അഞ്ചാം മാസത്തിൽ അലസിപ്പോയ ​ഗർഭം, ആ ട്രോമ തന്നെ വല്ലാതെ തളർത്തി എന്ന് പെറി എഡ്വേർഡ്സ്

Authored by: അശ്വിനി പി|Samayam Malayalam•21 Aug 2025, 3:00 pm

തന്റെ ജീവിതത്തിൽ കടന്നു വന്ന വെല്ലുവിളികളെ കുറിച്ചെല്ലാമാണ് ഗായിക പെറി എഡ്വേർഡ്സ് പോൾ സി ബ്രൗൺസൺസിന്റെ വി നീഡ് ടു ടോക്ക് എന്ന പോട്കാസ്റ്റ് വീഡിയോയിൽ സംസാരിച്ചത്. മുൻ കാമുകൻ സെയിൻ മാലിക്കുമായുള്ള പ്രണയം ബ്രേക്കപ് ആയതിനെ കുറിച്ചപം ആ ബന്ധത്തിൽ നേരിട്ട ടോക്സിക് അനുഭവങ്ങളെ കുറിച്ചും ഗായിക തുറന്ന് പറഞ്ഞിരുന്നു

ഇപ്പോഴിതാ 24 ആം ആഴ്ചയിൽ നഷ്ടപ്പെട്ട കുഞ്ഞിനെ കുറിച്ചും നടി വികാരഭരിതയാവുന്നു. സെയിൻ മാലിക്കിന് ശേഷമാണ് പെറിയുടെ ജീവിതത്തിലേക്ക് മൻ ലിവർപൂൾ ഫുട്ബോൾ താരം അലക്സ് ഓക്സ്ലേഡ്-ചേംബർലൈൻ കടന്ന് വന്നത്. ഇരുവർക്കും 2021 ൽ അക്സൽ എന്ന മകൻ പിറന്നു.

Also Read: ഇവര് വേർപിരിയുകയാണ് എന്ന് പറഞ്ഞവർ ഇത് കാണുക, ഹാപ്പിയായി ജീവിക്കുന്നതിൽ ആർക്കാണ് പ്രശ്നം

ആദ്യത്തെ കുഞ്ഞിന്റെ ജനനത്തിന് ശേഷം, ഒരു വർഷം പൂർത്തിയാവുന്നതിന് മുൻപേ ഞാൻ വീണ്ടും ഗർഭിണിയായിരുന്നു. എന്നാൽ അഞ്ചാം മാസത്തിലെ സ്കാനിങിൽ കുഞ്ഞിന് ഹൃദയമിടിപ്പില്ല എന്ന് ഡോക്ടർ പറഞ്ഞു. ജീവിതത്തിലെ ഏറ്റവും മോശം സമയമായിരുന്നു അത്. എന്റെ കാലിൽ കൈ വച്ച് അലക്സ്, ഹോ, കുഞ്ഞ് നഷ്ടപ്പെട്ടു എന്ന് പറയുന്ന നിമിഷം അതിജീവിക്കാൻ ഞാൻ ഒരുപാട് പാടുപെട്ടു.

Also Read: അവൾ ഇമോഷണൽ ആയിട്ടുള്ള ഒരാളാണ്! രേണുവും രസമുണ്ട്; എന്തുകൊണ്ട് ബിഗ് ബോസിലേക്കില്ല; മറുപടിയുമായി ഡയാനയും മൃദുലയും

എന്റെ ഹൃദയം നിലച്ചതുപോലെയായിരുന്നു. അന്ന് കരഞ്ഞ് നിലവിളിച്ചത് എനിക്കിപ്പോഴും ഓർമയുണ്ട്. ഒരു ട്രോമ കാലമായിരുന്നു അത്. പിന്നീട് തന്റെ സഹപ്രവർത്തകയും ഗായികയും, ഗർഭം അലസൽ അവബോധം വർദ്ധിപ്പിക്കുന്നതിനുള്ള പ്രവർത്തനത്തിന് MBE അവാർഡ് ലഭിച്ച സഹ മൈലീൻ ക്ലാസിയുടെ ആശ്വാസ വാക്കുകൾ വലിയ പ്രതീക്ഷ നൽകി.


ഗർഭം അലസിപ്പോയാലും, ആ കുഞ്ഞ് നമ്മോടൊപ്പം തന്നെ ഉണ്ടാവും എന്ന് ക്ലാസി പറഞ്ഞു. എത്ര മാന്ത്രികമാണ് അത് എന്ന് എനിക്ക് തോന്നി. ഭാവിയിൻ ഇനി എനിക്കൊരു കുഞ്ഞ് ജനിച്ചാൽ, ഏതെങ്കിലും വിധത്തിൽ നഷ്ടപ്പെട്ടു പോയ ആ കുഞ്ഞും അതിനൊപ്പം ഉണ്ടാവും എന്നാണ് പെറി അഡ്വേർഡ്സ് വിശ്വസിക്കുന്നത്.