അന്ന് ശരിക്കും ജോൺ എബ്രഹാമിനെ വിവാഹംകഴിച്ചോ? അഭ്യൂഹങ്ങൾക്ക് ചുട്ടമറുപടിയുമായി ജെനിലിയ

നടി ജനിലിയ ദേശ്മുഖ് കരിയറിൽ കേട്ട ഏറ്റവും വലിയ ​ഗോസ്സിപ്പായിരുന്നു നടൻ ജോൺ എബ്രഹാമുമായി വിവാഹം കഴിഞ്ഞു എന്നുള്ളത്. 2011-ൽ ഫോഴ്സ് എന്ന ചിത്രത്തിന്റെ ഷൂട്ടിങ്ങിനിടെയായിരുന്നു ഇതെന്നും അപവാദപ്രചരണമുണ്ടായി. 2012-ൽ പുറത്തുവന്ന ഈ ​ഗോസ്സിപ്പിനെതിരെ തുറന്നടിച്ചിരിക്കുകയാണ് ജെനിലിയ ഇപ്പോൾ. ഇത്തരം പ്രചാരണങ്ങളെ അവർ തള്ളിക്കളഞ്ഞു.

ഫോഴ്സ് എന്ന സിനിമയിൽ നായകനും നായികയും വിവാഹിതരാവുന്ന ഒരു രം​ഗമുണ്ട്. ജോണും ജെനിലിയയും ഹാരങ്ങൾ പരസ്പരം അണിയിക്കുകയും മംഗല്യസൂത്രം കൈമാറുകയും ഒരു യഥാർത്ഥ പുരോഹിതന്റെ സാന്നിധ്യത്തിൽ ഏഴ് തവണ അ​ഗ്നിയെ വലംവെയ്ക്കുന്നതുമായിട്ടായിരുന്നു രം​ഗം ചിത്രീകരിച്ചത്. ഇതാണ് പിന്നീട് ഇരുവരും യഥാർത്ഥത്തിൽ വിവാഹിതരായി എന്ന കഥകൾ പരക്കാൻ കാരണം. സിദ്ധാർത്ഥ് കണ്ണനുമായുള്ള അഭിമുഖത്തിലാണ് ജെനിലിയ ഈ അഭ്യൂഹങ്ങൾക്ക് വിരാമമിട്ടത്.

തനിക്കോ ജോണിനോ ഈ വാർത്തയുമായി യാതൊരു ബന്ധവുമില്ലായിരുന്നുവെന്ന് ജെനിലിയ പറഞ്ഞു. ഈ സംഭവം മുഴുവൻ പ്രചാരണ തന്ത്രങ്ങളുടെ ഫലമായിരുന്നു എന്നും അവർ വ്യക്തമാക്കി. അതിൽ യാതൊരു സത്യവുമില്ലായിരുന്നു. അങ്ങനെയൊരു വിവാഹം നടന്നിട്ടില്ല. ഈ കഥകൾ പ്രചരിപ്പിച്ചത് പിആർ ആണ്. അവർ എന്തിന് അങ്ങനെ ചെയ്തു എന്ന് അവരോടുതന്നെ ചോദിക്കണം. ഈ കഥ പൂർണ്ണമായും കെട്ടിച്ചമച്ചതാണെന്നും നടി വിശദമാക്കി.

ആമിർ ഖാൻ നായകനാവുന്ന സിതാരേ സമീൻ പർ ആണ് ജനിലിയയുടേതായി പുറത്തിറങ്ങാനിരിക്കുന്ന ചിത്രം. 2012-ൽ നടൻ റിതേഷ് ദേശ്മുഖിനെ ജനിലിയ വിവാഹം കഴിച്ചു. ഇവർക്ക് രണ്ട് കുട്ടികളുമുണ്ട്. റിതേഷ് ദേശ്മുഖ് സംവിധാനം ചെയ്ത 2022-ലെ മറാത്തി ചിത്രമായ 'വേദ്' ലൂടെയാണ് ഒരിടവേളയ്ക്കുശേഷം ജനീലിയ തിരിച്ചുവന്നു ചിത്രം. പിന്നീട് 'ജയ് ഹോ', 'ഫോഴ്സ് 2' എന്നിവയിൽ അതിഥി വേഷങ്ങൾ ചെയ്തു. റിതേഷ് തന്നെ സംവിധാനംചെയ്ത 'വേദ്' എന്ന ചിത്രത്തിലെ ജെനിലിയയുടെ വേഷം ഏറെ ശ്രദ്ധിക്കപ്പെട്ടിരുന്നു.

Content Highlights: Genelia D`Souza clarifies mendacious reports of a concealed wedding with John Abraham connected the acceptable of Force