ആനിയുടെ കടിഞ്ഞൂൽ പ്രസവമാണ് പോയേ പറ്റൂ! നീ പൊക്കോടാ ഞാൻ നോക്കിക്കൊള്ളാം; അന്ന് ജനിച്ച കുട്ടിയുടെ പേര് ജഗൻ!

Authored by: ഋതു നായർ|Samayam Malayalam•15 Oct 2025, 1:41 pm

ഷാജി കൈലാസിന്റെ സംവിധാനത്തിൽ എത്തിയ മോഹൻലാൽ ചിത്രം അതാണ് ആറാം തമ്പുരാൻ എന്ന് ഒട്ടുമിക്ക ആളുകൾക്കും അറിയാം. ലാലേട്ടന് പുറമെ മണ്മറഞ്ഞ നിരവധി കലാകാരന്മാർ അണിനിരന്ന ചിത്രം ഒടുവിൽ ഉണ്ണികൃഷ്ണൻ, നരേന്ദ്രപ്രസാദ് എന്നിവർ ഇന്നും അവരുടെ കഥാപാത്രങ്ങളിലൂടെ ജീവിക്കുന്ന സിനിമ .

മഞ്ജു വാര്യർ, പ്രിയാരാമൻ എന്നിവർ പ്രധാനവേഷങ്ങളിൽ അഭിനയിച്ച് 1997-ൽ പ്രദർശനത്തിനിറങ്ങിയ ചിത്രം രേവതി കലാമന്ദിറിന്റെ ബാനറിൽ സുരേഷ് കുമാർ ആയിരുന്നു നിർമ്മാണം. ഈ ചിത്രം വിതരണം ചെയ്തത് സ്വർഗ്ഗചിത്ര ആണ്. ഇത് മാത്രമല്ല ഈ സിനിമയിൽ ഒരുപറ്റം സുഹൃത്തുക്കളുടെ ഒരു കൂടിച്ചേരൽ കൂടിയുണ്ട്. അതിൽ പ്രത്യേകിച്ച് എടുത്തുപറയേണ്ട ഒരു കഥയുണ്ട്. അധികം ആർക്കും അറിയാത്ത ഒരു കഥ പറയാം.

ആറാംതമ്പുരാൻ ചിത്രം ഷാജികൈലാസ് മോഹൻലാൽ ചിത്രം എന്നപോലെ തന്നെ പ്രിയദർശൻ ചിത്രം എന്നുകൂടി പറയേണ്ടി വരും. കാരണം ചിത്രത്തിലെ എന്നെന്നും എവർഗ്രീൻ ഗാനമായ 'ഹരിമുരളീരവം...' എന്ന സോങ് ചിത്രീകരിക്കുന്നത് പ്രിയദർശൻ ആണെന്ന് അധികമാർക്കും അറിയില്ല.

രവീന്ദ്രൻ സംഗീതസംവിധാനം നിർവഹിച്ച ഈ പാട്ടിൻ്റെ വരികൾ എഴുതിയത് ഗിരീഷ് പുത്തഞ്ചേരിയും പാടിയത് യേശുദാസുമാണ്. സിന്ധുഭൈരവി രാഗത്തിലാണ് ഇത് ചിട്ടപ്പെടുത്തിയിരിക്കുന്നതെങ്കിലും കഥാസന്ദർഭോചിതമായി ഹിന്ദുസ്ഥാനി ഭാവവും കൂട്ടിച്ചേർത്തിട്ടുണ്ട്.

ALSO READ:80 ൽ നിന്നും 50 വരെ എത്തിച്ച കല്യാണി! സൗന്ദര്യം, സാലറി എല്ലാം തേടിയെത്തി; പരിഹാസത്തെ പുഷ്പം പോലെ ഫയറാക്കിയ പാൻ ഇന്ത്യൻ സ്റ്റാർ

മോഹൻലാൽ അവതരിപ്പിക്കുന്ന ജഗന്നാഥൻ എന്ന കഥാപാത്രമാണ് സിനിമയിൽ ഈ പാട്ട് ആലപിക്കുന്നത്. ജഗന്നാഥൻ്റെ സംഗീതപാടവം കാണിക്കുന്നതിനൊപ്പം മോഹൻലാലിൻറെ കഥാപാത്രം ജഗന്നാഥന്റെ പൂർവകാല രംഗങ്ങൾ അവതരിപ്പിക്കുകയുമാണ് സിനിമയിൽ ഈ പാട്ടിൻ്റെ ലക്ഷ്യം. എന്നാൽ ഈ സോങ് ചിത്രീകരിക്കുന്ന സമയത്താണ് ആനി ഷാജി കൈലാസിനെ പ്രസവത്തിനു ആശുപത്രിയിൽ പ്രവേശിപ്പിച്ചത്.

ഭാര്യക്ക് ഒപ്പം നാട്ടിൽ ഉണ്ടാകേണ്ട സമയം. ഇവിടെ നിർണ്ണായകമായ ഷൂട്ടിങ് രംഗവും. സെറ്റ് ആണെങ്കിൽ അങ്ങ് തമിഴ് നാട്ടിലും. പക്ഷേ ആ സമയത്താണ് ദൈവദൂതനെപോലെ ആ സെറ്റിലേക്ക് പ്രിയദർശൻ എത്തിയത്. നീ പൊക്കോ ഞാൻ നോക്കിക്കൊള്ളാം എന്ന് പ്രിയൻ ഷാജിക്ക് കൊടുത്ത വാക്കാണ് ആ ഗാനരംഗം

ALSO READ: യു പൊണ്ടാട്ടീ; പ്രിയപ്പെട്ടവൾക്ക് പിറന്നാൾ ആശംസകൾ അറിയിച്ച് മാധവൻ, സരിതയെ കുറിച്ച് പറഞ്ഞത്; ഞാനാണ് ഭാഗ്യവാൻ!

ആള് മോഹൻലാലിനെ കാണാൻ വന്നത് ആണെങ്കിലും ദൈവ നിയോഗം പോലെ ഹരിമുരളീരവം ഗാനം പ്രിയദർശന്റെ സംവിധാനത്തിൽ ആണ് നടന്നത്. സ്ഥിരം പ്രിയദർശൻ ആംഗിളുകൾ ഈ സിനിമയിൽ കൃത്യമായി കാണാം. ആ ആൾക്കൂട്ടത്തിന്റെ ഇടയിലൂടെ മുഖം മറച്ചു ഓടുന്ന ആ സുന്ദരി ഉർവശി ആണെന്ന് അടുത്താണ് പ്രേക്ഷകർ അറിയുന്നതും. അതേപോലെ അടുത്തിടെ സംവിധായകൻ എം പദ്മകുമാർ ഈ കഥ വീണ്ടും പറഞ്ഞതോടെയാണ് ഷാജി കൈലാസ്- ആനി ദമ്ബതികളുടെ മൂത്തമകൻ എങ്ങനെ ജഗൻ ആയി എന്ന സ്റ്റോറി കൂടി സോഷ്യൽ മീഡിയയിൽ നിറയുന്നത്.