ആദ്യം സെഞ്ചുറി നേടി ഞെട്ടിച്ചു, ഇന്ന് പന്തെറിഞ്ഞ് സ്റ്റമ്പ് തകർത്തും; രാജസ്ഥാൻ താരം വൈഭവ് സൂര്യവംശിയുടെ ബൗളിങ് വീഡിയോ വൈറൽ

Edited byഅനുഷ ഗംഗാധരൻ | Samayam Malayalam | Updated: 3 May 2025, 8:44 pm

ജയ്പൂർ: ഐപിഎൽ മെഗാ താരലേലത്തിൽ രാജസ്ഥാൻ റോയൽസ് 1.10 കോടി രൂപയ്ക്ക് സ്വന്തമാക്കിയ വജ്രായുധമാണ് പതിനാലുകാരനായ വൈഭവ് സൂര്യവംശി. 35 പന്തിൽ സെഞ്ചുറി നേടി ക്രിക്കറ്റ് ലോകത്തെ ഇളക്കി മറിച്ച താരത്തെ പ്രശംശിച്ച് ഇതിഹാസങ്ങൾ തന്നെ രംഗത്തെത്തി. രാജസ്ഥാൻ റോയൽസ് ക്യാപ്റ്റൻ മലയാളി വിക്കറ്റ് കീപ്പർ ബാറ്റർ സഞ്ജു സാംസൺ പരിക്കിനെ തുടർന്ന് പ്ലേയിങ് ഇലവനിൽ നിന്ന് പുറത്തായതോടെയാണ് പതിനാലുകാരൻ രാജസ്ഥാൻ റോയൽസിന്റെ പ്ലേയിങ് ഇലവനിൽ ഇടം പിടിക്കുന്നത്.
മഴയിൽ മുങ്ങുമോ ബെംഗളൂരു ചെന്നൈ മത്സരം? ഉപേക്ഷിച്ചാൽ കോഹ്ലിക്കും സംഘത്തിനും വൻ തിരിച്ചടിഐപിഎല്ലിൽ രാജസ്ഥാന്റെ എട്ടാമത്തെ മത്സരം മുതലാണ് വൈഭവ് ഓപ്പണർ ആയി മൈതാനത്ത് ഇറങ്ങുന്നത്. നേരിട്ട ആദ്യ പന്ത് തന്നെ സിക്സറിന് പറത്തിയ പതിനാലുകാരൻ തുടക്കം തന്നെ ഞെട്ടിച്ചു. ഗുജറാത്ത് ടൈറ്റൻസുമായുള്ള മത്സരത്തിൽ വൈഭവ് ഭയം തെല്ലുമില്ലാതെ പന്തുകളെ നേരിട്ടപ്പോൾ ഗുജറാത്തിന്റെ ടോപ് ബൗളർമാർ വെള്ളം കുടിക്കുന്ന കാഴ്ചയാണ് കണ്ടത്. ഇത്തരത്തിൽ ബാറ്റ് കൊണ്ട് ഏവരെയും ഞെട്ടിച്ച വൈഭവ് സൂര്യവംശി ഇന്ന് പന്തുകൊണ്ടാണ് ഞെട്ടിച്ചത്.
അടുത്ത മത്സരത്തിന് മുൻപ് തകൃതിയായി പരിശീലനം നടത്തുന്ന തിരക്കിലാണ് രാജസ്ഥാൻ റോയൽസ് താരങ്ങൾ. ഇവിടെയാണ് സഹതാരങ്ങളെ ഞെട്ടിച്ച് വൈഭവ് സൂര്യവംശി പന്തെറിഞ്ഞ് സ്റ്റമ്പ് തന്നെ തകർത്തത്. രാജസ്ഥാൻ റോയൽസ് തങ്ങളുടെ സോഷ്യൽ മീഡിയ പേജിൽ പങ്കുവെച്ച വീഡിയോ ആരാധകർ ഏറ്റെടുത്തിരിക്കുകയാണ്.
https://www.instagram.com/reel/DJMGhLOs5-H/https://www.instagram.com/reel/DJMGhLOs5-H/താൻ ഒരു ബാറ്റർ മാത്രമല്ല നന്നായി പന്തെറിയുന്ന ഒരു ബൗളർകൂടിയാണ് എന്ന് തെളിയിച്ചിരിക്കുകയാണ് വൈഭവ് സൂര്യവംശി. രാജസ്ഥാൻ റോയൽസ് ഒരു കോടി രൂപയ്ക്ക് സ്വന്തമാക്കിയത് ഒരു ഓൾ റൗണ്ടറെയാണ് എന്നാണ് വീഡിയോ കണ്ട ആരാധകർ ഒരേ സ്വരത്തിൽ പറയുന്നത്. പന്തെറിഞ്ഞ് സ്റ്റമ്പ് തകർത്ത വൈഭവിനെ ഞെട്ടലോടെ നോക്കുന്ന സഹതാരങ്ങളെയും ഗ്രൗണ്ട് സ്റ്റാഫുകളും വിഡിയോയിൽ കാണാം. അതേസമയം വൈഭവിനെ പന്തെറിയാനും റോയൽസ് ഇനി മൈതാനത്ത് ഇറക്കുമോ എന്നാണ് ആരാധകർ ചോദിക്കുന്നത്. കൊൽക്കത്ത നൈറ്റ് റൈഡേഴ്സിനെതിരെയാണ് രാജസ്ഥാൻ റോയൽസിന്റെ അടുത്ത മത്സരം. മുംബൈ ഇന്ത്യൻസിനോട് ദയനീയ പരാജയം ഏറ്റുവാങ്ങിയ റോയൽസ് ഐപിഎൽ 2025 സീസണിൽ നിന്ന് പുറത്തായി കഴിഞ്ഞു. എന്നാൽ ഇനിയുള്ള മത്സരങ്ങൾ ജയിച്ച് ഐപിഎൽ 2025 സീസൺ പൂർത്തിയാക്കാനാണ് റോയൽസ് ക്യാമ്പ് തീരുമാനിച്ചിരിക്കുന്നത്. ഏപ്രിൽ 4, ഉച്ച കഴിഞ്ഞ് 3.30 നാണ് മത്സരം. കൊൽക്കത്തയുടെ ഈഡൻ ഗാർഡനാണ് വേദി.