അശ്വിനെ കാണുമ്പോളൊക്കെ എഴുന്നേറ്റ് നിക്കണോ! എന്റെ ചേച്ചിയേക്കാൾ പ്രായം കൊണ്ട് താഴെയാണ് അശ്വിൻ; ദിയയുടെ മറുപടി

Authored by: ഋതു നായർ|Samayam Malayalam•5 Oct 2025, 11:37 am

കൃഷ്ണകുമാറിന്റെ കുടുംബത്തിന് നേരെ സൈബർ അറ്റാക്ക് ഉണ്ടാകുന്ന കാഴ്ച ഇത് ആദ്യമല്ല. പല സന്ദർഭങ്ങളിലായി കുടുംബത്തിലെ പലർക്കും എതിരെ സൈബർ അറ്റാക്ക് ഉണ്ടായിരുന്നു. കുറച്ചുദിവസങ്ങൾ ആയി സിന്ധുകൃഷ്ണക്ക് നേരെയാണ് ചിലരുടെ വാക്കുകൾ.

മരുമകനെ ബഹുമാനിക്കുന്നില്ല, പാർഷ്യാലിറ്റി കാണിക്കുന്നു എന്നിങ്ങനെ ഉള്ള അഭിപ്രായങ്ങൾ മുതൽ അശ്വിന് കോഴികാൽ നൽകിയില്ല എന്നത് വരെ നീണ്ടു കിടക്കുകയാണ് പരാതികൾ.

കളറും പണവും കണ്ട് കണ്ട് ആരും ഇങ്ങനെ വില ഇല്ലാത്തിടത്തു എത്തി പെടാണ്ട് ഇരിക്കട്ടെ. നമ്മുടെഭർത്താവിന് വിലകൊടുക്കാത്ത ഒരു സ്ഥലത്ത് അവരെ കൊണ്ടുപോകുകയോ അവരുമായി ഒരു പരിധിവിട്ട് സഹകരിക്കുകയോ ചെയ്യരുത്. അത് സ്വന്തം വീടായാലും... പണം, സൗന്ദര്യം, ഫെയിം എന്തിന്റെ പേരിലായാലും അവർ നമ്മളെക്കാൾ സുപ്പീരിയർ ആണെന്ന രീതിയിൽ ആരെയും കാണരുത്.

ചെറുതായാലും അവനവന്റെ വീട്ടിൽ താമസിക്കുക. അത് ഏത് ഫാമിലി ആയാലും എന്നിങ്ങനെയുള്ള കമന്റുകൾ അതിരുവിട്ടതോടെയാണ് അഭിപ്രായങ്ങൾ പങ്കുവച്ചുകൊണ്ട് ദിയ കൃഷ്ണയും എത്തിയത്.

ദിയയുടെ മറുപടി

ഇത്രയും വെറുപ്പുളവാക്കുന്ന അഭിപ്രായങ്ങൾ. എന്റെ അമ്മ അവനെ സ്വന്തം മകനെപ്പോലെയാണ് കാണുന്നത്, അതുകൊണ്ട് നമ്മളോട് സംസാരിക്കുന്നതുപോലെ 'അമ്മ അശ്വിനോടും സംസാരിക്കും. അത് സംസാരിക്കാനുള്ള സ്വാതന്ത്ര്യം അവർ എടുക്കുന്നു അതിന് എന്താണ് തെറ്റ്. എന്റെ സഹോദരി അഹാന അവനെക്കാൾ 2 വയസ്സ് മൂത്തതാണ്, അതുകൊണ്ടുതന്നെ അശ്വിൻ എന്റെ ഭർത്താവായതുകൊണ്ട്, എന്റെ അമ്മ അവനെ കാണുമ്പോഴെല്ലാം എഴുന്നേറ്റ് അവന്റെ മുന്നിൽ വണങ്ങി അവന്റെ കാൽക്കൽ തൊട്ട് അനുഗ്രഹം തേടണമെന്ന് അർത്ഥമുണ്ടോ. അല്ലെങ്കിൽ ഞാൻ അശ്വിന്റെ വീട്ടിൽ പോകുമ്പോൾ അവന്റെ അമ്മയും എന്നെ കാണുമ്പോൾ ഇങ്ങനെ ചെയ്യണം എന്നുണ്ടോ. ഇത്തരം വിലകുറഞ്ഞ പ്രസ്താവനകൾ നടത്തുന്നതിന് മുമ്പ് ചിന്തിക്കുക.

ALSO READ: ഉയ്യോ ഇത്രയും പ്രായവ്യത്യാസമോ! ലിപ് ലോക്ക് സീനുകൾ മുതൽ ഒരുമിച്ചുള്ള ഡേറ്റിങ് വരെ! പ്രണയം ആരാധകർ കണ്ടെത്തിയത്
എന്റെ കുടുംബത്തിൽ നിന്നുള്ളവരല്ലാത്ത ഒരാൾ എന്തിനാണ് ഇത്രയധികം ബേജാർ ആകുന്നത് അത് മറ്റൊരു തരത്തിലുള്ള സാഡിസ്റ്റിക് ബിഹേവിയർ മാത്രമാണ് എന്ന് പറയേണ്ടി വരും. എന്നെ സ്നേഹിക്കുന്നവർ പോസിറ്റീവ് ആയ കാര്യങ്ങൾ മാത്രമേ കാണൂ അത് മാത്രമേ അവർ പങ്കിടൂ. ഉറപ്പായും അവർ അടുത്ത വീഡിയോ കാണാൻ കാത്തിരിക്കും; ദിയ മറുപടി നൽകി.