അശ്വിനെ അർജുൻ എന്നാണ് വിളിക്കുന്നത്, അർജുനെ അശ്വിനെന്നും; പുതിയ വിശേഷങ്ങൾ പങ്കുവച്ച് ദിയ കൃഷ്ണൻ

Authored by: അശ്വിനി പി|Samayam Malayalam•22 Jul 2025, 7:32 pm

ഓമി വന്നത് തന്നെയാണ് കൃഷ്ണ കുമാറിന്റെ കുടുംബത്തിലെ ഇപ്പോഴത്തെ ഏറ്റവും വലിയ സന്തോഷം. കുടുംബത്തിലെ ഓരോരുത്തരുടെയും യൂട്യൂബ് ചാനൽ വിശേഷങ്ങളിൽ അത് വരാറുണ്ട്. അമ്മ എന്ന നിലയിൽ ദിയ കൃഷ്ണന്റെ ഡെയിലി റുട്ടീനിലും ഒരുപാട് മാറ്റങ്ങൾ വന്നു. കഴിഞ്ഞ കുറച്ചു ദിവസങ്ങളായുള്ള തന്റെ ജീവിതത്തിലെ വിശേഷങ്ങൾ ഒക്കെയാണ് ഏറ്റവും പുതിയ വീഡിയോയിൽ ദിയ പങ്കുവയ്ക്കുന്നത്.

കുഞ്ഞിന്റെ വിശേഷങ്ങൾ തന്നെയാണ് കൂടുതലും. പാലു കുടിക്കുന്നു ഉറങ്ങുന്നു, കൈയ്യും കാലുമിട്ടു കളിക്കുന്നു എന്നതുൾപ്പടെ, ഓമി എന്ന നിയോമിന്റെ ഓരോ കുഞ്ഞു കുഞ്ഞു ഭാവ വ്യത്യാസങ്ങളും ഇഷ്ടങ്ങളും ദിയ സസൂക്ഷ്മം നിരീക്ഷിക്കുന്നുണ്ട് എന്ന് സംസാരത്തിലൂടെ അറിയാം.

Also Read: ഒരു ചാക്ക് ചവറിനെക്കാൾ കഷ്ടമാണ് അവൻ; മുൻ കാമുകൻ വില്യം ബ്രാഡ്ലിയെ കുറിച്ച് ഗ്വിനെത്ത് പാൽട്രോ പറഞ്ഞത്

സംസാരത്തിനിടയിൽ രണ്ടുമൂന്ന് തവണ സിന്ധു കൃഷ്ണ ദിയയെ ഇഷാനി എന്ന് വിളിച്ചപ്പോഴാണ് അർജുനെയും അശ്വിനെയും അമ്മ ഇങ്ങനെ തന്നെയാണ് വിളിക്കുന്നത് എന്ന കാര്യവും ദിയ പറയുന്നത്. സംസാരത്തിൽ ആവർത്തിച്ച് അർജുന്റെ പേര് കടന്ന് വരികയും ചെയ്യുന്നുണ്ട്. ഇതോടെ ഇഷാനിയുടെ ജീവിത പങ്കാളിയായി അർജുനെ വീട്ടുകാർ അംഗീകരിച്ചു എന്നും മനസ്സിലാക്കാം.

പ്രസവാനന്തര ചികിത്സാ വിശേഷങ്ങളും വീഡിയോയിൽ ഉൾപ്പെടുത്തിയിട്ടുണ്ട്. എത്രയും പെട്ടന്ന് തടിയൊക്കെ കുറച്ച് പഴയ രൂപത്തിലെത്തിക്കാനുള്ള ശ്രമത്തിലാണ് ദിയ. ജമ്മിൽ പോകാനൊന്നും വയ്യ, പ്രസവാനന്തര ശുശ്രൂഷയിൽ തന്നെ ശരിപ്പെടുത്താം എന്നാണ് കരുതുന്നത്.

ഓ ബൈ ഓസിയിലെ പുതിയ സ്റ്റാഫുകൾക്ക് ഓമിയെ കാണണം എന്ന് പറഞ്ഞതുകാരണം, കുഞ്ഞുമായി ഓസി ഓഫീസിലേക്ക് പോകുന്നുണ്ട്. അവിടെ നൽകിയ സർപ്രൈസും സമ്മാനങ്ങളും ഓസിയെ സംബന്ധിച്ച് വലിയ സന്തോഷമായിരുന്നു. അവർക്കൊപ്പം ഓഫീസിലിരുന്ന് ജോലി ചെയ്യാൻ പറ്റുന്നില്ലല്ലോ എന്ന വിഷമം ഉണ്ട്. പക്ഷേ സാരമില്ല, ഇപ്പോൾ ഓമിയ്ക്കുള്ള സമയമാണ്. ബേബി കുറച്ചൊന്ന് വലുതായിട്ട് അവനുമായി പോകും, പൊളിക്കും- ഓസി ആത്മവിശ്വാസത്തോടെ പറഞ്ഞു.
അർജുന്റെ വീട്ടുകാർ കുഞ്ഞിനെ കാണാൻ വന്ന വിശേഷവും കാണിച്ചതിന് ശേഷമാണ് മൂന്ന് നാല് ദിവസത്തെ വീഡിയോ വൈന്റപ് ചെയ്യുന്നത്. മരുമകളെയും കൊച്ചുമകനെയും കാണാൻ വരുമ്പോൾ അവർക്കിഷ്ടപ്പെട്ട പലഹാരങ്ങളൊക്കെയായിട്ടാണ് മീനമ്മ വന്നത്.