ആ സംഭവത്തോടെ അമ്മയുടെ ഓർമ്മ നഷ്ടമായി, അച്ഛൻ മരിച്ചതും മറന്നുപോയി; താൻ കാരണം അമ്മക്ക് ഉണ്ടായ മാനസിക ബുദ്ധിമുട്ട്; ദിലീപ് പറഞ്ഞത്

കാവ്യയും ആയുള്ള വിവാഹത്തിന് പിന്നാലെ മാസങ്ങള്‍ പിന്നിടുന്നതിനിടയിലായിരുന്നു ദിലീപ് കേസിൽ ഉൾപ്പെടുന്നത്. അതിനിടയിൽ നടന്ന അമേരിക്കൻ ഷോയും പിന്നാലെ താരത്തിന്റെ അറസ്റ്റും എല്ലാം കുടുംബത്തെ മുഴുവൻ ബാധിച്ചു. മൂത്തമകൾ മീനാക്ഷിയുടെ പ്ലസ് റ്റു കാലം. അച്ഛന്റേയും അമ്മയുടേയും അടുത്ത് നിന്ന് മാറിനിന്ന വിഷമം കാവ്യക്ക് മാറുന്നതിന് മുന്‍പായിരുന്നു കേസും.

എന്തൊക്കെയാണ് ഈ നടക്കുന്നത് എന്നുപോലും ചിന്തിക്കാൻ കഴിയാത്ത അവസ്ഥ ആയിരുന്നു ചുറ്റിനും. തകർന്നു തരിപ്പണമായി പോയിട്ടുണ്ട്. പക്ഷെ കഴിഞ്ഞതൊക്കെ ഒരിക്കലും മറന്നുപോകരുത് എന്ന് താൻ ഇടക്ക് ഭർത്താവിനെ ഓർമ്മിപ്പിക്കും എന്ന് കുറച്ചു വർഷങ്ങൾക്ക് മുൻപേ കാവ്യ നൽകിയ ഒരു അഭിമുഖത്തിൽ പറഞ്ഞിരുന്നു.

ദിലീപിന്റെ കുടുംബം ഒറ്റക്കെട്ടായി നിന്നാണ് പ്രശ്‌നത്തെ അതിജീവിച്ചത്. പക്ഷേ അമ്മ മാനസികമായി തകർന്നുപോയി. ആ പ്രശ്‌നത്തിന് പിന്നാലെ ദിലീപിന്റെ അമ്മക്ക് ഓർമ്മ നഷ്ടമായി. ' അമ്മ ജീവിച്ചിരിക്കുന്നു എന്നത് മാത്രമായി.അച്ഛൻ മരിച്ച ഓർമ്മപോലും അമ്മയ്ക്ക് നഷ്ടമായെന്നും അത് തന്റെ ഈ അവസ്ഥയ്ക്ക് പിന്നാലെ ആയിരുന്നുവെന്നും താരം പറഞ്ഞിട്ടുണ്ട്

ആരെയും തിരിച്ചറിയാൻ പോലും കഴിയാത്ത അവസ്ഥയിൽ ആയിരുന്നു അമ്മ. ഒരിക്കൽ മഴ നനഞ്ഞു നിൽക്കുന്ന അമ്മയെ കണ്ട് താൻ തകർന്നുപോയെന്നും ഒരിക്കൽ ദിലീപ് പറഞ്ഞിരുന്നു. പക്ഷേ സത്യം തെളിയും എന്ന പ്രതീക്ഷയിൽ ആണ് താനെന്നും മരിക്കുന്നത് വരെ അതിനായി പോരാടുമെന്നും ദിലീപ് അവർത്തിക്കാറുണ്ട്.