അമ്മയുടെ രണ്ടാം വിവാഹം നടത്തിയിട്ടേ ഞാന്‍ വിവാഹ ജീവിതത്തിലേക്ക് കടക്കൂ എന്ന് താരപുത്രി; സുരേഖ വാണി സമ്മതിച്ചോ?

മിനിസ്‌ക്രീനിലൂടെ കരിയര്‍ ആരംഭിച്ചതാണ് സുരേഖ വാണി , പിന്നീട് സിനിമകളിലും സജീവമായി. തമിഴിലും തെലുങ്കിലും ഒത്തിരി അമ്മ വേഷങ്ങളിലൂടെയും ചേച്ചി വേഷങ്ങളിലൂടെയും പരിചിതയാണ് സുരേഖ. അമ്മയുടെ പാരമ്പര്യം പിന്‍തുടര്‍ന്ന് മകള്‍ സുപ്രീതയും സിനിമ ലോകത്തേക്ക് എത്തി. സുപ്രീതയുടെ ഏറ്റവും പുതിയ ചിത്രമായ അമരാവതികി അഹവാനം ഫെബ്രുവരി 13 ന് തിയേറ്ററുകളിലേക്ക് എത്തുകയാണ്. ചിത്രത്തിന്‍കെ പ്രമോഷന്‍ പരിപാടിയിലാണ് അമ്മയെ വീണ്ടും വിവാഹം കഴിപ്പിക്കുന്നതിനെ കുറിച്ച് താരപുത്രി സംസാരിച്ചത്

കഴിഞ്ഞ ഒന്നര വര്‍ഷത്തോളമായി അമ്മയ്ക്ക് പുതിയ സിനിമ അവസരങ്ങളൊന്നും വരുന്നില്ല, അത് സങ്കടകരമായ ഒന്നാണെങ്കിലും ഉടനെ തന്നെ അമ്മയെ മറ്റൊരു വിവാഹ ജീവിതത്തിലേക്ക് ഞാന്‍ എത്തിക്കും എന്നാണ് സുപ്രീത പറഞ്ഞത്. എന്റെ വിവാഹത്തിന് മുന്‍പ് അമ്മയ്ക്ക് മറ്റൊരു വിവാഹം നടത്തണം, ഒരു സിംഗിള്‍ പാരന്റ് ആയി തനിക്ക് വേണ്ടതെല്ലാം ചെയ്തു തന്ന അമ്മയ്ക്ക് ഒരു കൂട്ട് വേണം എന്നാണ് മകളുടെ അഭിപ്രായം.

Also Read: എന്റെ മുന്‍ ഭാര്യ വേറൊരു കല്യാണം കഴിച്ചു, കുഞ്ഞിന്റെ ഫോട്ടോ ഡിലീറ്റ് ചെയ്തത് മനപൂര്‍വ്വം; വ്യക്തത നല്‍കി ഗംഗയും അപ്പുവും

ആദ്യമൊക്കെ ഇനിയൊരു വിവാഹം വേണ്ട എന്ന നിലപാടിലായിരുന്നുവെങ്കിലും, പിന്നീട് തീരുമാനത്തില്‍ സുരേഖ ചെറിയ അയവ് വരുത്തിയിട്ടുണ്ടത്രെ. 2019 ല്‍ ആണ് സുരേഖയുടെ ഭര്‍ത്താവ് മരണപ്പെട്ട്. തെലുങ്ക് സിനിമ സംവിധായകനും എഴുത്തുകാരനുമായ സുരേഷ് തേജയാണ് സുരേഖയുടെ ഭര്‍ത്താവ്. അദ്ദേഹത്തിന്റെ മരണത്തിന് ശേഷം സുരേഖയ്ക്ക് സിനിമകളില്‍ നിന്നുള്ള അവസരങ്ങളും കുറഞ്ഞിരുന്നു. അത് ആകെ തകര്‍ത്തി. എന്നാലു ഏക മകള്‍ സുപ്രീതയ്ക്ക് വേണ്ടി അവര്‍ കഷ്ടപ്പെട്ടു.

ഇനി താന്‍ വിവാഹം ചെയ്തു പോകുന്നതോടെ അമ്മ പൂര്‍ണമായും ഒറ്റപ്പെടും. അതിന് മുന്‍പ് വളരെ കെയറിങ് ആയ അമ്മയെ മനസ്സിലാക്കുന്ന ഒരു പങ്കാളിയെ കൊണ്ട് അമ്മയെ വിവാഹം ചെയ്യിപ്പിക്കണം. അതിനുള്ള അനുവാദം അമ്മാവനില്‍ നിന്നും വാങ്ങണം എന്നാണ് സുപ്രീത പറഞ്ഞത്. മകളുടെ ഈ പരസ്യമായ വെളിപ്പെടുത്തലിന് സുരേഖയുടെ പ്രതികരണം എന്താണ് എന്നറിയാനാണ് ആരാധകര്‍ കാത്തിരിയ്ക്കുന്നത്. സോഷ്യല്‍ മീഡിയയില്‍ വളരെ സജീവമായ നടി തന്റെ വിശേഷങ്ങളെല്ലാം അവിടെ പങ്കുവയ്ക്കാറുള്ളതാണ്. മെര്‍സലും മാസ്റ്ററും അടക്കം നിരവധി സിനിമകളിലൂടെ ഏറെ പിരിചിതയാണ് സുരേഖ