അച്ഛൻ എന്ന വ്യക്തിയും നടനും ഞങ്ങൾക്ക് അഭിമാനം; മകൾ വിസ്മയ മോഹൻലാൽ പറയുന്നു

Authored by: അശ്വിനി പി|Samayam Malayalam•21 Sept 2025, 11:07 am

അവിസ്മരണീയതകളുടെ ഒരു ഖനിയാണ് മോഹൻലാൽ , എത്ര പറഞ്ഞാലും വാക്കുകൾ പോരാതെ വരും മോഹൻലാലിന്റെ നടന വൈഭവത്തെ കുറിച്ച് പറയാൻ. ദാദാ സാഹിബ് ഫാല്ക്കെ പുരസ്കാരം മോഹൻലാലിന് ലഭിയ്ക്കുമ്പോൾ മലയാളത്തിന് അത് മറ്റൊരു നോട്ടം കൂടെയാണ്. പ്രിയപ്പെട്ട ലാലേട്ടനെ പ്രശംസിച്ചും, ആ സന്തോഷം പങ്കുവച്ചും പലരും സോഷ്യൽ മീഡിയയിൽ എത്തി. മകൾ വിസ്മയ മോഹൻലാലൽ പങ്കുവച്ച പോസ്റ്റാണ് ഇപ്പോൾ ശ്രദ്ധ നേടുന്നത്.

മോഹൻലാലിന്റെ കരിയറിലേക്കൊരു തിരിഞ്ഞു നോട്ടം പോലെ, ഏറ്റവും മികച്ച കുറച്ച് കഥാപാത്രങ്ങളുടെ ഫോട്ടോകൊളാഷിനൊപ്പമാണ് വിസ്മയയുടെ പോസ്റ്റ്. അഭിനന്ദനങ്ങൾ അച്ഛാ. നിങ്ങൾ ഒരു അത്ഭുതകരമായ കലാകാരനാണ്, നിങ്ങൾ ഒരു അത്ഭുതകരമായ മനുഷ്യനാണ് എന്നതിൽ നിങ്ങളെ ഓർത്ത് ഞങ്ങൾക്കെല്ലാവർക്കും അഭിമാനമുണ്ട്- എന്നാണ് വിസ്മയയുടെ പോസ്റ്റ്.

Also Read: മലയാളികൾ എന്നെ മറന്നിരിക്കില്ല അല്ലേ? കുഞ്ഞനുജത്തിയുടെ പുഞ്ചിരി ഓർമ്മയായിട്ട് പത്ത് വർഷമായി; വിശ്വസിക്കാൻ ഇപ്പോഴും പ്രയാസം

സോഷ്യൽ മീഡിയയിൽ അത്ര സജീവമല്ല എങ്കിലും, തന്റെ യാത്രകളെ കുറിച്ചും കുടുംബത്തിനൊപ്പമുള്ള സന്തോഷങ്ങളെ കുറിച്ചും വിസ്മയ മോഹൻലാൽ ഇൻസ്റ്റഗ്രാമിൽ കുറിക്കാറുണ്ട്. അത്തരത്തിലാണ് അച്ഛന്റെ അഭിമാന നേട്ടത്തെ കുറിച്ചും പറഞ്ഞുകൊണ്ട് എത്തിയിരിക്കുന്നത്. ഇതിനോടകം പദ്മശ്രീ, പത്മവിഭൂഷൻ, ലെഫ്. കേണൽ, ഡോക്ടറേറ്റ് എല്ലാം നേടിയിട്ടുള്ള മോഹൻലാലിന്റെ നാല് പതിറ്റാണ്ടിലേറെയായ അഭിനയ ജീവിതത്തിലെ ഒരു പൊൻ തൂവൽ കൂടെയാണ് ഈ ദാദാ സഹാബ് ഫൽകെ പുരസ്കാരം

Also Read: ആദ്യ ബന്ധം വേർപിരിഞ്ഞാൽ ജീവിതം തകർന്നു എന്നില്ല, ഏറ്റവും നല്ല ജീവിതമാണ് ഞാനിപ്പോൾ ജീവിയ്ക്കുന്നത് എന്ന് സൗന്ദര്യ രജിനികാന്ത്

അതേസമയം അച്ഛന്റെ പാത പിൻതുടർന്ന് ചേട്ടന് പിന്നാലെ വിസ്മയ മോഹൻലാലും അഭിനയ ലോകത്തേക്ക് വരികയാണ്. യാത്രകളും എഴുത്തും മാർഷ്യൽ ആട്സുമൊക്കെയായി പോകുന്ന വിസ്മയ അഭിനയത്തിലേക്ക് വരും എന്നാരും പ്രതീക്ഷിച്ചതായിരുന്നില്ല. ജൂഡ് ആന്റണി ജോസഫ് സംവിധാനം ചെയ്യുന്ന ചിത്രത്തിലൂടെയാണ് വിസ്മയം അരങ്ങേറ്റം കുറിക്കുന്നത്. തുടക്കം എന്ന പേരിട്ടിരിയ്ക്കുന്ന ചിത്രം നിർമിയ്ക്കുന്നത് ആന്റണി പെരുമ്പാവൂരാണ്. വിസ്മയയുടെ നല്ല ഒരു തുടക്കമാവട്ടെ എന്നാണ് ആരാധകരുടെയും ആശംസ.