അവസാന മത്സരത്തിൽ 37 റൺസ് ജയം; വെസ്റ്റിൻഡീസിനെതിരായ ട്വന്റി20 പരമ്പര തൂത്തുവാരി ഇംഗ്ലണ്ട്

സതാംപ്ടൻ ∙ അവസാന മത്സരത്തിൽ 37 റൺസിന് വിജയിച്ച ഇംഗ്ലണ്ട് വെസ്റ്റിൻഡീസിനെതിരായ ട്വന്റി20 പരമ്പര തൂത്തുവാരി (3–0). മൂന്നാം ട്വന്റി20യിൽ ആദ്യം ബാറ്റു ചെയ്ത ഇംഗ്ലണ്ട് 3 വിക്കറ്റ് നഷ്ടത്തിൽ 248 റൺസെടുത്തപ്പോൾ വിൻഡീസിന്റെ മറുപടി 8 വിക്കറ്റ് നഷ്ടത്തിൽ 211 റൺസിൽ അവസാനിച്ചു.

ഓപ്പണർമാരായ ബെൻ ഡക്കറ്റിന്റെയും (46 പന്തിൽ 84) ജാമി സ്മിത്തിന്റെയും (26 പന്തിൽ 60) ഇന്നിങ്സുകളുടെ കരുത്തിലാണ് ആതിഥേയരായ ഇംഗ്ലണ്ട് മികച്ച സ്കോറുയർത്തിയത്. ട്വന്റി20 ക്രിക്കറ്റിൽ ഇംഗ്ലണ്ടിന്റെ രണ്ടാമത്തെ മികച്ച ടീം സ്കോറാണിത്.