അവരെയൊന്നും ഫ്രണ്ട് എന്ന് പറയാന്‍ പറ്റില്ല, ഞാന്‍ മൈന്റ് ചെയ്യാറേയില്ല; തൃഷയോടുള്ള ശത്രുതയെ കുറിച്ച് നയന്‍താര, തൃഷ പറഞ്ഞതോ?

Authored byഅശ്വിനി പി | Samayam Malayalam | Updated: 2 Apr 2025, 12:03 pm

Samayam Malayalamതൃഷ കൃഷ്ണനുമായുള്ള ശത്രുതയെ കുറിച്ച് നയൻതാര പറഞ്ഞത്

നായികമാര്‍ തമ്മിലുള്ള ഈഗോ ക്ലാഷ് ഒരു കാലത്ത് വളരെ അധികം സജീവമായിരുന്നു. പ്രത്യേകിച്ചും 2000 മുതല്‍. ഒരുമിച്ച് അഭിനയിക്കാന്‍ വരാതിരിക്കുക, ഫാന്‍സ് ഫൈറ്റ് എല്ലാം സ്വഭാവികമായിരുന്നു. അതിന്റെ ഇരകളാണ് നയന്‍താരയും തൃഷയും. തെറ്റിദ്ധാരയുടെ പേരില്‍ ശത്രുക്കളായിരുന്ന സമയത്ത് ഒരു അഭിമുഖത്തില്‍ നയന്‍താര തൃഷയെ കുറിച്ച് പറഞ്ഞ കാര്യങ്ങളാണ് ഇപ്പോള്‍ വൈറലാവുന്നത്. വര്‍ഷങ്ങള്‍ക്ക് മുന്‍പുള്ള അഭിമുഖം ഇപ്പോള്‍ സോഷ്യല്‍ മീഡിയിയല്‍ വൈറലാവുന്നു

തൃഷയും താങ്കളും എല്ലാം ഒരേ സമയത്ത് ഇന്റസ്ട്രിയില്‍ വന്നതല്ലേ, എങ്ങനെയാണ് അവര്‍ക്കൊപ്പമുള്ള ഫ്രണ്ട്ഷിപ് എന്നായിരുന്നു ആങ്കറുടെ ചോദ്യം. 'ഞങ്ങള്‍ ഫ്രണ്ട്‌സ് ഒന്നുമല്ല, ഫ്രണ്ട്‌സ് എന്നത് വലിയ വാക്കാണ്, അവരെയൊന്നും ഫ്രണ്ട്‌സ് എന്ന് പറയാന്‍ പറ്റില്ല. പഴമക്കാര്‍ പറയുന്നത് പോലെ രണ്ട് പെണ്ണുങ്ങള്‍ ഒത്തു പോകില്ല എന്ന് പറഞ്ഞത് പോലെയാണ്. അതുപോലെയാണ് ഞങ്ങള്‍ക്കിടയിലും. പക്ഷേ എനിക്ക് അതില്‍ ഒന്നും യാതൊരു പ്രശ്‌നവും ഇല്ല. അവര്‍ക്ക് അങ്ങനെ ഒരു ചിന്താഗതിയുണ്ടെങ്കില്‍ ഞാന്‍ അത് കണ്ട ഭാവം നടിക്കാറില്ല, എനിക്കതില്‍ പ്രശ്‌നമില്ല, അവരോട് ഞാനായിട്ട് സംസാരിക്കുകയുമില്ല. എനിക്കവരോട് സംസാരിക്കേണ്ട ആവശ്യവുമില്ല' എന്നാണ് നയന്‍താര പറഞ്ഞത്.

Also Read: കല്യാണം കഴിഞ്ഞിട്ട് 30 വര്‍ഷങ്ങള്‍, കുഞ്ഞുങ്ങളില്ല! ദത്ത് എടുത്തുകൂടെ എന്ന ചോദ്യത്തിന് സുധ ചന്ദന്റെ മറുപടി; ഇങ്ങനെയാണോ ഇവരുടെ കല്യാണം കഴിഞ്ഞത്?

എന്നാല്‍ ഇതേ ചോദ്യം തൃഷയോട് ചോദിച്ച സമയത്ത് വളരെ മാന്യമായി നടി പ്രതികരിച്ച വീഡിയോയും സോഷ്യല്‍ മീഡിയിയല്‍ വൈറലായിരുന്നു. 'ഞങ്ങള്‍ക്കിടയില്‍ ഒരു പ്രശ്‌നവും ഉണ്ടായിരുന്നില്ല. ഹായി, ബായ് പറയുന്ന ബന്ധം മാത്രമായിരുന്നു. പിന്നീട് ആളുകള്‍ സംസാരിച്ചുണ്ടാക്കിയതാണ് പ്രശ്‌നങ്ങള്‍. ഒരേ സമയത്ത് ഇന്റസ്ട്രിയില്‍ വന്നവരാണ് ഞങ്ങള്‍, ഒരേ നായകന്മാര്‍ക്കൊപ്പം സിനിമകള്‍ ചെയ്യുന്നു. അപ്പോള്‍ സ്വാഭാവികമായും താരതമ്യപ്പെടുത്തല്‍ ഉണ്ടാവുമല്ലോ. അത്രയേ ഉണ്ടായിട്ടുള്ളൂ എന്നായിരുന്നു തൃഷയുടെ മറുപടി.


പക്ഷേ തൃഷയുമായുള്ള വഴക്ക് തീര്‍ന്നതിനെ കുറിച്ച് നയന്‍താര തന്നെ മറ്റൊരു അഭിമുഖത്തിലും സംസാരിച്ചിട്ടുണ്ട്. കണ്ടാല്‍ മിണ്ടാത്ത ഭാവം തന്നെയായിരുന്നു നയന്‍താരയ്ക്ക്. പക്ഷേ ഒരു ഫിലിം ഫെയറില്‍ വച്ച് തൃഷ ഇങ്ങോട്ട് വന്ന് സംസാരിച്ചു. അതില്‍ പിന്നെ എനിക്ക് യാതൊരു പ്രശ്‌നവും ഉണ്ടായിട്ടില്ല, ഇങ്ങോട്ട് വന്ന് സംസാരിച്ചു കഴിഞ്ഞാല്‍ മിണ്ടാതിരിക്കാന്‍ കഴിയില്ലല്ലോ എന്നാണ് അന്ന നയന്‍താര പറഞ്ഞിരുന്നത്.