അണിയിച്ചത് ഒന്നരക്കോടിയുടെ റിങ്! വജ്രമോതിരം മുതൽ മംഗല്യസൂത്ര വരെ; ഫെബ്രുവരിയിൽ വിവാഹം കഴിഞ്ഞെന്നും അഭ്യൂഹങ്ങൾ

Authored by: ഋതു നായർ|Samayam Malayalam•3 Dec 2025, 9:13 am

മാസങ്ങൾ നീണ്ട നിശബ്ദതക്ക്, പ്രചരിച്ച അഭ്യൂഹങ്ങൾക്ക് ഒക്കെയുള്ള മറുപടി ആയിരുന്നു ഡിസംബർ 1 ന് നടി സാമന്ത റൂത്ത് നൽകിയത്. ചലച്ചിത്ര നിർമ്മാതാവ് രാജ് നിഡിമോരുവും ആയി നടന്നത് പ്രണയസാഫല്യവും. കോയമ്പത്തൂരിലെ ഇഷ യോഗ ഫൗണ്ടേഷനിൽ നടന്ന തീർത്തും സ്വകാര്യമായ ചടങ്ങിൽ ആണ് ഇവർ വിവാഹിതർ ആയത്. തുടർന്ന് ഹൃദയസ്പർശിയായ ഫോട്ടോകൾക്ക് ഒപ്പം ആ സന്തോഷം സമാന്ത പങ്കുവച്ചു. സിംപിൾ ആയിരുന്നു എങ്കിലും അത്യാവശ്യം ആഭരണങ്ങൾ ധരിച്ചാണ് സമാന്ത ചടങ്ങിൽ എത്തിയത്. കഴുത്തുനിറഞ്ഞുനിൽക്കുന്ന ഡയമണ്ട് സ്റ്റോൺസ് പതിച്ച നെക്ക് പീസും കയ്യിലെ വളകളും എല്ലാം ശ്രദ്ധിക്കുന്നതോടൊപ്പം വെറൈറ്റി ആയി തോന്നിക്കുന്നത് സാമന്തയുടെ വിരലിലെ അതിശയിപ്പിക്കുന്ന വജ്രമോതിരം ആയിരുന്നു. ഒന്നരക്കോടി വിലവരുന്ന വജ്ര മോതിരം ആണ് രാജ് സാമന്തയെ അണിയിപ്പിച്ചത് എന്നാണ് റിപ്പോർട്ടുകൾ സൂചിപ്പിക്കുന്നത്.

ഈ വജ്രം തിളങ്ങുന്നത് പോലെ ഇരുവരുടെയും കുടുംബജീവിതം അത്രയും ശോഭിക്കട്ടെ എന്നാണ് മോതിരത്തെ വിശേഷിപ്പിക്കുന്നത്. ഈ റിങ്ങിനു പ്രത്യേകതകൾ ഏറെയാണ്, വജ്രശോഭ എന്ന് അക്ഷരം തെറ്റാതെ വിളിക്കാൻ പാകത്തിൽ ആണ് അതിന്റെ ഡിസൈൻ. മോതിരത്തിന്റെ മധ്യഭാഗം ശ്രദ്ധിച്ചാൽ തന്നെ മറ്റുള്ള റിങ്ങുകളിൽ നിന്നും എത്ര വ്യത്യസ്തം ആണ് ഇതെന്നും ബോധ്യമാകും. ഓരോ ദളത്തിനും പ്രത്യേകതകൾ ഉണ്ട് ലോകത്തിലെ ചുരുക്കം ചില ഇടത്തു മാത്രമേ ഇത്തരത്തിൽ ഉള്ള റിങ് മോഡിഫൈ ചെയ്യാറുള്ളൂ. ലോകത്തിൽ തന്നെ അപൂർവ്വം ആയ റിങ്ങുകളിൽ ഒന്നാണ് സമാന്തയുടെ കൈയ്യിൽ രാജ് അണിയിച്ചത്.

ഇതുവരെ ഒരു സെലിബ്രിറ്റിയും ധരിച്ചിട്ടില്ലാത്തതുമായ ഒന്നാണ് അതോടെ ഈ വർഷത്തെ ഏറ്റവും കൂടുതൽ ചർച്ച ചെയ്യപ്പെട്ട സെലിബ്രിറ്റി വെഡിങ് റിങ് ആയി ഇത് മാറിയിട്ടുണ്ട്. അതേസമയം താരം ഇടക്ക് ധരിച്ച റിങ്ങിനെക്കുറിച്ചും ചർച്ചകൾ നടന്നിരുന്നു, ഈ വർഷം ഫെബ്രുവരിയിൽ സാമന്തയും രാജും വിവാഹിതരാണെന്ന് ആണ് റിപ്പോർട്ടുകൾ വന്നത്.

ALSO READ: ഭൂത ശുദ്ധിവിവാഹത്തിലൂടെ ഒന്നായ താരങ്ങൾ! പഞ്ചഭൂതങ്ങളെ സാക്ഷിയാക്കി ഒന്നായി; സമാന്തയുടെ വിവാഹത്തോടെ ചർച്ച

അതേസമയം സമാന്തയുടെ മംഗല്യസൂത്രയും ഏറെ ശ്രദ്ധ ആകർഷിക്കുന്നതാണ്.
വൃത്താകൃതിയിലുള്ള ഒരു പെൻഡന്റ് ഉള്ള ഒരു ലളിതമായ മംഗലസൂത്രയാണ് നടി തിരഞ്ഞെടുത്തത്. ചുവപ്പും സ്വർണ്ണ നിറത്തിലുള്ള സാരിയിൽ സാമന്ത അതിമനോഹരിയായി എത്തിയപ്പോൾ കുർത്തയും ജാക്കറ്റും ആയിരുന്നു രാജ് ധരിച്ചത്. ഇതും ലക്ഷങ്ങൾ വില വരുന്ന വസ്ത്രങ്ങളാണ്.