അതുവരെ ഉണ്ടായിരുന്ന ജീവിതമായിരുന്നില്ല പിന്നീട്, അച്ഛന്റെയും അമ്മയുടെയും വേര്‍പിരിയലിന് ശേഷം കഷ്ടപ്പാട് എന്താണെന്നറിഞ്ഞു; ശ്രുതി ഹാസന്‍

Authored byഅശ്വിനി പി | Samayam Malayalam | Updated: 26 Apr 2025, 2:12 pm

അച്ഛന്‍ കമല്‍ ഹാസന്റെയും അമ്മ സരികയുടെ വിവാഹ മോചനത്തെ കുറിച്ച് പലപ്പോഴും ശ്രുതി ഹാസന്‍ പറഞ്ഞിട്ടുണ്ട്. അച്ഛനും അമ്മയും എടുത്തതില്‍ ഏറ്റവും മികച്ച തീരുമാനമായിരുന്നു അത് എന്ന് പറയുമ്പോഴും, ആ തീരുമാനം തങ്ങളെ എത്രത്തോളം ബാധിച്ചു എന്നും ശ്രുതി ഹാസന്‍ സംസാരിച്ചിരുന്നു.

ശ്രുതി ഹാസന്റെ ജനനത്തിന് ശേഷമാണ് കമല്‍ ഹാസനും സരികയും വിവാഹിതരായത്. അക്ഷര ഹാസന്‍ എന്ന മകളും ഇരുവര്‍ക്കുമുണ്ട്. അവര്‍ ഒന്നിച്ചായിരുന്നപ്പോള്‍ ഏറ്റവും മികച്ച ദമ്പതികള്‍ അച്ഛനും അമ്മയും ആയിരുന്നു, വേര്‍പിരിഞ്ഞപ്പോഴും ഏറ്റഴും മികച്ച ഡിവോഴ്‌സ്ഡ് കപ്പിളും അവര്‍ തന്നെയാണ് എന്നാണ് ഒരിക്കല്‍ ശ്രുതി ഹാസന്‍ പറഞ്ഞത്.

Also Read: ജീവിതത്തിലെ ഈ ഒരു ഘട്ടത്തിനൊരു പ്രത്യേകതയുണ്ട് എന്ന് ആര്യ; വിവാഹ ജീവിതത്തിലും പ്രണയത്തിലും പരാജയപ്പെട്ടു പോയെങ്കിലും, ഇത് ബെസ്റ്റാണ്!

അച്ഛന്റെയും അമ്മയുടെയും ജീവിതം കണ്ടതുകൊണ്ട് തന്നെ തനിക്ക് വിവാഹം എന്ന സമ്പ്രദായത്തോട് താത്പര്യമില്ല എന്നും ശ്രുതി പറഞ്ഞിട്ടുണ്ട്. പ്രണയിച്ചിരുന്ന കാലത്ത് അച്ഛനും അമ്മയും വളരെ നല്ല കപ്പിള്‍സ് ആയിരുന്നു. വിവാഹത്തിന് ശേഷമാണ് അവര്‍ക്കിടയില്‍ പ്രശ്‌നം ഉണ്ടായത്. അതുകൊണ്ട് തനിക്കും നിയമത്തിന്റെ കെട്ടുപാടുള്ള ഒരു വിവാഹ ബന്ധം വേണ്ട, ലിവിങ് ടുഗെദര്‍ റിലേഷനോട് താത്പര്യക്കുറവ് ഇല്ല എന്നുമാണ് ശ്രുതി പറഞ്ഞത്

ഇപ്പോഴിതാ വീണ്ടും ശ്രുതി ഹാസന്‍, തന്റെ അച്ഛനെയും അമ്മയെയും കുറിച്ച് സംസാരിച്ച വീഡിയോ വൈറലാവുന്നു. അവരുടെ വേര്‍പിരിയലിന് ശേഷം ജീവിതത്തിലെ കഷ്ടപ്പാട് എന്താണ് എന്ന് മനസ്സിലാക്കി എന്നാണ് ഇപ്പോള്‍ ശ്രുതി ഹാസന്‍ പറഞ്ഞിരിയ്ക്കുന്നത്.

ഉലകനായകന്‍ കമല്‍ ഹാസന്റെ മകള്‍ എന്ന നിലയിലുള്ള പ്രിവിലേജോടെയാണോ വളര്‍ന്നത് എന്ന ചോദ്യത്തോട് പ്രതികരിക്കുകയായിരുന്നു ഫിലംഫെയറില്‍ ശ്രുതി ഹാസന്‍. 'ഒരിക്കലും അല്ല, സിനിമ ഇന്റസ്ട്രിയിലേക്ക് എത്തുന്നതിന് മുന്‍പുള്ള എന്റെ ജീവിതം എന്തായിരുന്നു എന്ന് പലര്‍ക്കും അറിയില്ല. അച്ഛന്റെയും അമ്മയുടെയും വേര്‍പിരിയലിന് ശേഷം ജീവിതത്തോടുള്ള എന്റെ കാഴ്ചപ്പാട് മാറി, ഞാന്‍ കൂടുതല്‍ ഹംബിള്‍ഡ് ആയി.'


അച്ഛനുമായുള്ള വേര്‍പിരിയലിന് ശേഷം അമ്മ ചെന്നൈയില്‍ നിന്ന് മുംബൈയിലേക്ക് താമസം മാറി. വലിയ ബംഗ്ലാവിലായിരുന്നില്ല ഞങ്ങളുടെ താമസം, അതുവരെ ബെന്‍സ് കാറില്‍ സഞ്ചരിച്ചിരുന്ന ഞങ്ങള്‍ പിന്നീട് ലോക്കല്‍ ട്രെയിനില്‍ യാത്ര ചെയ്യാന്‍ സാധിക്കും എന്ന് ഞാന്‍ പഠിച്ചു. എല്ലാം ജീവിതത്തില്‍ പെട്ടന്ന് സംഭവിച്ച മാറ്റങ്ങളായിരുന്നു - ശ്രുതി ഹാസന്‍ പറഞ്ഞു