അത് പൊളിക്കും! Are You Sure സെക്കന്റ് സീസണുമായി ജിമിനും ജങ്കൂക്കും തിരിച്ചെത്തുന്നു; ഇത്തവണ എവിടെയുള്ള വിശേഷങ്ങളാണെന്ന് അറിയാമോ?

Authored by: അശ്വിനി പി|Samayam Malayalam•2 Jul 2025, 8:47 am

നിർബന്ധിത സൈനിക സേവനം പൂർത്തിയാക്കി തിരിച്ചെത്തിയ ബിടിഎസ് താരങ്ങൾ എന്തൊക്കെയാണ് ചെയ്യുന്നത്, എപ്പോഴാണ് പഴയ ഫോമിലേക്ക് ഏഴവർ സംഘം തിരിച്ചെത്തുന്നത് എന്നൊക്കെ അറിയാനുള്ള ആവേശത്തിലും ആകാംക്ഷയിലുമാണ് ആരാധകർ. 2026 മാർച്ചോടു കൂട മാത്രമേ ഏഴ് പേരും ഒരുമിച്ചുള്ള ഒരു ആൽബം ഇനി പുറത്തിറങ്ങുകയുള്ളൂ എന്ന് ബിടിഎസ് ഏജൻസി അറിയിച്ചതാണ്. അതിനിടയിൽ എക്സൈറ്റ് ചെയ്യിപ്പിയ്ക്കുന്ന പല വാർത്തകളും വരുന്നുണ്ട്. അക്കുട്ടത്തിലിതാ ഒരു സന്തോഷ വാർത്ത, Are You Sure എന്ന ഷോയുടെ സെക്കന്റ് സീസണുമായി ജിമിനും ജങ്കൂക്കും തിരിച്ചെത്തുന്നു

തങ്ങളുടെ യാത്രകളുടെ വ്യത്യസ്തമായ കാഴ്ചകളും വിശേഷങ്ങളും പങ്കുവയ്ക്കുന്ന ജിമിന്റെയും ജങ്കൂക്കിന്റെയും ഷോ ആണ് Are You Sure. ഇരുവരും സൈനിക സേവനത്തിൽ ആയിരിക്കുമ്പോൾ, കഴിഞ്ഞ വർഷം ആഗസ്റ്റിൽ ആണ് നേരത്തെ ചിത്രീകരിച്ചുവച്ചിരുന്ന Are You Sure ന്റെ ആദ്യ സീസൺ പുറത്തിറങ്ങിയത്. എട്ട് എപ്പിസോഡുകളായി പുറത്തുവന്ന ആദ്യ സീസണിൽ, യുഎസ് യാത്രയിലെ മറക്കാൻ കഴിയാത്ത ഓർമകളും ദക്ഷിണ കൊറിയയിലെ ജെജു ദ്വീപിലേക്കും ജപ്പാനിലെ സപ്പോറയിലേക്കും നടത്തിയ യാത്രകളൊക്കെയാണ് ഉൾപ്പെടുത്തിയിരുന്നത്. കാമ്പിങും കനോയിങും ഉൾപ്പടെയുള്ള കാര്യങ്ങളൊക്കെ ആസ്വദിച്ച ആദ്യ സീസൺ ഡിസ്നി പ്ലസ് ഹോട്സ്റ്റാറിലൂടെ പുറത്തുവരികയും ചെയ്തു.

Also Read: ഞങ്ങളുടെ വിവാഹ നിശ്ചയം ഉടൻ ഉണ്ടാവും! ജീവിതത്തിൽ ഏറ്റവും മോശം സമയത്ത് വന്നവൻ, ഇന്ന് ഞാൻ ചിരിക്കുന്നതിന് കാരണം; രേഷ്മ പറയുന്നു

ഇപ്പോഴിതാ Are You Sure എന്റെ രണ്ടാം സീസണിന്റെ ചിത്രീകരണവും പൂർത്തിയാക്കി എന്ന ഔദ്യോഗിക വിവരം പുറത്തുവരുന്നു. സൈനിക സേവനം പൂർത്തിയാക്കിയതിന് ശേഷം ജിമിനും ജങ്കൂക്കും നേരെ പോയത് സ്വിറ്റ്സർലാന്റിലും വിയറ്റ്നാമിലുമൊക്കെയായിരുന്നു. അവിടെയുള്ള രസകരമായ അനുഭവങ്ങളും സാഹസികതകളുമൊക്കെയാണ് സെക്കന്റ് സീസണിൽ ഉൾപ്പെടുത്തിയിരിക്കുന്നത്. ആദ്യ സീസണിൽ ബിടിഎസ് താരം തായ്ഹ്യൂങിന്റെ അതിഥി വേഷവും ശ്രദ്ധ നേടിയിരുന്നു. അത് പോലെ മറ്റേതെങ്കിലും ബിടിഎസ് താരം കൂടെ പുതിയ സീസണിൽ ഉണ്ടാവുമോ എന്നറിയാനുള്ള ആവേശത്തിലാണ് ആരാധകർ. വാർത്ത പുറത്ത് വന്നതോടെ, ഇത് ഗംഭീരമാകും എന്ന രീതിയിലുള്ള പ്രതികരണങ്ങലാണ് ബിടിഎസ് ആർമിയുടെ (ആരാധകർ) ഭാഗത്തുനിന്നും വരുന്നത്.
2023 ൽ ആയിരുന്നു ജിമിനും ജങ്കൂക്കും ദക്ഷിണ കൊറിയയുടെ നിർബന്ധിത സൈനിക സേവനത്തിൽ ചേർന്നത്. 2025 ന് ജൂൺ പതിനൊന്നിന് ഇരുവരും സൈനിക സേവനും പൂർത്തിയാക്കി പുറത്തുവരികയും ചെയ്തു.