അമ്മയെ കാണാൻ എളമക്കരയിൽ! ഇങ്ങനെ ഒരു മകന് ജന്മം നൽകിയ ആ അമ്മ ശരിക്കും ഭാഗ്യം ചെയ്ത ആളാണ്!

Authored by: ഋതു നായർ|Samayam Malayalam•24 Sept 2025, 3:34 pm

തനിക്ക് കിട്ടിയ ഭാഗ്യത്തെ എല്ലാവർക്കും ആയി പങ്കിടുന്നുവെന്ന് മോഹൻലാൽ .

ഇതൊരു വലിയ ഭാഗ്യമായി കരുതുന്നു , ഞാൻ ആ ഭാഗ്യത്തെ ഞാൻ നിങ്ങൾക്ക് കൂടി ഷെയർ ചെയ്തു നൽകുന്നു. മഹാഭാരതവും വാനപ്രസ്ഥവും സിനിമ എന്നതിലുപരി അത് ക്‌ളാസിക്കൽ ആർട്സ് ആണ്. സാധാരണ സിനിമയിൽ അങ്ങനെ ചെയ്യാറില്ല. ഒരുപക്ഷെ അതാകാം രാഷ്‌ട്രപതി അത് എടുത്തുപറഞ്ഞത്. ഞാൻ ഒരുപാട് ഹംബിൾഡ് ആണ്. ഇനിയുള്ള യാത്രകളിൽ അത് വലിയ പ്രചോദനം തന്നെയാണ്. അമ്മയെ കാണാൻ വേണ്ടി പോകുന്നു- എന്നുപറഞ്ഞുകൊണ്ടാണ് കൊച്ചിയിൽ മടങ്ങിയെത്തിയ മോഹൻലാൽ മാധ്യമങ്ങളോട് സംസാരിച്ചത്.

ദൃശ്യത്തിന്റെ ഷെഡ്യൂളിലേക്ക് ആണ് ഇനി മോഹൻലാൽ കടക്കുന്നത്.

അതേസമയം 'ലാലിന് റസ്റ്റ്‌ എടുത്തൂടെ എന്ന് പലരും ചോദിക്കാറുണ്ട്, പക്ഷെ എന്റെ ഉള്ളിൽ ഒരു ഫയർ ഉണ്ട്' അതൊരു ഡിസൈർ ആണ് അത് എന്നുമങ്ങുന്നോ അത് വരെ ഞാൻ അഭിനയത്തിൽ ഉണ്ടാകുമെന്നും ഇക്കഴിഞ്ഞദിവസം മാതൃഭൂമി ന്യൂസിൽ ലാലേട്ടൻ പറഞ്ഞിരുന്നു.നമുക്ക് ഏറ്റവും രസകരമായി എന്ന് വരെ ഇത് വച്ചുകൊണ്ട് പോകാൻ ആകുന്നോ അന്ന് വരെ നമ്മൾ ഇത് മനസ്സിൽ വച്ചുകൊണ്ട് നടക്കും എന്നും മോഹൻലാൽ പറയുകയുണ്ടായി.അമ്മയും ആയി അത്രയും അറ്റാച്ഡ് ആയ മോഹൻലാൽ അവാർഡും ആയി എളമക്കരയിലെ വീട്ടിൽ എത്തിയതും കൗതുക കാഴ്ച ആയിരുന്നു. നിരവധി ആളുകൾ ആണ് മോഹൻലാൽ അമ്മ ആത്മബന്ധത്തെ കുറിച്ച് സോഷ്യൽ മീഡിയയിൽ പോസ്റ്റുകൾ പങ്കിടുന്നത്. അനുചന്ദ്ര പങ്കിട്ട പോസ്റ്റിന്റെ പൂർണ്ണ രൂപം.

ALSO READ: എന്റെ ജീവിതത്തിലെ മഹാഭാഗ്യങ്ങളിൽ ഒന്ന്! അമ്മ അവാർഡ് വാങ്ങുമ്പോൾ എനിക്ക് സാക്ഷ്യം വഹിക്കാനായി
അനു ചന്ദ്ര പങ്കിട്ട പോസ്റ്റിന്റെ പൂർണ്ണ രൂപം

ഐ ആം സോ ഹമ്പിൾഡ്..അമ്മയെ കാണാൻ പോവുകയാണ് - പുരസ്‌കാരം സ്വീകരിച്ച ശേഷം ലാലേട്ടൻ മാധ്യമങ്ങളോട് പറഞ്ഞതിങ്ങനെയാണ്. ശേഷം പുരസ്കാരത്തിന്റെ സന്തോഷം അമ്മയുമായി പങ്ക് വെക്കുവാനായി നേരെ എളമക്കരയിലെ വീട്ടിലേക്ക് പോവുകയും ചെയ്തു.

ജീവിതത്തിലെത്ര വലിയ നേട്ടങ്ങൾ കിട്ടിയാലും ശരി ആ നേട്ടങ്ങളോടൊപ്പം സ്വന്തം അമ്മയുടെ സാന്നിധ്യവും സ്‌നേഹവും കൂടി ചേരുമ്പോഴാണ് ആ സന്തോഷങ്ങളുടെയെല്ലാം യഥാർത്ഥ മികവ് നമുക്കനുഭവിക്കാൻ കഴിയുകയെന്നാണ് ലാലേട്ടൻ പറയാതെ പറയുന്നത്.

ALSO READ: വിനീതിനും ചിലത് പറയാനുണ്ട്! അച്ഛൻ കരം കണ്ടോ! നോബിൾ എങ്ങനെ നായകനായി! 'വിനീത് ജോമോൻ ഷാൻ ത്രയം' വീണ്ടും
അമ്മയെ ബഹുമാനിക്കുന്ന / സ്നേഹിക്കുന്ന മകനാണ് ലാലേട്ടൻ എന്നത് അദ്ദേഹത്തിന്റെ ജീവിതത്തിലും സംസ്കാരത്തിലും അടിമുടി പ്രതിഫലിക്കുന്ന ഒന്നാണ് എപ്പോഴും. പക്ഷേ ഇപ്പോൾ ഒന്ന് പറയാതിരിക്കാൻ ഒരിക്കലുമവില്ല.
ഇങ്ങനെ ഒരു മകന് ജന്മം നൽകിയ ആ അമ്മ ; ഭാഗ്യം ചെയ്ത ഒരമ്മയാണ്