അപ്പച്ചിയെക്കുറിച്ചുള്ള ചോദ്യങ്ങൾ നിരവധി! വീട്ടിലെ ജോലിക്കാരിയെന്നും പ്രചരണം; ശരിക്കും ആരാണ് ഈ വ്യക്തി; മറുപടി

അപ്പച്ചിക്ക് കുടുംബത്തിലെ ഓരോ അംഗങ്ങൾ കൊടുക്കുന്ന പരിഗണന വളരെ വലുതാണ്. ഓരോ അംഗവും തങ്ങളുടെ സ്വന്തം ആയാണ് അപ്പച്ചിയെ കാണുന്നത്

(ഫോട്ടോസ്- Samayam Malayalam)

സിന്ധു കൃഷ്ണയുടെ അമ്മയുടെ സ്ഥാനത്ത് അല്ലെങ്കിൽ അതേപ്രായം ഉള്ള ആളാണ് അപ്പച്ചി . ദിയ, അഹാന, ഹൻസിക ഇഷാനി അങ്ങനെ കെകെ കുടുംബത്തിലെ നാല് മക്കൾ ജനിച്ചപ്പോഴും അവരെ നോക്കി വളർത്തിയത് അപ്പച്ചിയാണ്. വീട്ടിലെ എല്ലാം ജോലികളും ചെയ്യും. സിന്ധുവിന് വലിയ ആശ്വാസവും പിന്തുണയും ആണ് അപ്പച്ചി നൽകുന്നത്. യഥാർത്ഥത്തിൽ സിന്ധു കൃഷ്ണയുടെ മാതാപിതാക്കളുടെ കസിൻ ആണ് അപ്പച്ചി. അച്ഛൻ വഴിയും 'അമ്മ വഴിയും അപ്പച്ചിക്ക് സിന്ധുവും ആയി ബന്ധമുണ്ട്.

കുഞ്ഞുങ്ങളെ എല്ലാം വളർത്തി വിട്ടതിലും അവരുടെ നേട്ടത്തിലും ഒക്കെ അപ്പച്ചിക്ക് പങ്കുണ്ട്. ദിയയുടെ പ്രസവം കുഞ്ഞിനെ നോക്കുന്നത് മുതൽ എല്ലാ കാര്യങ്ങളും അപ്പച്ചിയുടെ മേൽനോട്ടത്തിൽ ആണ്. എന്നിട്ടും വീട്ടിലെ ഒരംഗത്തെ ആണ് വേലക്കാരി എന്ന രീതിയിൽ ചിലർ സോഷ്യൽ മീഡിയയിൽ വലിച്ചിടുന്നത്.