3 weeks ago
5
'ഒരു സ്വപ്നത്തോടെയാണ് ഞങ്ങള് തുടങ്ങിയത്... നിങ്ങളതിനെ ഒരു പ്രതിഭാസമാക്കി മാറ്റി. കല്ക്കി സിനിമാറ്റിക് യൂണിവേഴ്സിന്റെ യാത്ര തുടരുകയാണ്...' എന്ന് ചിത്രത്തിന്റെ അണിയറപ്രവര്ത്തകര് സോഷ്യല് മീഡിയയിലൂടെ കുറിച്ചു.
Also Read: ഞങ്ങളും മനുഷ്യരാണ്, കൈ കൂപ്പി തൊഴുത് രാധിക; ദയവ് ചെയ്ത് കുറച്ച് പ്രൈവസി തരൂ
പ്രഭാസ് , അമിതാഭ് ബച്ചന് , കമല് ഹാസന്, ദീപിക പദുകോണ് തുടങ്ങിയ വന് താരനിര അണിനിരന്ന ഈ സയന്സ് ഫിക്ഷന് മിത്തോളജി ചിത്രം ബോക്സ് ഓഫീസില് വന് റെക്കോര്ഡുകളാണ് സൃഷ്ടിച്ചത്. നാഗ് അശ്വിന് എന്ന സംവിധായകന്റെ ദീര്ഘവീക്ഷണവും വിഷ്വല് എഫക്ട്സും ചിത്രത്തെ ഇന്ത്യന് സിനിമയിലെ നാഴികക്കല്ലാക്കി മാറ്റി.
ഒന്നാം ഭാഗം വന് വിജയമായതോടെ, 'കല്ക്കി സിനിമാറ്റിക് യൂണിവേഴ്സ്' ഇനി എങ്ങോട്ട് എന്ന ആകാംഷയിലാണ് സിനിമാ പ്രേമികള്.
ജൂണ് 27 ന് ലോകമെമ്പാടുമുള്ള തിയേറ്ററുകളിലെത്തിയ ചിത്രം ഇന്ത്യന് സിനിമയിലെ എക്കാലത്തെയും വലിയ വിജയങ്ങളില് ഒന്നായിരുന്നു. 600 കോടി ബഡ്ജറ്റില് ഒരുങ്ങിയ ചിത്രം ആഗോള ബോക്സ് ഓഫീസില് നിന്ന് 1200 കോടിയിലേറെയാണ് നേടിയത്.
സന്തോഷ് നാരായണനാണ് ചിത്രത്തിന്റെ സംഗീത സംവിധാനം നിര്വ്വഹിച്ചത്. ജോര്ഡ്ജെ സ്റ്റോജില്കോവിച്ചായിരുന്നു ഛായാഗ്രഹണം. കോട്ടഗിരി വെങ്കടേശ്വര റാവുവാണ് എഡിറ്റര്. സംവിധായകന് നാഗ് അശ്വിനൊപ്പം റുഥം സമര്, സായ് മാധവ് ബുറ, ബി എസ് ശരവംഗ കുമാര് എന്നിവര് ചേര്ന്നാണ് ചിത്രത്തിന്റെ രചന നിര്വ്വഹിച്ചത്. വൈജയന്തി മൂവീസിന്റെ ബാനറില് സി അശ്വനി ദത്ത്, സ്വപ്ന ദത്ത്, പ്രിയങ്ക ദത്ത് എന്നിവരാണ് ചിത്രത്തിന്റെ നിര്മ്മാണ നിര്വ്വഹണം. അതേസമയം 2027-ല് സിനിമയുടെ രണ്ടാം ഭാഗം തിയറ്ററുകളില് എത്താനായി ഒരുങ്ങുകയുമാണ്. പിആര്ഒ ആതിര ദില്ജിത്ത്.
English (US) ·