്തിയെന്നും റിപ്പോർട്ടുണ്ട്. പിന്നീട് ഇദ്ദേഹം പോലീസ് കസ്റ്റഡിയിൽ ആയെന്നുമാണ് വാർത്തകൾ

ALSO READ: 17 വര്ഷം മുൻപേ കൊത്തി വച്ച പേര് അച്ഛന്റെ പേരാണോ ധ്യാനിന്റെ നെഞ്ചിൽ ഉള്ളത്; ആ രഹസ്യത്തെക്കുറിച്ച് ഒരിക്കൽ പറഞ്ഞത്
ഫ്ളവേഴ്സിലെ ഒന്നാം നമ്പർ പരമ്പര ആയ ഉപ്പും മുളകിലൂടെ നായക പദവിയിലേക്ക് എത്തിയ സിദ്ധാർഥ്, പരമ്പരയിലും ഇതേ പേരിൽ ആണ് അറിയപ്പെടുന്നത്. തട്ടീം മുട്ടീം പരമ്പരയിലെ കണ്ണൻ ആയി വന്നാണ് സിദ്ധാർഥ് പ്രേക്ഷകരെ സ്വന്തമാക്കിയത്. അതിനും മുൻപേ തന്നെ സിദ്ധാർഥും കുടുംബവും പ്രേക്ഷക ഹൃദയങ്ങൾ കീഴടക്കിയിരുന്നു. വെറുതെ അല്ല ഭാര്യയിലെ മത്സരാർത്ഥികൾ ആയിരുന്നു അച്ഛനും അമ്മയും. ഇവർക്കൊപ്പം സിദ്ധാർഥും, ചേച്ചിയും സ്‌ക്രീനിൽ എത്തുകയും ചെയ്തിരുന്നു. പിന്നാലെയാണ് തട്ടീം മുട്ടീം പരമ്പരയിൽ എത്തിയത്. ഇടക്ക് സിനിമയിലേക്കും അവസരം വന്നു എന്നാണ് സൂചന. സിദ്ധാർത്ഥിന്റെ അഭിനയമികവിനെ കുറിച്ച് വാ തോരാതെ ആണ് സോഷ്യൽ മീഡിയ പറഞ്ഞത്. അത്രയും മികവോടെയാണ് സിദ്ധാർഥ് എന്ന കഥാപാത്രത്തെ ഇദ്ദേഹം മനോഹരമാക്കി മാറ്റുന്നത്.

26 വയസുകാരനായ സിദ്ധാർഥ് അഭിനയത്തോടൊപ്പം തന്നെ ബിസിനസിലും ശ്രദ്ധിക്കുന്ന വ്യക്തിയാണ്. എല്ലാം പോയില്ലേ അനിയാ, ഒരു നിമിഷം ശ്രദ്ധിച്ചിരുന്നു എങ്കിൽ സാരമില്ല എല്ലാം ശെരിയാകുമെന്നുള്ള കമന്റുകൾ കൊണ്ടാണ് ഫാൻസ്‌ ഇദ്ദേഹത്തെ ആശ്വസിപ്പിക്കാൻ നോക്കുന്നത്.