അമ്മയായ സന്തോഷം പങ്കുവച്ച് കത്രീന! ഞങ്ങളുടെ ലൈഫ് കൂടുതൽ കളർ ആക്കാൻ ആളെത്തിയെന്ന് വിക്കി; ആശംസാപ്രവാഹം

Authored by: ഋതു നായർ|Samayam Malayalam•7 Nov 2025, 11:47 am

ബോളിവുഡ് താരം കത്രീന കൈഫ് മാതൃത്വത്തിലേക്ക്. ആൺകുഞ്ഞിനാണ് കത്രീന ജന്മം നൽകിയത്. നിറഞ്ഞ മനസോടെ നിറഞ്ഞ ഹൃദയത്തോടെ ഏറെ സ്നേഹത്തോടെ ഞങ്ങൾ അവനെ ജീവിതത്തിലേക്ക് സ്വാഗതം ചെയ്യുന്നു. കത്രീനയെ ടാഗ് ചെയ്തുകൊണ്ട് വിക്കി ഇങ്ങനെ എഴുതി.

വെള്ളിയാഴ്ച ആണ് , ദമ്പതികൾ ഇൻസ്റ്റാഗ്രാമിൽ തങ്ങളുടെ കുഞ്ഞിന്റെ വരവ് അറിയിച്ചുകൊണ്ട് പോസ്റ്റ് പങ്കുവച്ചത്. "ഞങ്ങളുടെ സന്തോഷത്തിന്റെ മാറ്റുകൂട്ടാൻ ആള് വന്നെത്തിയിരിക്കുന്നു. വളരെയധികം സ്നേഹത്തോടും നന്ദിയോടും കൂടി, ഞങ്ങളുടെ കുഞ്ഞിനെ ഞങ്ങൾ സ്വാഗതം ചെയ്യുന്നു; വിക്കി അറിയിച്ചു. ദമ്പതികൾ സന്തോഷവാർത്ത പങ്കുവെച്ചയുടനെതന്നെ , ആരാധകരുടെയും സുഹൃത്തുക്കളുടെയും അഭിനന്ദന സന്ദേശങ്ങൾ കൊണ്ട് അവരുടെ കമന്റ് ബോക്സ് നിറഞ്ഞിരിക്കുകയാണ്

സെപ്റ്റംബറിൽ ആണ് , മാസങ്ങളായി നീണ്ടുനിന്ന ഊഹാപോഹങ്ങൾക്ക് വിരാമമിട്ട് വിക്കിയും കത്രീനയും ഇൻസ്റ്റാഗ്രാമിലൂടെ തങ്ങളുടെ പ്രെഗ്നൻസി അനൗൺസ് ചെയ്തത്. ഞങ്ങളുടെ ജീവിതത്തിലെ ഏറ്റവും മികച്ച അധ്യായം ആരംഭിക്കാനുള്ള യാത്രയിലാണ്" എന്ന് പറഞ്ഞാണ് ചിത്രം പങ്കുവെച്ചുകൊണ്ട് വിക്കിയും കത്രീനയും കുറിച്ചത്.

മുംബൈയിൽ നടന്ന യുവ കോൺക്ലേവിന്റെ ദിവസമാണ് പാറ്റെർനിറ്റിയിലേക്ക് പ്രവേശിക്കാനുള്ള തന്റെ എക്സൈറ്റ്മെന്റിനെ കുറിച്ച് വിക്കി സംസാരിച്ചത്. ഒരു അച്ഛനാകുന്നതിൽ ഏറ്റവും കൂടുതൽ എന്താണ് ആഗ്രഹിക്കുന്നതെന്ന് ചോദിച്ചപ്പോൾ, വിക്കി ചിരിച്ചുകൊണ്ട് ലളിതമായി പറഞ്ഞു, "ഒരു അച്ഛനാകുക എന്നത് മാത്രമാണ്."

ALSO READ : സൗഭാഗ്യ ചിത്തിയാണ്!ചിക്കു തമിഴ് ബ്രാഹ്മണ പെൺകുട്ടി; ലിവിങ്റിലേഷനിൽ ആണോ; മനുവിനോടും ദേവികയോടും ചോദ്യങ്ങൾ
"ഞാൻ അതിനായി ശരിക്കും ആകാംക്ഷയോടെ കാത്തിരിക്കുകയാണ്... അതൊരു വലിയ അനുഗ്രഹമാണെന്ന് ഞാൻ കരുതുന്നു... വിക്കി കൂട്ടിച്ചേർത്തു.

കുറച്ച് വർഷത്തെ ഡേറ്റിംഗിന് ശേഷം, കത്രീനയും വിക്കിയും 2021 ൽ രാജസ്ഥാനിലെ സവായ് മധോപൂരിലെ ഫോർട്ട് ബർവാരയിലെ സിക്സ് സെൻസസ് റിസോർട്ടിൽ വച്ചാണ് രാജകീയമായാ വിവാഹത്തിലൂടെ ഒന്നായത്. ഒരു സിനിമയിലും ഒരുമിച്ച് അഭിനയിച്ചിട്ടില്ല എങ്കിലും പ്രണയത്തിലും വിവാഹത്തിലും ആ ബന്ധം എത്തി,, നാല്പത്തി രണ്ടാം വയസിലാണ് കത്രീന അമ്മയാകുന്നത്