അന്ന് ജ്യോതികയുടെ പ്രതിഫലം സൂര്യയെക്കാള്‍ മൂന്നിരട്ടി കൂടുതലായിരുന്നു, ഇന്ന് സൂര്യയ്ക്ക് 30 ഇരട്ടി കൂടുതലാണെന്ന് ജ്യോതിക

ഒരു തരി പോലും ഈഗോ എന്ന സാധനം ഇല്ലാത്ത ആളാണ് സൂര്യ എന്ന് ഭാര്യ ജ്യോതിക അഭിമാനത്തോടെ പറയുന്നു. ഞാനൊരു ഫെമിനിസ്റ്റ് ചിന്താഗതിയില്‍ നിന്ന് പറയുന്നതല്ല, സൂര്യ അങ്ങനെയാണ്. ആണ്‍ പെണ്‍ എന്ന വേര്‍തിരിവിന് അപ്പുറം എല്ലാവര്‍ക്കും എല്ലാം ഒരുപോലെയാണ് എന്ന ചിന്തയാണ് അതിന് കാരണം എന്നാണ് ജ്യോതിക പറയുന്നത്.

എനിക്ക് ചുറ്റുമുള്ളവര്‍ അങ്ങനെ ആയതുകൊണ്ടോ, ഞാന്‍ വളര്‍ന്ന സാഹചര്യം അതായതുകൊണ്ടോ ആവാം അങ്ങനെ എന്ന് സൂര്യ പറയുമ്പോള്‍, അത് ഞാന്‍ സമ്മതിച്ചു തരില്ല എന്നാണ് ജ്യോതിക പറയുന്നത്. ഇന്നത്തെ കാലത്ത് ആരും അങ്ങനെയൊന്നും ചിന്തിക്കില്ല. അപ്പോള്‍ എങ്ങനെയാണ് ചുറ്റുമുള്ളവരുടെ സ്വാധീനം കൊണ്ടാണ് സൂര്യ ഇത്രയും മറ്റുള്ളവരെ കുറിച്ച് ചിന്തിക്കുകയും എല്ലാവരെയും തുല്യരായി കാണുകയും ചെയ്യുന്നത് എന്ന് പറയാന്‍ കഴിയുക. ഇത് ജന്മനാ സൂര്യയ്ക്കുള്ള ഗുണമാണെന്നാണ് ജ്യോതികയുടെ പക്ഷം.

എന്നെ കംഫര്‍ട്ടബിളാക്കി കൂടെ അഭിനയിച്ച കല്യാണി; സ്വന്തം മകളോടൊപ്പം അഭിനയിച്ചതിനെ കുറിച്ച് ലിസി
ഇപ്പോള്‍ എന്നല്ല, താന്‍ സൂര്യയെ പരിചയപ്പെടുന്ന കാലം മുതലേ അങ്ങനെയാണെന്നാണ് ജ്യോതിക പറഞ്ഞത്. അന്ന് സൂര്യയെക്കാള്‍ മൂന്നിരട്ടി കൂടുതലായിരുന്നു ജ്യോതികയുടെ പ്രതിഫലം. പക്ഷേ അതിലൊന്നും യാതൊരു തര ഈഗോയും സൂര്യയ്ക്ക് ഉണ്ടായിരുന്നില്ലത്രെ. പക്ഷേ ഇന്ന് സൂര്യയുടെ പ്രതിഫലത്തെക്കാള്‍ മുപ്പതിരട്ടി കുറവാണ് തന്‍രെ പ്രതിഫലം എന്നതാണ് യാഥാര്‍ത്ഥ്യം എന്നും ജ്യോതിക പറയുന്നുണ്ട്.

ബോളിവുഡ് സിനിമകളിലൂടെ അഭിനയ ലോകത്തേക്ക് വന്നതാണ് ജ്യോതിക. വളരെ പെട്ടന്ന് തമിഴ് സിനിമാ ലോകത്ത് തന്റേതായ ഇടം കണ്ടെത്താന്‍ സാധിച്ചു. പക്ഷേ സൂര്യ അപ്പോഴും തുടക്കക്കാരനായിരുന്നു. ആദ്യ സിനിമകളിലൊന്നും വലിയ വിജയമില്ലാത്തതുകൊണ്ടു തന്നെ ഭാഗ്യമില്ലാത്ത നടനെന്ന വിളിപ്പേരും വീണിട്ടുണ്ട്.

തന്റെ പോരായ്മകള്‍ മനസ്സിലാക്കി, അതില്‍ ഹാര്‍ഡ് വര്‍ക്ക് ചെയ്ത് മുന്നോട്ടു വരികയായിരുന്നു സൂര്യ. ബാല സംവിധാനം ചെയ്ത നന്ദ എന്ന ചിത്രത്തിലൂടെയാണ് ശരിക്കുമൊരു കരിയര്‍ ബ്രേക്ക് കിട്ടിയത്. അതിന് ശേഷം കാക്ക കാക്ക, പിതാമഗന്‍, ഗജിനി, സിങ്കം, വരണം ആയിരം, സൂററൈ പോട്ര് എന്നിങ്ങനെ ഓരോ സിനിമകളിലൂടെയും തന്നെ മിനുക്കിയെടുക്കുകയായിരുന്നു. ഇന്ന് നൂറ് കോടിയോളമാണ് സൂര്യ ഒരു സിനിമയില്‍ അഭിനയിക്കുന്നതിന് വാങ്ങുന്ന പ്രതിഫലം. സിനിമയിൽ നിന്ന് എട്ട് വർഷത്തോളം ബ്രേക്ക് എടുത്തുവെങ്കിലും ഇപ്പോൾ ജ്യോതിക ബോളിവുഡ് സിനിമാ ലോകത്ത് സജീവമാണ്. എന്നാൽ സൂര്യയോളം പ്രതിഫലം വാങ്ങുന്നില്ല എന്നു മാത്രം.