ആഞ്ചലീനയുമായുള്ള പ്രശ്നം അവിടെ നിൽക്കട്ടെ, 61 കാരൻ ബ്രാഡ് പിറ്റും 32 കാരി ഇനെസും ലിവിങ് ടു​ഗെദർ റിലേഷനിൽ!

Authored by: അശ്വിനി പി|Samayam Malayalam•11 Oct 2025, 8:47 am

ബ്രാഡ് പിറ്റും മുൻ ഭാര്യ ആഞ്ചലീന ജോളിയും തമ്മിലുള്ള കോടതി വഴക്ക് തുടർന്നുകൊണ്ടേയിരിക്കുകയാണ്. അതിനിടയിൽ ഇനെസ് ഡി റാമണുമായി ബ്രാഡ് പിറ്റ് ലിവിങ് ടുഗെദർ ബന്ധം ആരംഭിച്ചതായി റിപ്പോർട്ടുകൾ. ഇരുവരും ഇപ്പോഴും ഒന്നിച്ചാണ് താമസിക്കുന്നത്, അധികം വൈകാതെ വിവാഹത്തിലേക്ക് കടക്കും എന്നാണ് ഇന്റർനാഷണൽ മാധ്യമങ്ങൾ റിപ്പോർട്ട് ചെയ്യുന്നത്.

ബ്രാഡ് പിറ്റിന്റെ എല്ലാ യാത്രകളിലും കൂടെ ഇനെസ് ഡി രാമണുമുണ്ടാവാറുണ്ട്. അപ്പോൾ മുതലേ ഇരുവരും ഡേറ്റിങിലാണ് എന്ന ഗോസിപ്പുകൾ വന്നിരുന്നു. ഈ യാത്രകളൊക്കെ കഴിഞ്ഞ് ഇരുവരും മടങ്ങിയെത്തുന്നത് ഒരേ വീട്ടിലേക്കാണ്, ഒരു കുടുംബമായി ജീവിക്കുകയാണ് ഇരുവരും എന്ന് അടുത്ത വൃത്തങ്ങൾ വ്യക്തമാക്കുന്നു.

Also Read: വൃത്തികെട്ട രീതിയിൽ വഴക്കിട്ട് കുറ്റം പറഞ്ഞ് പിരിഞ്ഞവരല്ല, ഇപ്പോഴത്തെ അദ്ദേഹത്തിന്റെ ഭാര്യയോടും പ്രശ്നമില്ല; സോണിയ പറയുന്നു

2022 മുതലാണ് 61 കാരനായ ബ്രാഡ് പിറ്റും 32 കാരിയായ ഇനെസ് ഡി റാമണും തമ്മിലുള്ള പ്രണയ ഗോസിപ്പുകൾ പുറത്തുവന്നത്. 2024 ൽ വെനീസ് ഫിലിം ഫെസ്റ്റിവലിൽ ഇരുവരും ഒരുമിച്ച് റെഡ് കാർപെറ്റിൽ വന്നതോടെ ആ ഗോസിപ്പുകൾ സ്ഥിരീകരിച്ചു. ന്യൂയോർക്കിൽ നടന്ന പിറ്റിന്റെ സിനിമയായ എഫ് 1 ന്റെ വേൾഡ് പ്രീമിയറിലും താരജോഡികൾ ഒരുമിച്ചെത്തി. കൂടാതെ സിനിമയുടെ പ്രമോഷണൽ കാമ്പെയ്‌നിനായി ഡി റാമോൺ പിറ്റിനൊപ്പം ഉണ്ടായിരുന്നു.

ജെനിഫർ ആനിസ്റ്റൺ ആണ് ബ്രാഡ് പിറ്റിന്റെ ആദ്യ ഭാര്യ. 2000 ൽ ഇരുവരും വിവാഹിതരായി എങ്കിലും അഞ്ച് വർഷം കൊണ്ട് ആ ദമ്പത്യം അവസാനിച്ചു. പിന്നീട് 2014 ൽ ആണ് ആഞ്ചലീന ജോളിയുമായുള്ള വിവാഹം നടന്നത്. ആ ബന്ധവും അഞ്ച് വർഷം മാത്രമേ മുന്നോട്ടു പോയുള്ളൂ. 2019 ൽ ആണ് ഇറുവരും ഔദ്യോഗികമായി വേർപിരിഞ്ഞത്. എന്നാൽ ഇപ്പോഴും ഫ്രാൻസിലുള്ള ചാറ്റോ മിറാവൽ വീടിനെച്ചൊല്ലിയുള്ള ഇരുവർക്കുമിടയിലെ തർക്കം തുടർന്നുകൊണ്ടേയിരിക്കുകയാണ്.


ബ്രാഡ് പീറ്റുമായുള്ള പ്രണയ ബന്ധത്തിന് മുൻപ് ഇനെസ് ഡി റാമോൺ നടൻ പോൾ വെസ്ലിയെ വിവാഹം കഴിച്ചിരുന്നു. 2019 ൽ ആയിരുന്നു വിവാഹം എന്നാൽ അധിക ദൂരം ആ ബന്ധം പോയില്ല, 2024 ൽ ഇരുവരും നിയമപരമായി ബന്ധം വേർപെടുത്തുകയായിരുന്നു.