അത്ഭുതമായ പ്രണയ ബന്ധം, ഏഴ് വര്‍ഷത്തെ വിവാഹ ജീവിതം; എന്റെ ഡ്രീം ഗേള്‍ എന്ന് നിക്ക് ജോനസ്!

Authored by: അശ്വിനി പി|Samayam Malayalam•3 Dec 2025, 7:43 pm

പ്രിയങ്ക ചോപ്രയുടെയും അമേരിക്കന്‍ ഗായകനായ നിക്ക് ജോനസിന്റെയും പ്രണയ വിവാഹം പലര്‍ക്കും ഒരു സര്‍പ്രൈസിങ് ആയിരുന്നു. ബോളിവുഡ് സിനിമ വിട്ട് ഹോളിവുഡ് സിനിമയിലേക്ക് കടന്ന പ്രിയങ്ക ചോപ്രവും ജോനസ് സഹോദരന്മാരിലെ ഏറ്റവും ഇളയവനായ നിക്ക് ജോനസും തമ്മിലുള്ള പ്രണയ ബന്ധം ഗോസിപ്പു കോളങ്ങളില്‍ ചൂടുള്ള ചര്‍ച്ചയായിരുന്നു. പ്രിയങ്ക ചോപ്രയെക്കാള്‍ പത്ത് വയസ്സ് പ്രായം കുറവാണ് നിക്ക് ജോനസിന് എന്നതായിരുന്നു എല്ലാവരുടെയും കൗതുകം.

എന്നാല്‍ കൗതുകങ്ങളെയും സംശയങ്ങളെകും ഗോസിപ്പുകളെയും എല്ലാം അവഗമിച്ച് 2018 ല്‍ ഇരുവരും വിവാഹിതരായി. നാല് വര്‍ഷത്തിന് ശേഷം വാടകഗര്‍ഭധാരണത്തിലൂടെ പ്രിയങ്കയും നിക്കും ഒരു പെണ്‍കുഞ്ഞിന് ജന്മം നല്‍കിയതും വലിയ വാര്‍ത്തയായി. ഇങ്ങനെ ഓരോ തവണ വന്‍ സര്‍പ്രൈസുകള്‍ വീണുടയ്ക്കുമ്പോഴും, ഈ ബന്ധം അധിക ദൂരം പോകില്ല എന്ന് പറഞ്ഞവരും ഉണ്ടായിരുന്നു. ഈ ഗ്ലാം അവസാനിക്കുമ്പോള്‍ എല്ലാ ദാമ്പത്യവും പോലെ പ്രിയങ്കയും നിക്കും വേര്‍പിരിയും എന്ന് പ്രവചിച്ചവരുണ്ട്.

Also Read: ഈഗോ കെട്ടിപ്പിടിച്ചു നിന്നാല്‍ ദാമ്പത്യം നല്ല രീതിയില്‍ പോകില്ല; കാജോളുമൊത്തുള്ള ദാമ്പത്യ ജീവിതത്തെ കുറിച്ച് അജയ് ദേവ്ഗണ്‍

എന്നാല്‍ ഇപ്പോഴും പരസ്പരം പ്രണയിച്ചുകൊണ്ട് മനോഹരമായ നിമിഷങ്ങള്‍ പങ്കുവയ്ക്കുകയാണ് അവര്‍ ഇരുവരും. ഡിസംബര്‍ 1 ന് ഇരുവരുടെയും ഏഴ് ഏഴാം വിവാഹ വാര്‍ഷികത്തില്‍ നിക്ക് ജോനസ് പങ്കുവച്ച സോഷ്യല്‍ മീഡിയ പോസ്റ്റിലും അത് വളരെ വ്യക്തമാണ്. എന്റെ സ്വപ്‌ന സുന്ദരി എന്നാണ് ഭാര്യയെ നിക്ക് വിശേഷിപ്പിക്കുന്നത്. പലപ്പോഴും നിക്ക് ഡ്രീം ഗേള്‍ എന്നും, ഡേസി ഗേള്‍ എന്നും വിശേഷിപ്പിക്കുന്നത് പ്രിയങ്ക ചോപ്രയും ഒരുപാട് ആസ്വദിക്കുന്ന ഒന്നാണ്.


ബീച്ച് നിമിഷത്തില്‍, പ്രിയങ്ക ചോപ്ര അറിയാതെ പിന്നില്‍ നിന്ന് സ്വയം പകര്‍ത്തിയ ഒരു ഫോട്ടോയ്‌ക്കൊപ്പമാണ് നിക്ക് ജോനസിന്റെ ഇന്‍സ്റ്റഗ്രാം സ്‌റ്റോറി, എന്റെ സ്വപ്‌ന സുന്ദരിയുമായുള്ള വിവാഹം കഴിഞ്ഞിട്ട് ഏഴ് വര്‍ഷങ്ങള്‍ - എന്നാണ് ഫോട്ടോയ്ക്ക് നല്‍കിയിരിക്കുന്ന ക്യാപ്ഷന്‍. നിക്ക് ജോനസിനൊപ്പമുള്ള ഏഴ് വര്‍ഷത്തെ ദാമ്പത്യ ജീവിതത്തിലെ സന്തോഷം പ്രിയങ്ക ചോപ്രയും സോഷ്യല്‍ മീഡിയ പോസ്റ്റിലൂടെ അറിയിച്ചു.