അസിന്റെ മകളുടെ മുടി എന്തു ഭം​ഗിയാണ്, മറഞ്ഞ് നിന്ന് എല്ലാം ചെയ്യുന്ന അസിൻ, ഇത് തീർത്തും കൗതുകം

Authored by: അശ്വിനി പി|Samayam Malayalam•22 Jul 2025, 8:13 pm

വിവാഹത്തിന് ശേഷം ക്യാമറ കണ്ണുകളിൽ നിന്ന് പൂർണമായും അകന്ന് നിൽക്കുകയാണ് അസിൻ . കുഞ്ഞിനെ ഗർഭം ധരിച്ച സന്തോഷ വാർത്ത അറിയിച്ചുകൊണ്ട്, മുഖം മറച്ചൊരു ചിത്രം പങ്കുവച്ചതിന് ശേഷം അസിൻ തന്റെ ഒരു ഫോട്ടോ പോലും പുറത്തുവിട്ടിട്ടില്ല. അതേ സമയം മകൾ അറിന്റെ വളർച്ചയുടെ ഓരോ ഘട്ടവും, മകളുടെ എല്ലാ വിശേഷങ്ങളും അസിൻ സോഷ്യൽ മീഡിയയിൽ പങ്കുവയ്ക്കാറുണ്ട്.

ഇപ്പോഴിതാ മകളുടെ മുടിയഴക് പങ്കുവച്ച് എത്തിയിരിക്കുകയാണ് അസിൻ. നീണ്ട, ഇടതൂർന്ന മുടി ഒരു ഭാഗത്തേക്ക് ഒതുക്കിവച്ചിരിയ്ക്കുന്ന അറിന്റെ ചിത്രം ഇൻസ്റ്റഗ്രാം സ്റ്റോറിയായിട്ടാണ് അസിൻ പങ്കുവച്ചത്. അപ്പോഴും അസിൻ മറഞ്ഞു നിൽക്കുകയാണ്, ഈ ഒരു കാര്യം മാത്രമാണ് ആളുകൾക്ക് കൗതുകമായി തോന്നുന്നത്.

Also Read: അശ്വിനെ അർജുൻ എന്നാണ് വിളിക്കുന്നത്, അർജുനെ അശ്വിനെന്നും; പുതിയ വിശേഷങ്ങൾ പങ്കുവച്ച് ദിയ കൃഷ്ണൻ

ആറ് വയസ്സുകാരിയായ അറിന്റെ ഓരോ പിറന്നാൾ വിശേഷങ്ങളും ഫോട്ടോകളും അസിൻ ഇൻസ്റ്റഗ്രാമിലൂടെ പങ്കുവച്ചിരുന്നു. എല്ലാം മകൾ കണ്ടും കേട്ടും അറിഞ്ഞും വളരണം എന്നാണ് അസിൻ ആഗ്രഹിക്കുന്നത്. ആളുകളോട് സംസാരിക്കുന്നതും പെരുമാറുന്നതും എല്ലാം അറിനെ അനുഭവങ്ങളിലൂടെയാണ് അസിൻ പഠിപ്പിക്കുന്നത് എന്ന് മകളുടെ ആറാം പിറന്നാളുമായി ബന്ധപ്പെട്ട് അസിൻ പങ്കുവച്ച വീഡിയോയിൽ നിന്നും വ്യക്തമായിരുന്നു

സംസ്കാരവും പെരുമാറ്റങ്ങളും മാത്രമല്ല, വിവിധ ഭാഷകളും അസിൻ മകളെ പഠിപ്പിക്കുന്നുണ്ട്. ഇംഗ്ലീഷും മലയാളവും അടക്കം ഏഴോളം ഭാഷയിൽ എഴുതാനും വായിക്കാനും സംസാരിക്കാനും അറിന് അറിയാം. ആറ് (മലയാളം, ഫ്രഞ്ച്, ഇറ്റലി, സ്പാനിഷ്, റഷ്യൻ, ജർമൻ) ഭാഷകളിലായി മകൾ തനിക്ക് എഴുതിയ കത്തും അസിൻ തന്റെ ഇൻസ്റ്റഗ്രാം പേജിലൂടെയാണ്.


മൈക്കോമാക്സ് ഉടമ രാഹുൽ ശർമയാണ് അസിന്റെ ഭർത്താവ്. പ്രണയ വിവാഹമായിരുന്നു. മലയാളത്തിലൂടെ അഭിനയ ലോകത്തേക്ക് എത്തി, തമിഴിലൂടെ സ്റ്റാറായി, ബോളിവുഡ് സിനിമയിൽ സജീവമായി നിൽക്കുമ്പോഴായിരുന്നു രാഹുലുമായുള്ള പ്രണയ വിവാഹം. വിവാഹത്തോടെ അഭിനയം മാത്രമല്ല, ഒരു ഫോട്ടോയ്ക്ക് വേണ്ടി പോലും അസിൻ ക്യാമറയ്ക്ക് മുന്നിലേക്ക് വന്നിട്ടില്ല.