അവൻ സത്യമേ പറയൂ ആരെയും സുഖിപ്പിച്ചു സംസാരിക്കാൻ അവന് അറിയില്ല! മക്കളേയും മരുമക്കളെയും കുറിച്ച് മല്ലിക

Authored by: ഋതു നായർ|Samayam Malayalam•2 Dec 2025, 8:09 am

അവൻ സത്യമേ പറയൂ, അവന് ആരെയും സുഖിപ്പിച്ചു സംസാരിക്കാൻ അറിയില്ല. അവൻ പറയുന്ന ഓരോ കാര്യവും സത്യസന്ധമായിരിക്കും; പൃഥ്വിരാജിനെക്കുറിച്ച് അമ്മ മല്ലികയുടെ വാക്കുകൾ ആണിത്. തന്റെ മകനിൽ ഒരിക്കലും മാറരുത് എന്ന് താൻ ആഗ്രഹിക്കുന്ന സ്വഭാവവും ഇത് ആണെന്ന് മല്ലിക സുകുമാരൻ പ്രതികരിച്ചു.. അവൻ ഒരിക്കലും നുണ പറയില്ല, ഇനി ഇങ്ങനെ പറഞ്ഞാൽ ആർക്കെങ്കിലും തോന്നുമോ എന്നൊന്നും അവനില്ല. അവനുപറയാൻ ഉള്ളതേ അവൻ പറയൂ. അല്ലാതെ ചില സിനിമാക്കാരെ പോലെ തോളിൽ കൈയ്യിട്ട് വേറെ സ്വഭാവം അവൻ കാണിക്കില്ല.

രാജുവിനെ അറിയുന്ന ആളുകൾക്ക് അവനെ അറിയാം. നമ്മളുടെ വ്യക്തിത്വം കളഞ്ഞിട്ട് നമ്മൾക്ക് അത് വേണ്ട അമ്മേ എന്ന് അവൻ പറയാറുണ്ട്. അവന്റെ അച്ഛനും അങ്ങനെ ആയിരുന്നു. ഉള്ളത് ഉള്ളതുപോലെ പറയുന്ന ആളായിരുന്നു. ഇഷ്ടപ്പെട്ടോ ഇല്ലയോ എന്നൊന്നും അദ്ദേഹവും നോക്കാറില്ലായിരുന്നു അതേപോലെ ആണ് എന്റെ മോനും. പിന്നെ ആരെയും വിഷമിപ്പിക്കുന്ന നുണകൾ പറയാതെ ഇരിക്കുക. ആരെയെങ്കിലും സുഖിപ്പിക്കുന്ന വർത്തമാനങ്ങൾ പറയാതെ ഇരിക്കുക,ആർക്കും വേണ്ടി തന്റെ നിലപാട് മാറ്റാതെ ഇരിക്കുക നിന്നെ ദൈവം അനുഗ്രഹിക്കുമെന്നും ഞാൻ അവനോട് പറഞ്ഞുകൊടുത്തിരുന്നു.

നല്ല ദീർഘവീക്ഷണം ഉള്ള ആളുകൂടിയാണ് അവൻ. മലയാള സിനിമയെ കുറിച്ച് അവൻ മുൻപ് പറഞ്ഞ കാര്യങ്ങൾ ഒക്കെയും ഇന്ന് നടന്നുകൊണ്ടിരിക്കുന്നു; മല്ലിക പറയുന്നു.

ALSO READ: ഇത് എന്ത് മുത്തശ്ശിയാണ്! ചെറുമകൾ വിവാഹം ചെയ്യുന്നത് എനിക്ക് ഇഷ്ടമില്ല താൻ ആഗ്രഹിക്കുന്നില്ലെന്ന് ജയാബച്ചൻ; കാരണം പറഞ്ഞ് താരം

ഒരു പാചകമത്സരം വച്ചാൽ ഞാൻ തന്നെ ജയിക്കും. കാരണം മരുമക്കൾ എന്തെങ്കിലും വച്ചാൽ യൂട്യൂബ് ഒക്കെ നോക്കിയാണ് വയ്ക്കുന്നത്. ഞങ്ങളുടെ അമ്മമാരുടെ കൈപ്പുണ്യം നമ്മൾക്ക് കിട്ടിയിട്ടുണ്ട്. എന്റെ മക്കളുടെ ഇഷ്ടങ്ങൾ എല്ലാം വച്ചുകൊടുക്കാൻ എനിക്ക് ഇഷ്ടമാണ്. മീൻകറിയൊക്കെ സുകുവേട്ടന് ആഗ്രഹിക്കുന്ന പോലെ ഞാൻ ചെയ്യാറുണ്ട്. ഞാൻ വയ്ക്കുന്ന അപ്പവും സ്റ്റൂവും ഒക്കെ മക്കൾക്ക് വലിയ ഇഷ്ടമാണ്; ഒരു തനി വീട്ടമ്മയുടെ റോളിൽ എന്ന പോലെ മല്ലിക സുകുമാരൻ സംസാരിക്കുന്ന വീഡിയോ ആണ് ഇപ്പോൾ വൈറൽ ആകുന്നത്.

എല്ലാവരും ആയി ചിരിക്കും കളിക്കും എങ്കിലും കൂടുതൽ സംസാരം പൂർണ്ണിമയും ആയിട്ടാണ്. സുപ്രിയ അങ്ങനെ അധികം സംസാരിക്കാറില്ല, നമ്മുടെ ഒക്കെ കൂടാറുണ്ട് എങ്കിലും മൂത്ത മരുമകൾ പൂർണ്ണിമ അല്ലേ, അതുകൊണ്ട് മൂത്ത മകളുടെ റോളിൽ കൂടിയാണ് ആള്; മല്ലിക പറഞ്ഞു.