ആദ്യ ടെസ്റ്റിൽ ബംഗ്ലദേശിനെ വീഴ്ത്തി സിംബാബ്‌വെ; 3 വിക്കറ്റ് വിജയം, 2 ടെസ്റ്റുകളുള്ള പരമ്പരയിൽ 1–0ന് മുന്നിൽ

ധാക്ക∙ ബംഗ്ലദേശ് പര്യടനത്തിലെ ആദ്യ ടെസ്റ്റിൽ സിംബാബ്‌വെയ്ക്ക് 3 വിക്കറ്റിന്റെ ആവേശ ജയം. രണ്ടാം ഇന്നിങ്സിൽ 174 റൺസ് വിജയലക്ഷ്യം പിന്തുടർന്ന സിംബാബ്‌വെ ബ്രയാൻ ബെനറ്റ് (54), ബെൻ കറൻ (44) എന്നിവർ നൽകിയ തുടക്കത്തിന്റെ ബലത്തിൽ 7 വിക്കറ്റ് നഷ്ടത്തിൽ ലക്ഷ്യം കണ്ടു. 

സ്കോർ: ബംഗ്ലദേശ് 191, 255. സിംബാബ്‌വെ 273, 7ന് 174. 

രണ്ട് ഇന്നിങ്സിലുമായി 9 വിക്കറ്റ് നേടിയ സിംബാബ്‍വെ ബോളർ ബ്ലസിങ് മുസറബനിയാണ് പ്ലെയർ ഓഫ് ദ് മാച്ച്. 28നാണ് 2 മത്സര പരമ്പരയിലെ അവസാന ടെസ്റ്റ്.