ആന്റി എന്ന് വിളിക്കുന്നവരോട്, നാളെ നിങ്ങളും ആ പ്രായത്തിലേക്ക് എത്തുമല്ലോ എന്ന് പ്രിയാമണി, എത്ര വയസ്സായി?

Authored by: അശ്വിനി പി|Samayam Malayalam•24 Sept 2025, 12:11 pm

വയസ്സ് 40 കഴിഞ്ഞുവെങ്കിലും, ഇന്നും തന്റെ ചെറുപ്പവും സൗന്ദര്യവും കാത്തു സൂക്ഷിക്കുന്ന നായികയാണ് പ്രിയാമണി. തന്റെ പത്തൊൻപതാം വയസ്സിലാണ് പ്രിയ തെലുങ്ക് ചിത്രത്തിലൂടെ അഭിനയ ലോകത്തേക്ക് വരുന്നത്. പിന്നീട് തമിഴ്, മലയാളം, ഹിന്ദി എന്നിങ്ങനെ എല്ലാ ഭാഷകലിലും സജീവമാവുകയായിരുന്നു.

കഥാപാത്രങ്ങൾ ചെയ്യുമ്പോൾ അതിന്റെ പ്രായമൊന്നും നോക്കാത്ത നടിയാണ് പ്രിയ. അമ്മ വേഷങ്ങൾ ആണെങ്കിലും, കാമ്പുള്ള കഥാപാത്രങ്ങൾ ഏറ്റെടുക്കാറുണ്ട്. ഏറ്റവും ഒടുവിൽ ചെയ്ത ഗുഡ് വൈറ് എന്ന വെബ്സീരീസിലെ വേഷവും അതിന് ഉദാഹരണമാണ്. ടൈപ് കാസ്റ്റ് ചെയ്യപ്പെടാതിരിക്കാനും കരിയറിൽ വളരെ അധികം ശ്രദ്ധിക്കുന്ന നടിയാണ് പ്രിയ. പക്ഷേ ആന്റി എന്ന വിളി ഇടക്കാലത്ത് തനിക്ക് ബുദ്ധിമുട്ടായിരുന്നു എന്ന് പ്രിയ മണി പറയുന്നു.

Also Read: പ്രണയ ഗോസിപ്പുകൾക്കിടയിൽ ധ്രുവ് വിക്രമിന് പിറന്നാൾ ആശംസകളുമായി അനുപമ പരമേശ്വരൻ; അത്ഭുതങ്ങൾ നിന്നെ കാത്തിരിക്കുന്നു

ഒരുപാട് ആളുകൾ ആന്റി, ആന്റി എന്ന് വിളിക്കുമ്പോൾ ഞാനത് ഹൃദയത്തിലേക്ക് എടുക്കുമായിരുന്നു. എന്തിന് എന്നെ ആന്റി എന്ന് വിളിക്കുന്നു. എനിക്ക് 30 വയസ്സ് കഴി‍ഞ്ഞതോ, ഓകെ, അത് ഇത്ര വലിയ ബിഗ് ഡീൽ ആണോ. നാളെ അവരും ആ പ്രായത്തിൽ എത്തില്ലേ. 30 ആവും 40 ആവും, 50 ആവും. എല്ലാവർക്കും വർഷം കഴിയുന്തോറും വയസ്സ് കൂടുകയാണല്ലോ. നാളെ നിങ്ങളും ആ പ്രായത്തിൽ എത്തുമല്ലോ, അപ്പോൾ അറിയാം എന്ന് ചിന്തിച്ചപ്പോൾ എനിക്കത് ഒരു വിഷയമേ അല്ലാതെയായി.

Also Read: എന്റെ ജീവിതത്തിലെ മഹാഭാഗ്യങ്ങളിൽ ഒന്ന്! അമ്മ അവാർഡ് വാങ്ങുമ്പോൾ എനിക്ക് സാക്ഷ്യം വഹിക്കാനായി

ഇതൊന്നും ഒരു വിഷയമേ അല്ല. ഇതിനെക്കാൾ എത്രയോ പ്രാധാന്യമുള്ള കാര്യങ്ങൾ നമുക്ക് സംസാരിക്കാനും ചർച്ച ചെയ്യാനുമുണ്ട്. അതെ കുറിച്ചെല്ലാം ചിന്തിയ്ക്കൂ. അല്ലാതെ ആരാണ് ആന്റിയെ പോലുള്ളത് അങ്കിളിനെ പോലുള്ളത് എന്ന് ചിന്തിച്ച് സമയം കളയാതിരിക്കൂ- പ്രിയമണി പറഞ്ഞു.


സത്യം എന്ന ചിത്രത്തിലൂടെയാണ് പ്രിയ മലയാളത്തിലേക്ക് എത്തിയത്. പിന്നീട് മലയാളത്തിൽ നിരവധി നല്ല റോളുകൾ നടി ചെയ്തു. പരുത്തിവീരൻ എന്ന തമിഴ് ചിത്രത്തിലൂടെ ദേശീയ പുരസ്കാരവും നേടിയ പ്രിയ ഇപ്പോൾ ഹോളിവുഡ് സിനിമാ ലോകത്തും ഏറെ സജീവമാണ്.