അഭിനയത്തിൽ മാത്രമല്ല പഠിക്കാനും മിടുക്കി! ഇനി ശ്രീലീല വെറും ശ്രീലീല അല്ല ഡോ. ശ്രീലീല

ബാലതാരമായി വന്ന് തെന്നിന്ത്യയിൽ നിറഞ്ഞുനിൽക്കുന്ന നടിയാണ് ശ്രീലീല . വളരെ ചെറുപ്പത്തിൽ തന്നെ അഭിനയരംഗത്തേക്ക് എത്തിയ ശ്രീ ലീല ഇപ്പോൾ തന്റെ ജീവിതത്തിലെ ഏറ്റവും നിർണ്ണായകമായ ചുവടുവയ്പ് കൂടി നടത്തിയിരിക്കുകയാണ്. പതിനാറാം വയസ്സിൽ ബാലതാരമായിട്ടാണ് ശ്രീലീല അഭിനയരംഗത്തേക്ക് കാലെടുത്തുവച്ചത്. വളരെ ചെറുപ്പത്തിൽ തന്നെ ജനപ്രിയ നടിയാകാനുള്ള യാത്ര ആരംഭിച്ചെങ്കിലും, ഡോക്ടറാകാനുള്ള തന്റെ സ്വപ്നം അവർ ഉപേക്ഷിച്ചില്ല. അങ്ങനെ ഷൂട്ടിങ് തിരക്കുകൾക്ക്‌ ഇടയിലും പഠനത്തിന് വേണ്ടി സമയം കണ്ടെത്തി. പഠിക്കാൻ ഒരുപാട് കഷ്ടപ്പെട്ട പുഷ്പ 2 ഫെയിം എംബിബിഎസ് ബിരുദം ഈ അടുത്താണ് നേടിയത്.

വളരെ ചെറുപ്പത്തിൽ തന്നെ, പലർക്കും സ്വപ്നം പോലും കാണാനാകാത്ത ഉയരത്തിലാണ് ശ്രീലീല എത്തിയത്. 2019-ൽ പുറത്തിറങ്ങിയ കന്നഡ ഭാഷാ ചിത്രമായ കിസ്സിലൂടെയാണ് ബിഗ് സ്‌ക്രീനിൽ ശ്രീലീല അരങ്ങേറ്റം കുറിച്ചത്. തുടർന്ന് തെലുങ്ക് ചിത്രമായ പെല്ലി സാൻഡാഡിലൂടെയാണ് അവിടെയും തുടക്കം കുറിച്ചു. ഈ ചിത്രം സിനിമ ലോകത്തിൽ വളരെ നിർണ്ണായകമായി. കഴിഞ്ഞ ഒമ്പത് വർഷത്തിനിടെ, ഭഗവന്ത് കേസാരി, അല്ലു അർജുന്റെ പുഷ്പ 2: ദി റൂൾ എന്നിവയുൾപ്പെടെ നിരവധി വലിയ പ്രോജക്ടുകളുടെ ഭാഗമായിരുന്നു 24 കാരി.

ALSO READ: സബീനയിൽ നിന്നും ലക്ഷ്മിപ്രിയയിലേക്ക്! ഞാൻ മുസ്ളീം ആയി ജീവിച്ചിട്ടില്ല; മുഷിഞ്ഞവസ്ത്രം മാറ്റി പുതിയത് ധരിക്കുന്നപോലെ ആ മാറ്റം
ചുരുങ്ങിയ സമയത്തിനുള്ളിൽ തന്നെ അവർ തന്റെ കഴിവ് തെളിയിച്ചിട്ടുണ്ട് എന്നത് വ്യക്തമാണ്. എന്നാൽ തിരക്കേറിയ ഷെഡ്യൂളുകൾക്കിടയിൽ, ഡോക്ടറാകുക എന്ന ലക്ഷ്യത്തോടെ എംബിബിഎസ് ബിരുദം പൂർത്തിയാക്കുന്നതിലും അവർ ശ്രദ്ധ വച്ചു.. , ഒടുവിൽ ആ ദിവസം വന്നെത്തി മെഡിക്കൽ വിദ്യാർത്ഥിനിയായി ബിരുദം നേടി ഇറങ്ങി. താരം ബിരുദം നേടുന്ന ചടങ്ങുകൾ ഇപ്പോൾ ഓണ്‍ലൈനിൽ പ്രചരിക്കുകയാണ്. കോൺവൊക്കേഷൻ ഗൗണും തൊപ്പിയും ധരിച്ചിരിക്കുന്ന താരത്തിന്റെ വീഡിയോസ് ആണ് സമൂഹ മാധ്യമങ്ങളിൽ നിറയുന്നത്.